Nehemia 1:11 - Baibuli Ekibono kya Katonda 2014

¹¹ Wo Musengwa Katonda, tega kutu wo owulire nze omugheereza wo bye nkusaba, owulire n'eby'abagheereza bo abandi, abasanhukira einho okutya eriina lyo. Nze omugheereza wo nkusaba ompe obughanguzi olwaleero luno, oleetere omusaadha ono okunsaasira.” Mu kiseera ekyo, ninze nagheerezanga kyabazinga eby'okunhwa.

Nehemia 1:11 Iomraidhean Croise

Amainhama 24:42

“Bwe ntuuse ku nsulo olwaleero, naakoba nti: Wo Musengwa Katonda, iwe Katonda wa musengwa wange Aburahamu, nkweghembye mpa enkabi mu lugendo luno.

Amainhama 32:11

Nkweghembye mponia muganda wange Esau, kuba mmutya; asobola okwidha yaatwita twenatwena, era yaatwalizaamu n'abakazi n'abaana.

Amainhama 32:28

Omusaadha yaakoba ati: “Tokaayetebwanga Yakobo, aye onaayetebwanga Isiraeli, kuba otuulaine ni Katonda era n'abantu, waaghangula.”

Amainhama 40:1

Bwe ghaabitagho entangama ng'ebyo biwoire, omusenero wa kyabazinga era n'omufumbi, baasungughaza musengwa waibwe kyabazinga ow'e Misiri.

Amainhama 40:2

Kyabazinga yaasungughalira inho abakungu abo bombi: omukulu w'abasenero, n'omukulu w'abafumbi.

Amainhama 40:21

Yaiza omusenero omukulu mu busenero bwe, era omusenero oyo yaagemya kyabazinga ekikopo mu ngalo.

Amainhama 40:23

Aye omusenero omukulu yaaloba kwogererayo Yosefu eri kyabazinga, yaamwerabirira irala.

Amainhama 41:9

Agho omusenero omukulu yaakoba kyabazinga ati: “Olwaleero ndidhukiire nga nasobya.

Amainhama 43:14

Katonda Aghanga Ebintu Byonabyona abagemerwe ekivunika nga muli mu maiso g'omusaadha oyo, omusaadha oyo asobole okubairiza muganda waimwe owundi, ni Benjamini. Nze oba ndi wa kufiirwa baana bange, ndibafiirwa.”

2 Ebyomubyanda 6:40

“Wo Musengwa Katonda, mpegaano ni tulingeku n'amaiso go era otege kutu wo, owulire bye tukusaba mu kifo kino.

Ezera 1:1

Mu mwaka ogwasooka ogwa kyabazinga Kuro okufuga Perusia, Musengwa Katonda yatuukiriza ekyo kye yayogera ng'abita mu Yeremia omulanzi. Musengwa Katonda oyo yaleetera kyabazinga Kuro oyo okulangirira ekiragiro mu bwakyabazinga bwe bwonabwona, nga kighandiikiibwa kiti:

Ezera 7:6

Ezera oyo yaava mu nsi Babilonia nga munamateeka mulamba eyali aidhi einho amateeka, Musengwa Katonda, Katonda wa Isiraeli ge yagha Musa. Era olw'okuba Musengwa Katonda yabanga ghalala ni Ezera oyo, kyabazinga yaamugha byonabyona bye yamusabanga.

Nehemia 1:6

Lingirira nze omugheereza wo, otege kutu wo owulire bye nkusaba omusana n'obwire ku lw'abagheereza bo Abaisiraeli. Ndhatula nti bwenebwene ife Abaisiraeli twayonoona.

Nehemia 2:1

Mu mwezi ogwetebwa Nisani mu mwaka ogwamakumi abiri (20) nga Arutazerizesi n'afuga Perusia, naaja naagheereza kyabazinga Arutazerizesi oyo omwenge ogw'emizabbibu ogwali mu maiso ge. Yali tambonangaku nga nnakughaire.

Nehemia 2:8

Era naasaba n'embaluwa ntwalire Asafu omukuumi w'ekibira kya kyabazinga, aganhe okumpa emiti egy'okukolamu emiryango egy'ekifo eky'okwewogomamu ekyezungulwire eisinzizo, n'egy'okukolamu emiryango egy'ekimante ekyezungulwire ekibuga, era n'egy'okuzimbamu endhu ye nnaabangamu. Agho kyabazinga yaaganha okunkolera kye namusaba, kuba Katonda wange yali ghalala ninze.

Zabbuli 106:46

Yaleetera abo boonaboona abaali babakiriga, okubagemerwa ekivunika.

Zabbuli 130:2

Wo Musengwa Katonda, wulirisa okweghemba kwange, otege kutu owulire okusaba kwange, ombeere.

Zabbuli 61:5

Iwe Katonda wange ompuliire nga neeyama, era ompaire omugabo ku ebyo by'oterekera abakutya.

Zabbuli 86:6

Wo Musengwa Katonda, ntegera kutu nga nkusaba; owulire okulira kwange nga nkweghemba okumbeera.

Ensambo 1:29

Mwakyagha okugheebwa amagezi, era mwaloba kutya Musengwa Katonda.

Ensambo 21:1

Omwoyo gwa kyabazinga guba mu buyinza bwa Musengwa Katonda; agukyukiza buli y'ayenda ng'oti n'omweta ogw'amaadhi.

Yeremia 42:12

Nga nze mwene bwendi ow'ekivunika, yeena ndimuleetera okubagemerwa ekivunika, yaabaleka mwasigala mu nsi yaimwe. Nze Musengwa Katonda, ninze nkobye.’

Malaki 3:16

Agho abantu abaalaga nga batya Musengwa Katonda, baayogeramuuku beene na beene. Musengwa Katonda yaabawulirisa era yaawulira bye baakoba. Era agho mu maiso ga Musengwa Katonda oyo, ghaabaagho ekitabo ekyaghandiikibwamu amaina g'abo abaalaga nga bamutya era nga bamutaamu ekitiisa.

Abaheburayi 13:18

Mutusabirenga, kuba tukakasa nga tuli n'omwoyo omunaabuufu era nga twenda okukola obukalamu mu buli kintu.