Nehemia 12:39 - Baibuli Ekibono kya Katonda 2014

³⁹ Bwe twava agho, twatuuka ku gwetebwa Omulyango Ogwa Efuraimu, era twaja twatuuka ku gwetebwa Omulyango Omukaire. Era tweyongerayo twatuuka ku gwetebwa Omulyango ogw'Ebyenhandha, ni ku kyetebwa Ekituuti ekya Hananeli, era ni ku kyetebwa Ekituuti Ekyekikumi. Bwe twava agho twatuuka ku gwetebwa Omulyango gw'Entaama, olwo twatuuka ku gwetebwa Omulyango Ogwabakuumi, era twakoma agho.

Nehemia 12:39 Iomraidhean Croise

2 Bakyabazinga 14:13

Agho kyabazinga Yehoashi owa Isiraeli, yaagema kyabazinga Amazia owa Buyudaaya mutabane wa Yoashi era mwidhukulu wa Ahazia, ng'amugemera e Bethi Shemeshi. Yaamuleeta e Yerusalemu era Yehoashi oyo yaamenha ekisenge ekyezungulwire ekibuga Yerusalemu ekyo, okuva ku Mulyango gwa Efuraimu okutuuka ku Mulyango Ogwokunsonda obwo nga n'obuleeyi bwa mita ng'oti ebikumi bibiri (200).

Nehemia 12:40

Kale ebikunsu ebyo byombi eby'abo abaali nga baidhie okwebaza, byatuuka aghali eisinzizo. Ninze zeena, nga ndi ghalala n'ekitundu kire ekyasigalagho ku bakulu b'omu Buyudaaya bale, twayemerera agho,

Nehemia 3:1

Agho Eliashibu Omukulu wa Bakabona ni bakabona baine, baasitukiramu baazimba ogwetebwa Omulyango ogw'Entaama, baakola omukolo ogw'okugutukuza, era baagutaamu n'endhigi dhaamu. Baatukuza ekimante ekyo okutuuka ku kyetebwa Ekituuti Ekirengererwaku Ekyekikumi, n'okutuuka ku kindi ekyetebwa Ekituuti ekya Hananeli.

Nehemia 3:25

Palali mutabane wa Uzai n'eyalongoosa ekitundu ekyairaku ku kimante ekyo, okuva ghale ng'olingiriiza ekimante ghe kigonhokera aghaali n'ekituuti ekirengererwaku ekiri ku ndhu ya kyabazinga ghaigulu, okumpi n'endhu y'abakuumi. Ku oyo kwairaku Pedaia mutabane wa Paroshi,

Nehemia 3:3

Batabane ba Hassena baazimba ogwetebwa Omulyango ogw'Ebyenhandha. Baasimbagho emyango gyagwo, baataamu endhigi dhaamu, era endhigi edho baadhitaaku eminhololo n'ebisiba ebindi.

Nehemia 3:6

Yoiyada mutabane wa Pasea ni Meshullamu mutabane wa Besodeia, baalongoosa ogwetebwa Omulyango Omukaire. Baasimbagho emyango gyagwo, baataamu endhigi dhaamu, era endhigi edho baadhitaaku eminhololo n'ebisiba ebindi.

Nehemia 8:16

Kale abantu baaja baaleeta ensaga edho, baazimba entindi ku ngulu kw'endhu dhaibwe, ni mu mpya dhaibwe, ni mu luya olw'eisinzizo lya Katonda, ni mu luya oluli gha Mulyango ogw'Amaadhi, ni mu luya oluli gha Mulyango ogw'Efuraimu.

Yeremia 31:38

Musengwa Katonda era akoba ati: “Ekiseera kiri kwidha bairemu okuzimba ekibuga Yerusalemu, okuva ku kituuti ekyetebwa ekya Hananeli mu bugwandhuba, okutuuka ku gwetebwa Omulyango ogw'omu Nsonda.

Yeremia 32:2

Mu kiseera ekyo, eigye erya kyabazinga w'e Babilonia lyali lirumbye Yerusalemu, nga likizingiiza okukyezunguluza. Era nga nze bansibiire mu luya lw'ekisaagaati kya kyabazinga.

Zefania 1:10

Era Musengwa Katonda akoba ati: “Ku lunaku olwo, ghaja kubaagho okulira gha Mulyango ogwetebwa ogw'Ebyenhandha ogw'ekibuga Yerusalemu, era ghabeegho okuwowoola mu Kiketezo Ekiyaaka eky'ekibuga ekyo, era ghabeegho okugwa okw'amaani mu nsozi.

Yoanne 5:2

Mperaano, mu Yerusalemu, agho ku Mulyango gw'Entaama, ogwetebwa Bethizatha mu Luheburayi, ghaaligho ekidiba nga kiriku ebigangu bitaanu.