Nehemia 10:33 - Baibuli Ekibono kya Katonda 2014

³³ Era twidha kughangayo ebintu bino: emigaati egigheebwayo eri Katonda, n'ebigheebwayo eby'emere ey'empeke ebya buli lunaku, n'ebigheebwayo ebyokebwa ebya buli lunaku, n'ebigheebwayo ku buli lwa Sabbato, n'ebigheebwayo ku mbaga ey'Ekibinuko eky'Okuboneka kw'Omwezi, n'ebigheebwayo ku mbaga edh'ebibinuko ebindi ebyalagirwa, n'ebintu ebindi ebitukuvu, n'ebigheebwayo ku lw'Abaisiraeli olw'okutoolebwaku ebibi. Twidha kughangayo n'ebintu ebindi byonabyona ebyetaagisa mu isinzizo.

Nehemia 10:33 Iomraidhean Croise

2 Ebyomubyanda 2:4

Bona, ndi kutegeka okuzimbira Musengwa Katonda wange eisinzizo, okumugheesa ekitiisa. Ndidha kughaayo eisinzizo eryo libe lya Musengwa Katonda oyo olw'okumuniokezangamu obubbaani obuwunha akawoowo, n'okumuteerangamu emigaati egigheereibwayo y'ali, n'okumugheerangamu ebigheebwayo eby'enkyo n'eigulo ebya buli lunaku, n'eby'oku Sabbato, n'eby'oku mbaga edh'Ebibinuko eby'Okuboneka kw'Omwezi, n'eby'oku mbaga edh'ebibinuko ebindi ebyateebwagho, nga Musengwa Katonda waife oyo bwe yalagira Abaisiraeli okukolanga olubeerera.

Okuvaayo 30:16

Oidha kusoloza feeza oyo okuva ku Baisiraeli, ye baidhanga okughaayo olw'ebibi byaibwe, omukozese mu mirimo egy'omu Weema ey'Okwagaananirangamu ni Musengwa Katonda. Omutango ogwo gwidha kubanga ekiidhukizo mu maiso gange nze Musengwa Katonda eri Abaisiraeli olw'obulamu bwaimwe.”

Ab'e Kolosai 2:16

Kale ole atabasaliranga musango olw'ekyo kye mulya oba kye munhwa, oba ku lw'ebyo ebigema ku bibinuko eby'eby'ensinza, oba eby'Okuboneka kw'Omwezi, oba Sabbato.

Abaheburayi 10:11

Buli lunaku bakabona bairamu okughaayo emisengo miraala egyo egitaghanga kutoolagho bibi.