Nehemia 12:31 - Baibuli Ekibono kya Katonda 2014

³¹ Agho naayeta abakulu ab'omu Buyudaaya, beesololeza ku kimante ghaigulu. Naabagemya ebikunsu by'abantu bibiri ebikologho, byatambula nga bija bwe byemba enhembo edheebaza Katonda. Ekikunsu ekindi kyasimbira ku luuyi olw'omukono omusaadha, ku ngulu ku kimante, nga kyolekeire omulyango ogwetebwa Ogwobusa.

Nehemia 12:31 Iomraidhean Croise

1 Ebyomubyanda 13:1

Agho kyabazinga Daudi yeebuuza ku bakulu boonaboona abaduumira ebikunsu by'abalwani olukumi olukumi, n'abaduumira ebikunsu by'abalwani ekikumi ekikumi, n'abakulembeze abandi boonaboona.

1 Ebyomubyanda 28:1

Kyabazinga Daudi yaalagira abakungu boonaboona mu Isiraeli okwesoloza. Kale bano beesololeza e Yerusalemu: abakulu b'ebika, n'abakulira ebikunsu ebyagheerezanga kyabazinga, n'abaduumizi b'abaisirukale olukumi olukumi n'ekikumi ekikumi, n'abaalabiriranga ebintu n'ebyayo bya kyabazinga ni batabane be, ghalala n'abakungu b'omu kisaagaati kya kyabazinga, era n'abaisirukale boonaboona ab'amaani.

2 Ebyomubyanda 5:2

Agho kyabazinga Solomoni yaayeta abakulembeze boonaboona ab'omu Isiraeli, n'abakulu b'ebika n'abakulu b'enda dh'abantu, okwidha y'ali e Yerusalemu, baje batoole Esanduuku ey'Endagaano ya Musengwa Katonda mu kyetebwa Ekibuga kya Daudi, ekyo nga ni Sioni.

Nehemia 12:32

Hoshaia yaabavangaku einhuma, ng'ali n'ekitundu ku bakulu bale ab'omu Buyudaaya,

Nehemia 12:38

Ekikunsu ekindi eky'abo abaali nga baidhie okwebaza, kyasimbira ku luuyi olw'omukono omugooda, era nga boona bali ku ngulu ku kimante. Nze n'ekitundu kire ekyasigalagho ku bakulu b'omu Buyudaaya bale, twabanonereza. Twabita ku kyetebwa Ekituuti Ekyebyokero, twatuuka ku kyetebwa Ekimante Ekigazi.

Nehemia 12:40

Kale ebikunsu ebyo byombi eby'abo abaali nga baidhie okwebaza, byatuuka aghali eisinzizo. Ninze zeena, nga ndi ghalala n'ekitundu kire ekyasigalagho ku bakulu b'omu Buyudaaya bale, twayemerera agho,

Nehemia 2:13

Naaja obwire obwo naabita mu Mulyango ogw'omu Kiiko, era naabitira ku Nsulo ey'Ogusota, naatuuka ku Mulyango gw'Obusa. Naajanga nga neekebeedha ebimante ebyezungulwire Yerusalemu bye baamenhamenha, n'emiryango gyakyo gye baayokya omuliro.