Nehemia 12:8 - Baibuli Ekibono kya Katonda 2014

⁸ Abalevi baali bano: Yeshua, ni Binnui, ni Kadimieli, ni Sherebia, ni Yuda, ni Mattania. Abo n'abaakulemberanga enhembo edh'okwebaza ni Balevi banaibwe abandi.

Nehemia 12:8 Iomraidhean Croise

1 Ebyomubyanda 9:33

Abandi ku Balevi baali bembi, era nga n'abakulira enda dha baiseibwe. Baasulanga mu bisenge by'oku isinzizo, era tibaabaghanga mulimo gundi gwonagwona, kuba ogwaibwe ogw'okwemba baagukolanga omusana n'obwire.

Ezera 2:40

Mu baira okuva mu bunhage mwalimu Abalevi bano: Ab'oku nda ya Yeshua, n'ab'oku nda ya Kadimieli, nga baasimuka mu Hodavia, baali nsanvu na bana (74).

Ezera 3:2

Agho Yeshua mutabane wa Yozadaki, ni bakabona baine, ni Zerubbabeli mutabane wa Shealutieli aghalala n'aboluganda lwe, baazimba buyaaka alutaari ya Katonda wa Isiraeli, ey'okugheerangaku ebigheebwayo ebyokebwa, nga bwe kyaghandiikibwa mu Mateeka ga Musa omuntu wa Katonda.

Nehemia 11:17

Waataaku ni Mattania mutabane wa Mika, Mika yaaba mutabane wa Zabadi, ate Zabadi yaaba mutabane wa Asafu, eyakulemberanga okusaba okw'okwebaza mu isinzizo. Waataaku ni Bakabukia, eyaiririranga Mattania, ni Abada mutabane wa Shammua, Shammua mutabane wa Galali, ate Galali yaaba mutabane wa Yeduthuni.

Nehemia 11:22

Eyalabiriranga Abalevi abaabanga mu Yerusalemu yali nga ni Uzzi mutabane wa Bani, Bani mutabane wa Hashabia, Hashabia mutabane wa Mattania, ate Mattania yaaba mutabane wa Mika. Uzzi ono yali asimuka mu Asafu, era ab'oku nda ya Asafu oyo n'abaali abembi mu isinzizo.

Nehemia 12:24

Abalevi nga bakulemberwa Hashabia, ni Sherebia, ni Yeshua mutabane wa Kadimieli, beegabaniamu ebikunsu. Nga ku buli mukuzi ghabaagho ebikunsu bibiri ebiba biri kwemba enhembo edhisaaka n'okwebaza Katonda, ng'ekindi kiri kwemba eby'okwiramu, nga kyabazinga Daudi omuntu wa Katonda bwe yalagira.

Nehemia 12:7

ni Sallu, ni Amoki, ni Hilikia, ni Yedaia. Abo n'abaakuliranga bakabona banaibwe mu biseera Yeshua ghe yabeera Kabona Omukulu.

Nehemia 12:9

Ate Bakabukia, ni Unni, ni Balevi banaibwe abandi nga n'abeemerera emberi gh'abo, okwemba eby'okwiramu.

Nehemia 7:43

Mu baira okuva mu bunhage mwalimu Abalevi bano: Ab'oku nda ya Yeshua, n'ab'oku nda ya Kadimieli, nga basimuka mu Hodavia, baali nsanvu na bana (74).

Nehemia 7:48

ab'oku nda ya Lebana, n'ab'oku ya Hagaba, n'ab'oku ya Shalimai;

Nehemia 9:4

Abalevi bano: Yeshua, Bani, Kadimieli, Shebania, Bunni, Sherebia, Bani, ni Kenani, baayemerera ku madaala g'Abalevi, baasaba Musengwa Katonda waibwe mu mamiro ag'amaani.