Nehemia 11:17 - Baibuli Ekibono kya Katonda 2014

¹⁷ Waataaku ni Mattania mutabane wa Mika, Mika yaaba mutabane wa Zabadi, ate Zabadi yaaba mutabane wa Asafu, eyakulemberanga okusaba okw'okwebaza mu isinzizo. Waataaku ni Bakabukia, eyaiririranga Mattania, ni Abada mutabane wa Shammua, Shammua mutabane wa Galali, ate Galali yaaba mutabane wa Yeduthuni.

Nehemia 11:17 Iomraidhean Croise

2 Samueli 9:12

Mefiboshethi oyo yali ni mutabane we nga muto, nga bamweta Mika. Abantu abaali mu ndhu ya Ziba, baafuuka bagheereza ba Mefiboshethi.

1 Ebyomubyanda 16:4

Daudi yaataagho abandi ku Balevi okugheerezanga mu maiso g'Esanduuku ya Musengwa Katonda nga basaba, beebaza, era baasaaka Musengwa Katonda, oyo Katonda wa Isiraeli.

1 Ebyomubyanda 16:41

Aghalala n'abo, yaataagho Hemani, ni Yeduthuni, n'abandi boonaboona abaalondebwa okwebazanga Musengwa Katonda, kuba okugonza kwe tikukoma, kubaagho byanda na byanda.

1 Ebyomubyanda 9:15

Abalevi abandi baali ni bano: Bakubakkari, Hereshi, Galali, ni Mattania mutabane wa Mika, nga mwidhukulu wa Zikiri, era nga mwidhukulu wa Asafu.

Nehemia 10:12

ni Zakkuri, ni Sherebia, ni Shebania,

Nehemia 11:16

Okwo nga kw'otaire Shabbethai ni Yozabadi abandi ku Balevi abakulu, abaalabiriranga emirimo egy'okuliya okw'eisinzizo.

Nehemia 11:18

Abalevi boonaboona aghalala abaabanga mu Yerusalemu ekibuga ekitukuvu, baali ebikumi bibiri na kinaana na bana (284).

Nehemia 12:24

Abalevi nga bakulemberwa Hashabia, ni Sherebia, ni Yeshua mutabane wa Kadimieli, beegabaniamu ebikunsu. Nga ku buli mukuzi ghabaagho ebikunsu bibiri ebiba biri kwemba enhembo edhisaaka n'okwebaza Katonda, ng'ekindi kiri kwemba eby'okwiramu, nga kyabazinga Daudi omuntu wa Katonda bwe yalagira.

Nehemia 12:25

Mattania, ni Bakabukia, ni Obadia, ni Meshullamu, ni Talimoni, ni Akkubu, n'abaali abaigazi b'emiryango abaakuumanga amaterekero agaali ku miryango.

Nehemia 12:31

Agho naayeta abakulu ab'omu Buyudaaya, beesololeza ku kimante ghaigulu. Naabagemya ebikunsu by'abantu bibiri ebikologho, byatambula nga bija bwe byemba enhembo edheebaza Katonda. Ekikunsu ekindi kyasimbira ku luuyi olw'omukono omusaadha, ku ngulu ku kimante, nga kyolekeire omulyango ogwetebwa Ogwobusa.

Nehemia 12:46

Okuviira irala mu biseera bya Daudi ni Asafu, ghaabangagho akulira abembi era ghaabangagho n'enhembo edh'okusaaka n'edh'okwebaza Katonda.

Ab'e Filippi 4:6

Muteeraliikiriranga olw'ekintu kyonakyona, aye buli lwe musabanga mumanhise Katonda ebyetaago byaimwe byonabyona, era buli kiseera mumusabenga n'emyoyo egisiima.