Biblia Todo Logo
Bìoball air-loidhne

- Sanasan -




Mika 7:9 - Baibuli Ekibono kya Katonda 2014

9 Twakola ebibi eri Musengwa Katonda, kale tuli n'okugumira by'ali kutukola. Aye tikiidha kuba kiseera kireeyi, aidha kutuwolereza era atweye amaziga ge tulira olw'ebiinoino abazigu bye batukola. Aidha kutufulumya ku luya eri obutangaavu era twidha kubaagho atulokole nga tubona tuti.

Faic an caibideil Dèan lethbhreac




Mika 7:9
36 Iomraidhean Croise  

Daudi bwe yabona malaika eyali ali kwita abantu, yaasaba Musengwa Katonda ati: “Linga, nze ninze eyayonoona, naakola ekibi einho, aye abantu bano bazira kye baakola kiri kubaitisa. Kyenva ni nsaba nti, omukono gwo gugwaine kukuba nze n'ab'endhu ya lata wange.”


Aye mwene aidhi engira ye ngema. Bw'alimala okundeba, alindhagaana nga ndi mutukuvu ng'oti ni zaabu omukenenule.


Memale olwo iwe anaakuwulira atya, oli kukoba oti tomubona, era oti omusango gwo guli mu maiso ge, iwe omuteegereire buteegerere?


Mpolerezaayo omponie abazigu, mbe mulamu nga bwe wasuubiza.


Aidha kwoleka nga bw'oziraku omusango, n'obutuufu bwo bumesunkane ng'endhuba ey'omu kasana ghagati.


Wo Katonda wange, sala mu butuufu oyoleke nga bwe nziraku musango, era mpolezaagho nga ndi kuwoza n'abantu abatatya Katonda; ntoola mu ngalo dh'abantu abaguya era abatali beesimbu.


Wo Musengwa Katonda, idha obakambughalire. Situka Katonda wange tala, olwanise ekiruyi ky'abazigu bange, kuba iwe toyenda kusaliriza.


Balisalanga emisango mu butuufu, abo abatya Katonda baajiiranga ku bisaliibwagho.


Ndikulemberamu abatulu, naababisa mu ngira dhe bataidhi. Enzikiiza ye balimu ndigifuula butangaavu, naasaania aghali ebikonko, baabita aghatereevu. Ebyo ndibibakolera, era tiribalekulira agho.


Olizibula abatulu amaiso, waatoola abasibe mu makomera, waabawonia okubanga mu nzikiiza.


Obulokozi bwange mbuseesiisa kumpi, tibukaali ghala naire. Tija kulwagho kulokola bantu bange. Ndinunula Yerusalemu olwa Isiraeli okumpeesanga ekitiisa.”


Musengwa Katonda oyo alwanirira abantu be akoba ati: “Mubone, mbatoire mu ngalo ekikopo eky'obusungu bwange obungi timukairamu kukinhwa kubaleetera kutagala.


Musengwa Katonda akoba abantu be ati: “Mukolenga amazima n'obutuufu, kuba ndi kumpi kwidha okubalokola, era ndholeke nga ninze mbawonia ebizibu byaimwe.


Agho abantu bairamu bati: “Tukagwireku okufumitibwa ebibwa tuti. Batutaireku ebibwa ebitaja kuwona. Aye tuzira kya kukoba: enaku eno etutuuseeku tuteekwa kugigumira.


Abantu bange bandirira bati, ‘Wo Musengwa Katonda, waire ebibi byaife bitulumiriza olw'okukuvaaku emikuzi kamaala ni twonoona, iwe mala gaganha otuyambe nga bwe watusuubiza.


Musengwa Katonda akoba ati: “Imwe abantu bange, mukube emizira mukobe muti, ‘Musengwa Katonda ayoleike nga tuziraku musango. Mukole tuje tukobere abali mu Yerusalemu, Musengwa Katonda waife by'akoze.’ ”


Aye Musengwa mutuufu, kuba ninze eyadheemera ekibono kye. Aye bantu imwe muwulire mwenamwena, mubone nga bwe ndaagadaaga. Abaisuka bange n'abaguna boonaboona baabatwala mu bunhage.


ni bandeetera okubeefuulaku, ni mbasindika mu bunhage mu nsi y'abazigu baibwe, era baidhukulu baimwe abo bwe balimala okugonda, ni baganha okubonerezebwa olw'ebibi byaibwe,


Olwo kabiri muliiramu okwawulagho omutuufu n'omukozi w'ebibi, n'okwawulagho oyo ampeereza nze Katonda n'oyo atampeereza.”


Kale mutasaliranga muntu yeenayeena musango nga ekiseera kikaali kutuuka ekya Musengwa waife okwidha. Oyo alita mu butangaavu ebintu ebigise mu nzikiiza, era alitoolayo ebidhuubo ebigise mu myoyo gy'abantu byamanhibwa. Olwo ni buli muntu yaasiimibwa Katonda.


Era mperaano Katonda ambiikiire eyo obutuufu ng'ekirabo eky'obughanguzi, Musengwa era omulamuzi omutuufu ky'alimpa ku Lunaku lule. Taligha nze zenka aye aligha abo boonaboona abeesunga okwira kwe.


Imwe mwenamwena abali mu igulu musagambe, kuba azikiriziibwa! N'imwe abatuukirivu, n'abatume, n'abalanzi musagambe! Kuba Katonda amusaliire omusango gwamusinga olw'ebyo bye yabakola.”


Nsaba Musengwa Katonda asale omusango ghagati ghange n'iwe, anoonereze ensonga, ampolereze era antoole mu ngalo dho.”


Daudi bwe yawulira nga Nabali afiire, yaakoba ati: “Musengwa Katonda asaakibwe, oyo eyeesasuliiza ku Nabali eyanvuma, era asaakibwe olw'okunkuuma nze omugheereza we ni ndoba okugwa mu kibi. Buti Musengwa Katonda oyo abonereiza Nabali olw'ekibi kye.” Agho Daudi yaayetesa Abigaili, ng'amukobya abe mukazi we.


Daudi era yaakoba ati: “Nga Musengwa Katonda bw'ali omulamu, era mwene oyo n'alimwita entuuko dhe dhirituuka yaafa, oba alija mu lutalo yaafiira eyo.


Kale Samueli yaamukobera byonabyona nga ghazira ky'amugisiisa naire. Eli yaakoba ati: “Oyo ni Musengwa Katonda, k'akole mwene ky'abona nga n'ekirungi.”


Lean sinn:

Sanasan


Sanasan