Nehemia 11:3 - Baibuli Ekibono kya Katonda 2014

³ Aye Abaisiraeli abandi, ni bakabona, n'Abalevi, n'abagheereza b'omu isinzizo, n'abaidhukulu ab'abagheereza ba Solomoni, nga buli muntu aba mu kibandha kye ekiri mu kibuga eky'ewaibwe. Bano n'abatyamye abakulu ab'omu kiketezo ekyo ekya Buyudaaya, abaabanga mu Yerusalemu:

Nehemia 11:3 Iomraidhean Croise

Ezera 2:1

Gano n'amaina ag'abantu ab'omu kiketezo eky'e Buyudaaya abaira okuva mu nsi Babilonia mu bunhage, kyabazinga waayo Nebukadinezzari ye yali abatwaire nga basibe. Abantu abo baira e Yerusalemu n'e Buyudaaya, buli muntu ng'airayo mu kibuga eky'ewaibwe.

Ezera 2:43

Abaagheerezanga mu isinzizo baali, ba ku nda ya Ziha, n'ab'oku ya Hasufa, n'ab'oku ya Tabbaothi;

Ezera 2:70

Agho bakabona, n'Abalevi, n'abembi, n'abakuumi b'emiryango gy'eisinzizo, n'abagheereza b'omu isinzizo, n'abantu abandi, baasenga mu Yerusalemu n'ebiketezo ebikiriiraine. N'Abaisiraeli abandi boonaboona baaja baasenga mu bibuga ebyalingamu badhaadha baibwe.

Nehemia 11:20

Abaisiraeli abandi, ni bakabona, n'Abalevi, baabanga mu bibuga ebindi byonabyona ebya Buyudaaya, nga buli muntu aba mu kibandha kye.

Nehemia 11:4

Mwalimu abandi ku baidhukulu ba Yuda, n'abandi ku baidhukulu ba Benjamini. Mu baidhukulu ba Yuda mwalimu: Athaia mutabane wa Uzzia era mwidhukulu wa Zekaria, Zekaria yaaba mutabane wa Amaria, Amaria yaaba mutabane wa Shefatia, Shefatia yaaba mutabane wa Mahalaleli asimuka mu Perezi mutabane wa Yuda.

Nehemia 7:39

Mu baira okuva mu bunhage, mwalimu bakabona bano: Ab'oku nda ya Yedaia nga basimuka mu Yeshua baali lwenda na nsanvu na basatu (973);

Nehemia 7:43

Mu baira okuva mu bunhage mwalimu Abalevi bano: Ab'oku nda ya Yeshua, n'ab'oku nda ya Kadimieli, nga basimuka mu Hodavia, baali nsanvu na bana (74).

Nehemia 7:46

Abagheereza b'omu isinzizo baali, ba ku nda ya Ziha, n'ab'oku ya Hasufa, n'ab'oku ya Tabbaothi;

Nehemia 7:6

Gano n'amaina ag'abantu ab'omu kiketezo eky'e Buyudaaya abaira nga bava e Babilonia mu bunhage, kyabazinga waayo Nebukadinezzari ye yali abatwaire nga basibe. Abantu abo baira e Yerusalemu n'e Buyudaaya, buli muntu ng'airayo mu kibuga eky'ewaibwe.

Nehemia 7:7

Abakulembeze baibwe baali bano: Zerubbabeli, Yeshua, Nehemia, Azaria, Raamia, Nahamani, Morodekai, Bilishani, Misiperethi, Bigivai, Nehumu, ni Baana. Guno n'omughendo ogw'Abaisiraeli abaira okuva mu bunhage:

Nehemia 7:73

Kale bakabona n'Abalevi, n'abaigazi b'emiryango, n'abembi, n'abandi ku bantu ababuliidho, n'abagheereza b'omu isinzizo, n'Abaisiraeli abandi, baaja baaba mu bibuga byaibwe. Era omwezi ogwomusanvu okuja okutuuka ng'Abaisiraeli abandi boonaboona bali mu bibuga byaibwe.