Nehemia 12:24 - Baibuli Ekibono kya Katonda 2014

²⁴ Abalevi nga bakulemberwa Hashabia, ni Sherebia, ni Yeshua mutabane wa Kadimieli, beegabaniamu ebikunsu. Nga ku buli mukuzi ghabaagho ebikunsu bibiri ebiba biri kwemba enhembo edhisaaka n'okwebaza Katonda, ng'ekindi kiri kwemba eby'okwiramu, nga kyabazinga Daudi omuntu wa Katonda bwe yalagira.

Nehemia 12:24 Iomraidhean Croise

1 Bakyabazinga 17:24

Agho omukazi yaakoba Eliya ati: “Mpegaano mmanhiire irala ng'oli muntu wa Katonda, era nga bwenebwene Musengwa Katonda ky'ayogera ng'abita mu iwe kiba kya mazima.”

1 Ebyomubyanda 16:4

Daudi yaataagho abandi ku Balevi okugheerezanga mu maiso g'Esanduuku ya Musengwa Katonda nga basaba, beebaza, era baasaaka Musengwa Katonda, oyo Katonda wa Isiraeli.

2 Ebyomubyanda 8:14

Solomoni oyo yaakola nga lata we Daudi bwe yalagira, yaataagho engobo bakabona dhe baakolerangamu omulimo gwaibwe. Yaataagho n'engobo Abalevi dhe baakolerangamu omulimo gwaibwe ogw'okwemba enhembo edhisaaka, n'okugheereza nga bayambaku bakabona, nga bwe kyetaagisanga buli lunaku. Yaataagho n'abakuumi b'emiryango mu ngobo, ku buli mulyango kuba atyo Daudi omuntu wa Katonda bwe yalagira.

Ezera 2:40

Mu baira okuva mu bunhage mwalimu Abalevi bano: Ab'oku nda ya Yeshua, n'ab'oku nda ya Kadimieli, nga baasimuka mu Hodavia, baali nsanvu na bana (74).

Nehemia 11:17

Waataaku ni Mattania mutabane wa Mika, Mika yaaba mutabane wa Zabadi, ate Zabadi yaaba mutabane wa Asafu, eyakulemberanga okusaba okw'okwebaza mu isinzizo. Waataaku ni Bakabukia, eyaiririranga Mattania, ni Abada mutabane wa Shammua, Shammua mutabane wa Galali, ate Galali yaaba mutabane wa Yeduthuni.

Nehemia 12:23

Aye abakulu ab'enda edh'Abalevi baaghandiikibwa mu kitabo ky'Ebyomubyanda bya Bakyabazinga, kutuuka bwa mu biseera bya Yohanani mutabane wa Eliashibu.

Nehemia 12:36

Hoshaia oyo era yaaja n'aboluganda lwe abandi bano: Shemaia, ni Azareli, ni Milalai, ni Gilalai, ni Maai, ni Nethaneli, ni Yuda, ni Hanani, abaajanga nga bakuba ebivuga ng'ebya kyabazinga Daudi omuntu wa Katonda. Ezera omunamateeka n'eyabakulemberamu.

Nehemia 8:7

Agho abantu baasigala mu bifo byaibwe, Yeshua, ni Bani, ni Sherebia, ni Yamini, ni Akkubu, ni Shabbethai, ni Hodia, ni Maaseia, ni Kelita, ni Azaria, ni Yozabadi, ni Hanani, ni Pelaia, n'Abalevi, bainhonhola abantu abo amateeka.

Nehemia 9:4

Abalevi bano: Yeshua, Bani, Kadimieli, Shebania, Bunni, Sherebia, Bani, ni Kenani, baayemerera ku madaala g'Abalevi, baasaba Musengwa Katonda waibwe mu mamiro ag'amaani.

Amateeka Agokubiri 33:1

Dhino n'enkabi, Musa omusaadha wa Katonda dhe yasabira Abaisiraeli ng'akaali kufa.

1 Timotheo 6:11

Aye iwe omuntu wa Katonda, ebyo byonabyona bireke, ojiirenga ku butuufu, okutya Katonda, okwikiriza, okugonza, okuguminkiriza n'okuba omwikaikamu.

2 Timotheo 3:17

Olwo omuntu wa Katonda abe mwetegefu ng'ali n'ebyetaagisa byonabyona okukola kiisi mulimo omukalamu.

Yoshua 14:6

Lulala, abantu ab'ekika ekya Yuda baidha ye Yoshua nga bakaali e Giligali. Owundi ku bantu abo ye baayetanga Kalebu mutabane wa Yefunne ow'oku nda ya Kenizzi yaamukoba ati: “Oidhi Musengwa Katonda kye yakoba Musa omusaadha we, ekigema ku iwe ni ku nze, nga tuli e Kadeshi Barinea.