Nehemia 12:25 - Baibuli Ekibono kya Katonda 2014

²⁵ Mattania, ni Bakabukia, ni Obadia, ni Meshullamu, ni Talimoni, ni Akkubu, n'abaali abaigazi b'emiryango abaakuumanga amaterekero agaali ku miryango.

Nehemia 12:25 Iomraidhean Croise

2 Bakyabazinga 7:10

Agho bairayo ku kibuga Samaria, baayeta abaigazi b'ekibuga ekyo, baabakobera bati: “Tujiire mu kifo Abasiria ghe baasimba weema dhaibwe, twaloba kwagaanayo waire okuwulirayo omuntu naire omulala ati. Aye ghabairegho bwa mbalaasi na ndogoyi nga nsibe, ni weema nga badhirese nga bwe dhaabaire.”

1 Ebyomubyanda 23:32

Era baagheebwa ogw'okulabiriranga Eweema ey'Okwagaananirangamu ni Musengwa Katonda, n'Ekifo Ekitukuvu, nga babeeraku baganda baibwe bakabona ab'olulyo lwa Aaroni okugheerezanga mu isinzizo lya Musengwa Katonda.

1 Ebyomubyanda 26:12

Abakuumi b'emiryango baabagaba mu bikunsu bikunsu, baabata mu ngobo edh'okugheereza mu isinzizo lya Musengwa Katonda nga bajiira ku bakulu b'enda dha baiseibwe, ng'oti bwe kyalinga ku Balevi banaibwe abandi.

1 Ebyomubyanda 26:15

Obededomu yaalondebwa okukuumanga omulyango ogw'oku luuyi olw'omukono omusaadha lw'e buvandhuba. Ate batabane be baalondebwa okukuumanga eiterekero.

1 Ebyomubyanda 26:17

Ku luuyi olw'e buvandhuba kwalingaku abakuumi mukaaga buli lunaku ku lw'omukono omugooda olw'e buvandhuba kwabangaku bana ni ku lw'omukono omusaadha olw'e buvandhuba kwona kwabangaku bana, buli lunaku. Eiterekero lyakuumibwanga abantu babiri babiri buli lunaku.

2 Ebyomubyanda 8:14

Solomoni oyo yaakola nga lata we Daudi bwe yalagira, yaataagho engobo bakabona dhe baakolerangamu omulimo gwaibwe. Yaataagho n'engobo Abalevi dhe baakolerangamu omulimo gwaibwe ogw'okwemba enhembo edhisaaka, n'okugheereza nga bayambaku bakabona, nga bwe kyetaagisanga buli lunaku. Yaataagho n'abakuumi b'emiryango mu ngobo, ku buli mulyango kuba atyo Daudi omuntu wa Katonda bwe yalagira.

Isaia 21:8

Agho omukuumi yaayasiikana ati: “Musengwa Katonda, nze mba ghano ku kituuti ekirengererwaku nga nkuuma omusana n'obwire.”