Nehemia 1:4 - Baibuli Ekibono kya Katonda 2014

⁴ Bwe nawulira ebyo byonabyona naatyama ghansi, naalira amaziga. Naamala enaku nga ndi kulira obughafu, naasiiba era naasaba Katonda ow'eigulu,

Nehemia 1:4 Iomraidhean Croise

2 Samueli 12:16

Kale Daudi yaasabira omwana oyo eri Katonda, yaasiiba, era yangiranga mu ndhu yaalambaalanga ghansi obwire bwonabwona.

2 Bakyabazinga 22:19

weeneniiza era weewombeeka mu maiso gange. Era okanwiremu ebivaalo byo olw'okunakughala era waalira amaziga, bw'owuliire ebyo bye nayogera ku kifo kino ni ku bantu abakibaamu, nga bwe balizikirira ni bafuuka ekibono abantu kye bakozesa okukolima. Kale ni mpuliire okusaba kwo.

2 Ebyomubyanda 6:13

Solomoni oyo yali amaze okukola ekituuti mu kyuma eky'ekikomo, ng'endhuyi dhaakyo dhoonadhoona eina dhaagayaga, buli lulala lwa mita ibiri n'obutundu bubiri. Ate obugungumavu bw'ekituuti ekyo nga bwa mita ndala n'obutundu busatu. Era ng'amaze n'okukita ghagati mu luya. Agho yaaniina ghaigulu ku kituuti ekyo, yaakuba amakiryaivu ng'Abaisiraeli boonaboona abeesoloiza bali agho, era yaayandhululiza emikono gye eri eigulu.

Ezera 1:2

“Kyabazinga Kuro ow'e Perusia akoba ati: Musengwa Katonda ow'eigulu, yampa obwakyabazinga bwonabwona obw'oku nsi, era ampaire obuvunaanizibwa okumuzimbira eisinzizo e Yerusalemu ekiri mu Buyudaaya.

Ezera 10:1

Ezera bweyali ng'ali kusaba bw'ayatula ebibi, eno nga bw'alira amaziga ng'akubye amakiryaivu gha mberi gh'eisinzizo lya Katonda, eikuukuubira ery'Abaisiraeli abasaadha n'abakazi n'abaana abato, lyesololeza gh'ali. Boonaboona nga bali kulira inho amaziga.

Ezera 9:3

Bwe nawulira ekyo naakanulamu ebivaalo byange olw'okunakughala, neemaanhuula enviiri ku mutwe ni ku kirevu, era naatyama ghansi nga nsobeirwa inho mu nnaku.

Ezera 9:5

Ekiseera eky'okughaayo omusengo ogw'eigulo bwe kyatuuka, naasituka ghe nali ntyaime nga ndi kusiiba era nga nkaali mu bivaalo byange ebikanufu. Naakuba amakiryaivu era naayandhululiza eri Musengwa Katonda wange emikono nga nkoba nti:

Nehemia 2:20

Naabairamu nti: “Katonda ow'eigulu, aidha kutugha obughanguzi. Kale ni ife abagheereza be twidha kusitukiramu tuzimbe. Aye imwe mu Yerusalemu muno, muziramu mugabo gwaimwe, oba okubaamu n'ekintu ekyaimwe, waire ekiidhukizo obwidhukizo.”

Nehemia 2:4

Kyabazinga yambuuza ati: “Buti oli kunsaba nkukolere ki?” Agho naasooka naasaba Katonda ow'eigulu,

Zabbuli 102:15

Ensi dhoonadhoona dhija kutya eriina lya Musengwa Katonda; ni bakyabazinga boonaboona ab'oku nsi baja kutya ekitiisa kye.

Zabbuli 136:26

Musiime Katonda ow'eigulu; okugonza kwe tikukoma, kubaagho byanda na byanda.

Zabbuli 137:1

Eyo ku miiga egy'e Babilonia twatyamanga, twalira nga twidhukiire Sioni.

Danieli 10:2

Mu kiseera ekyo, nze Danieli namala wiiki isatu nga ndi mu nnaku.

Danieli 2:18

Era yaabakoba basabe Katonda ow'eigulu abasaasire ku bigema ku kyama ekyo, balobe kwitirwa ghalala n'abagezigezi ab'omu Babiloni.

Danieli 9:3

Agho naakyukira eri Musengwa Katonda wange, naamusaba nga mweghemba, naasiiba, naavaala ekutiya, era naatyama mu ivu.

Yona 1:9

Yaabairamu ati: “Nze ndi Muheburayi. Nsinza Musengwa Katonda, Katonda ow'eigulu, eyakola enhandha n'obukalu.”

Zefania 3:18

ng'ali masanhu meereere ng'oti n'omuntu ali ku mbaga.” Musengwa Katonda akoba ati: “Nja kutoolagho akabi ke neesoomera okubasindikira, era mbatooleku okuswazibwa.

Ab'e Roma 12:15

Musagambirenga ghalala n'abo abasagamba, munakughalirenga ghalala n'abo abali mu nnaku.