Nehemia 10:38 - Baibuli Ekibono kya Katonda 2014

³⁸ Bakabona baidhukulu ba Aaroni baidha kubangagho ng'Abalevi bafuna ekintu ekirala ekirala ku buli bintu eikumi ebyo. Era Abalevi abo baidha kutoolanga ekintu kirala kirala ku buli bintu ikumi ku ebyo bye bafunie, babitwale babite mu iterekero ly'eisinzizo.

Nehemia 10:38 Iomraidhean Croise

1 Ebyomubyanda 9:26

Ku bakuumi ab'emiryango abo kwaliku abaabakuliranga bana nga Balevi, abaalabiriranga ebisenge n'amaterekero eby'oku isinzizo.

Nehemia 13:31

Era naakola entegeka abantu okuleetanga enku mu biseera ebituufu, edh'okwokya ebigheebwayo ku alutaari. Era n'okuleetanga ebigheebwayo byaibwe eby'ebirime ebisooka okukungulwa. Naasaba nti: “Wo Katonda wange, oteerabiranga ebyo bye nkoze. Nkweghemba ompenga ebirungi.”

Abalevi 27:30

“Ekitundu ekirala ekirala ku buli bitundu eikumi eby'ebirime ebikungulwa mu nsi, kya Musengwa Katonda, ka kibe kya nsigo oba eky'ebibala eby'emiti.

Okubala 15:19

era ekiseera bwe kituukanga ni mulya ku mere ey'omu nsi eyo, mughangayo ekigheebwayo eri nze Musengwa Katonda.

Okubala 15:21

Ku ngaano ye musookanga okukanda, mutoolangaku mwaghaayo ekigheebwayo eri nze Musengwa Katonda, mu nse dhaimwe dhoonadhoona edhiirangagho.

Okubala 18:21

Era Musengwa Katonda yaakoba ati: “Abalevi mbaghaire ekintu kirala kirala ku buli bintu eikumi Abaisiraeli kye bampa, gube omugabo gwaibwe olw'okusasulira obugheereza bwe bakola mu Weema ey'Okwagaananirangamu ni Musengwa Katonda.

Okubala 18:24

Olw'okuba mpaire Abalevi ekintu kirala kirala ku buli bintu ikumi Abaisiraeli kye bampa, gube omugabo gwaibwe, kye nviire ni nkoba nti tibaidha kugheebwanga mugabo mu Baisiraeli.”

Amateeka Agokubiri 14:22

Musa yaakoba Abaisiraeli ati: “Mwidha kutoolangaku ekintu kirala kirala ku buli bintu ikumi ku birime bye mukungula mu nimiro dhaimwe.