Nehemia 1:9 - Baibuli Ekibono kya Katonda 2014

⁹ Aye bwe munaakyukanga ni mwira ye ndi, ni mujiira ku biragiro byange, ndidha kubakungaanianga ni bwe munaabanga nga musansaanire eyo eghala einho, mbaleete mu kifo kye nalonda okunsinzizangamu.’

Nehemia 1:9 Iomraidhean Croise

1 Bakyabazinga 8:48

Wo Musengwa Katonda, bawulirenga bwe baneenenianga n'omwoyo gwaibwe gwonagwona nga bali eyo mu nsi y'abazigu baibwe abaabatwala nga banhage. Era obawulirenga bwe banaakusabanga nga balingiriire ensi yaibwe ye wagha badhaadha baibwe, era nga balingiriire ekibuga kye walonda, era n'eisinzizo lino lye nkuzimbiire.

1 Bakyabazinga 9:3

Yaamukoba ati: “Mpuliire by'onsabye ng'oneeghemba agho mu maiso gange. Ntukwiza eisinzizo lino ly'onzimbiire, libe ery'okunsinzizangamu enaku dhoonadhoona. Ndidha kulikuumanga obutatemya enaku dhoonadhoona.

1 Ebyomubyanda 16:35

Era musabe Musengwa Katonda oyo muti: “Wo Katonda Omulokozi waife tuwonie, era otusoloze okuva eyo mu maghanga ye twasansaanira. Olwo tukusiimenga olw'eriina lyo eitukuvu, era tukusaakenga olw'ekitiisa kyo.”

Ezera 6:12

Nsaba Katonda eyalonda Yerusalemu okuba ekifo eky'okumusinzizangamu, azikirize kyabazinga yeenayeena oba omuntu owundi yeenayeena alikyusaamu ku kiragiro kino, oba okuzikiriza eisinzizo lya Katonda eryo eriri e Yerusalemu. Nze Dario, ninze mpaire ekiragiro kino. Byonabyona bye ndagiire bigwaine bikolebwe n'obwegendereza.”

Zabbuli 106:47

Wo Musengwa Katonda waife kola otuwonie, otusoloze okuva eyo mu maghanga ye twasansaanira. Olwo tukusiimenga olw'eriina lyo eitukuvu, era tukusaakenga olw'ekitiisa kyo.

Zabbuli 107:3

n'abaiza okuva mu nsi kamaala e buvandhuba n'e bugwandhuba, ni mu nsi edhiri ku luuyi olw'omukono omugooda ni ku lw'omukono omusaadha olw'e buvandhuba.

Zabbuli 147:2

Musengwa Katonda ali kuzimba Yerusalemu buyaaka; ali kwiza Abaisiraeli abaali abanhage.

Isaia 11:12

Musengwa Katonda alighanikira amaghanga bendera, yaagamanhisa nga bw'ali kusoloza abantu abaabingibwa mu Isiraeli ni mu Buyudaaya, abatoole eyo ye baabasansaaniza mu ndhuyi eina edh'ensi.

Isaia 27:12

Ku lunaku olwo, Musengwa Katonda alisoloza abantu be Abaisiraeli, okuva ku mwiga Eufurate okutuuka ku kaiga ak'oku nsalosalo ni Misiri, ng'oti n'omuntu asensa engaano okuva mu biwusu.

Isaia 56:8

Musengwa Katonda, oyo asoloza abantu be Abaisiraeli abaabingibwa mu nsi yaibwe, akoba ati alisolozaayo n'abandi, boona baidha beeyongera ku abo abaamala eira okusolozebwa.

Yeremia 12:15

Aye bwendimala okubatoola mu nsi dhaibwe, ndiiramu okubagemerwa ekivunika, naiza buli ighanga mu kiketezo kyalyo ni mu nsi yaalyo.

Yeremia 3:14

Imwe abantu abatali beesigwa, mwire ye ndi, kuba ninze musengwa waimwe. Ndidha kutoolanga omuntu mulala mulala okuva mu buli kibuga, era ntoole abantu babiri babiri okuva mu buli maka, mbaleete e Sioni.’ ”

Yeremia 31:10

Musengwa Katonda akoba ati: “Imwe amaghanga mumpulirise, era mulangirire bye nkoba mubituuse mu biketezo eby'oku nhandha ebiri eghala, muti, ‘Musengwa Katonda mwene n'eyasansaania abantu be. Era mwene oyo n'alibasoloza, n'abakuuma ng'omwayi bw'akuuma ebyayo bye.’

Yeremia 32:37

Bona, ndidha kusoloza abantu bange okuva mu nsi dhoonadhoona ye nabasansaaniza nga mbasungughaliire ebitaloodheka, mbaize mu kifo kino era mbaleetere okukibaamu mu miraala.

Yeremia 6:22

Musengwa Katonda akoba ati: “Bona, ghaligho abantu abaidha okwidha nga bava mu nsi eri ku luuyi olw'omukono omugooda olw'e buvandhuba, eighanga ery'amaani eryo eriva eghala einho liri kwetegekera okulwana olutalo.

Ezekieli 14:6

“Kale ni kobera ab'eighanga Isiraeli oti nze Musengwa Katonda ndi kubakoba nti: Mwenenie, mukyuke muve mu kusinza ebitali nze Katonda. Mukyuke muve ku ebyo byonabyona ebyenhinhalwa bye mujiiraku.

Ezekieli 36:24

Ndibatoolayo eyo mu maghanga, naabasolozaayo eyo mu nsi dhoonadhoona, naabaiza mu nsi eyaimwe.

Abalevi 26:3

“Bwe munaajiiranga ku mateeka gange, era ni mugondera ebiragiro byange,

Zekaria 8:7

Bona eno, ndinunula abantu bange, naabatoola mu nsi edh'e buvandhuba n'e bugwandhuba ye baatwalibwa.

Matayo 24:31

Eigwala ery'amaani bwe lirifuuwa, alituma bamalaika be baasoloza abalonde be okuva mu mpewo eina, okuva eigulu ye liva okutuusa ye likoma.

Amateeka Agokubiri 12:21

Ekifo Musengwa Katonda waimwe ky'aliba ng'alonzeegho okumusinzizangamu bwe kinaabanga eghala einho, munaitanga nga bwe mbalagiire ku nsolo dhaimwe, ente, entaama n'embuzi, Musengwa Katonda dh'abaghaire, mwadhiriira ye munaabanga, nga bwe munaabanga mwenze.

Amateeka Agokubiri 12:5

Mu biketezo by'ebika byaimwe byonabyona, Musengwa Katonda waimwe aidha kulondamu ekifo kirala, abantu ye banaajanga mu maiso ge okumusinza.

Amateeka Agokubiri 30:1

Musa yaakoba Abaisiraeli ati: “Mpegaano mbaghaire okulondagho ku bintu bino ebibiri: okugheebwa enkabi oba okusindikirwa ebikolimo. Ebintu ebyo bwe birimala okubatuukaku nga muli eyo mu maghanga agandi, Musengwa Katonda waimwe y'alibasansaaniza, muliidhukiranga nga nabagha okulondagho ku ebyo.