Nehemia 12:27 - Baibuli Ekibono kya Katonda 2014

²⁷ Ekiseera bwe kyatuuka okutukuza ekimante ekyezungulwire ekibuga Yerusalemu, baasoloza Abalevi boonaboona ye baali baba, baidhe beeyimbe mu mukolo ogwo ogw'okusagamba n'okwebaza, nga bemba enhembo era nga bakubiraku ebide, n'entongooli, n'endingidi.

Nehemia 12:27 Iomraidhean Croise

2 Samueli 6:12

Agho baakobera kyabazinga Daudi bati: “Musengwa Katonda yagha ab'endhu ya Obedi Edomu ni by'ali nabyo byonabyona enkabi, olw'Esanduuku ya Katonda.” Kale Daudi yaaja yaatoolayo Esanduuku ya Katonda mu ndhu ya Obedi Edomu, yaagitwala mu kibuga kye ekyetebwa ekya Daudi, n'okusagamba okw'amaani.

1 Bakyabazinga 8:63

Solomoni yaghaayo ente emitwalo ebiri n'enkumi ibiri (22,000) n'entaama emitwalo ikumi n'ebiri (120,000) ng'ekigheebwayo olw'okutabagana. Kale atyo kyabazinga Solomoni n'Abaisiraeli baaghaayo eisinzizo okuba erya Musengwa Katonda.

1 Ebyomubyanda 13:8

Daudi n'Abaisiraeli boonaboona baajanga nga bakina n'amaani gaibwe goonagoona mu maiso ga Katonda. Baayemba nga bwe bakuba endingidi, n'entongooli, n'obugoma, n'ensaasi, n'ebide, nga bwe bafuuwa n'amagwala.

1 Ebyomubyanda 15:12

Yaabakoba ati niimwe abakulu b'enda dha baiseimwe mu kika kya Levi. Mwetukuze imwe beene ni baganda baimwe, mughange okuleeta Sanduuku ya Musengwa wa Isiraeli mu kifo kye ngitegekeire.

1 Ebyomubyanda 15:16

Daudi yaalagira abakulu b'Abalevi bateegho Balevi banaibwe, bembe n'amaani enhembo edh'eisanhu nga bakubiraku entongooli, n'endingidi, n'ebide.

1 Ebyomubyanda 15:28

Kale batyo Abaisiraeli boonaboona baaleeta Esanduuku y'Endagaano ya Musengwa Katonda nga bali kukuba emizira, eno nga bwe bafuuwa endeka n'amagwala, era nga bwe bakuba n'ebide, n'entongooli, n'endingidi, nga biri kuvuga inho.

1 Ebyomubyanda 15:4

Yaayeta baidhukulu ba Aaroni, n'Abalevi abandi bano:

1 Ebyomubyanda 16:42

Hemani ni Yeduthuni era n'abaakuumanga amagwala, n'ebide, n'ebivuga ebindi byonabyona bye baakubanga okwembera Katonda. Ate batabane ba Yeduthuni yaabata ku gw'okukuumanga emiryango.

1 Ebyomubyanda 16:5

Asafu ye baataagho okuba omukulu, Zekaria nga n'amwiririra. Ate bano baabataagho okukubanga entongooli n'endingidi: Yeiyeli, Shemiramothi, Yehieli, Mattithia, Eliabu, Benaia, Obededomu, ni Yeiyeli owundi. Asafu n'eyakubanga ebide,

1 Ebyomubyanda 23:5

enkumi eina yaabagha gwa kuba bakuumi ba miryango ate enkumi eina (4,000) abandi yaabagha gwa kusaakanga Musengwa Katonda nga bakozesa ebivuga kyabazinga bye yataagho olw'omulimo ogwo.

1 Ebyomubyanda 26:31

Yeriya n'eyali omukulembeze wa Abalevi boonaboona abaasimuka mu Heburoni, nga bwe baabaghandiika nga bajiira ku nkalala edh'obuzaale bwaibwe oba ku nda dha baiseibwe. Mu mwaka ogwamakumi ana (40) nga Daudi ni kyabazinga, ghaaligho okunoonenkereza okwakolebwa ku Balevi abo abaasimuka mu Heburoni. Kyazuulibwa nga ghaaligho abalwani ab'amaani ab'oku lulyo lwaibwe abaali e Yazeri mu kiketezo ky'e Gileadi.

2 Ebyomubyanda 29:25

Yaata Abalevi mu isinzizo nga bagemye n'ebide, n'entongooli, n'endingidi, ng'ajiira ku kiragiro Musengwa Katonda kye yagha kyabazinga Daudi, ng'abita mu Gadi omulanzi wa kyabazinga ni Nathani omulanzi.

2 Ebyomubyanda 29:30

Kyabazinga Hezekia n'abakungu be baalagira Abalevi okwemba enhembo edhisaaka Musengwa Katonda, edhaayiiyizibwa Daudi ni Asafu omulanzi. Baayemba enhembo edhisaaka nga basangaavu, era baakuba amakiryaivu, baasinza.

2 Ebyomubyanda 5:13

Agho abembi n'ab'ebivuga baakwania amamiro, nga basaaka era nga beebaza Musengwa Katonda. Baagemagania ghalala mu lwembo amamiro gaibwe, n'ag'amagwala, n'ebide, n'ebivuga ebindi, bati: “Musaake Musengwa Katonda kuba mulungi, okugonza kwe tikukoma, kubaagho byanda na byanda.” Agho ekire kyagema woonawoona mu isinzizo,

2 Ebyomubyanda 7:6

Bakabona baayemerera mu bifo byaibwe. N'Abalevi boona baayemerera nga balingagaine ni bakabona abo, nga bagemye ebivuga Daudi bye yakola okusaakirangaku Musengwa Katonda era baabikozesa mu lwembo Daudi oyo lwe yabeegeresa olw'okwebaza Musengwa Katonda, olw'okuba okugonza kwe tikukoma, kubaagho byanda na byanda. Bakabona baafuuwa amagwala nga n'Abaisiraeli boonaboona beemereire.

Ezera 6:16

Agho Abaisiraeli, ni bakabona, n'Abalevi, n'abantu abandi abaira okuva mu bunhage, baasagamba inho nga batukuza eisinzizo lya Katonda eryo.

Nehemia 11:20

Abaisiraeli abandi, ni bakabona, n'Abalevi, baabanga mu bibuga ebindi byonabyona ebya Buyudaaya, nga buli muntu aba mu kibandha kye.

Nehemia 12:43

Ku lunaku olwo baaghaayo emisengo kamaala inho, nga basagamba olw'okuba Katonda yabagha eisanhu lingi inho. Abakazi n'abaana boona baasagamba, era okusanhuka okwali mu Yerusalemu kwatuuka ghala inho okuva agho.

Nehemia 8:17

Abantu boonaboona abaira okuva mu bunhage, baazimba entindi, baadhisulamu. Guno n'ogwali omukuzi ogusooka okukola batyo, okuviira irala mu biseera bya Yoshua mutabane wa Nuni. Kale ghaabaagho okusagamba okw'amaani.

Zabbuli 149:3

Basaake eriina lye nga bakina, nga bakubiraku entongooli n'engoma.

Zabbuli 30:1

Wo Musengwa Katonda, ndidha kukusaakanga buliidho, kuba wamponia, waalobera abazigu bange okuneeyagaliraku.

Amateeka Agokubiri 16:11

Era mwidha kusagambiranga mu maiso ga Musengwa Katonda waimwe, mu kifo ky'aliba ng'asazeegho okumusinzizangamu, ghalala ni batabane baimwe, ni baghala baimwe, n'abagheereza baimwe abasaadha n'abakazi, n'Abalevi ab'omu bibuga byaimwe, n'abasenze, ni bamulekwa, ni banamwandu ababa mu imwe.

Amateeka Agokubiri 20:5

“Agho abakulu mu igye baidha kwogeranga n'abalwani, nga bakoba bati, ‘Ghano ghaligho omuntu abaire nga yaakamala okuzimba endhu ye, aye ng'akaali kukola mukolo gwa kugighaayo ye Katonda? Bw'aba ng'aligho, aireyo eka kuba tomanha bw'afiira mu lutalo, omuntu owundi n'akola mukolo ogwo.

Ab'e Filippi 4:4

Buliidho musagambirenga mu Musengwa. Era kabiri nkiiramu nti Musagambe!

Okwolekebwa 5:8

Bwe yakola ekyo, ebitonde ebiramu ebina (4) n'abakulembeze amakumi abiri n'abana (24), beeyala mu maiso ag'Entaama Ento. Buli mulala yali n'entongooli, n'ebibya ebya zaabu ebiidhwire obubbaani ng'okwo n'okusaba okw'abatuukirivu.