Nehemia 10:28 - Baibuli Ekibono kya Katonda 2014

²⁸ Ife Abaisiraeli abasigairegho twenatwena tuli kitole: bakabona, n'Abalevi, n'abakuumi ab'emiryango, n'abembi, n'abagheereza ab'omu isinzizo, n'abo boonaboona abeeyawula ku bantu b'omu kiketezo kino ni bagonderanga Amateeka ga Katonda, nga bali ghalala ni bakazi baibwe, ni batabane baibwe, ni baghala baibwe, boonaboona abalimu amagezi n'okutegeera.

Nehemia 10:28 Iomraidhean Croise

Ezera 2:70

Agho bakabona, n'Abalevi, n'abembi, n'abakuumi b'emiryango gy'eisinzizo, n'abagheereza b'omu isinzizo, n'abantu abandi, baasenga mu Yerusalemu n'ebiketezo ebikiriiraine. N'Abaisiraeli abandi boonaboona baaja baasenga mu bibuga ebyalingamu badhaadha baibwe.

Ezera 6:21

Omusengo ogw'ekibinuko ekyo bano n'abaagulyaku: Abaisiraeli boonaboona abaira okuva mu bunhage, n'abo boonaboona abaabeyimbaku ni baleka empisa enhonoonefu edh'abantu abaabanga mu nsi eyo, olw'okwenda okusinzanga Musengwa Katonda, Katonda wa Isiraeli.

Nehemia 10:27

ni Malluki, ni Harimu, ni Baana.

Nehemia 13:3

Abantu bwe baawulira eiteeka eryo, baayawula mu Baisiraeli abantu boonaboona abaasimuka mu bamaghanga agandi.

Nehemia 8:2

Kale ku lunaku olusooka olw'omwezi ogwomusanvu, Ezera kabona yaaleeta Ekitabo ekyo mu kifo abantu boonaboona, abasaadha, abakazi, n'abantu abandi boonaboona abaali nga basobola okutegeera, ghe baali nga beesololeiza.

Nehemia 9:2

Agho Abaisiraeli abo, nga beeyawire ku bamaghanga agandi, baayemerera okwatula ebibi byaibwe n'ebyonoono bya badhaadha baibwe.

Zabbuli 47:7

kuba Katonda ni Kyabazinga w'ensi yoonayoona, kale mumusaake mu nhembo.

Omulangirizi 5:2

Toyanguyirizanga kwogera n'osuubiza Katonda kintu, kuba Katonda ali mu igulu ate iwe oli ku nsi. Kale oyogeranga bitono

Yeremia 4:2

era ni muba abatuufu nga mulayira mu mazima era nga muli beesimbu, muti, ‘Nga Musengwa Katonda bw'ali omulamu.’ Olwo amaghanga gaidha kunsabanga ngaghe enkabi, era gampenga ekitiibwa.”

Abalevi 20:24

Aye imwe nabasuubiza okubagha ensi eno engimu era erimu ebirungi kamaala, era ndigibagha yaaba yaimwe. Ninze Musengwa Katonda waimwe, eyabaawula ku maghanga agandi.

Ab'e Roma 1:1

Ninze Paulo omugheereza wa Yesu Kurisito eyayetebwa okuba omutume. Era eyalondebwa Katonda okukobera abantu Amawulire ge Amalungi,