Mika 7:4 - Baibuli Ekibono kya Katonda 2014

⁴ N'omuntu oyo atwalibwa okuba nga n'abasingamu obulungi n'obwesigwa, yeena muzira makulu ng'oti n'eisubi erizira muganhulo. Aye ekiseera kituuse Katonda ababonereze, nga bwe yabalabula ng'abita mu balanzi, abantu baibwe, ababalengeza ku bija okubaagho. Buti basobeirwa!

Mika 7:4 Iomraidhean Croise

Isaia 10:3

Mulikola mutya ku lunaku Musengwa Katonda lw'alibabonerezaaku, n'abatuusaaku akabi akaliva mu nsi ey'eghala? Mulirumukira y'ani okubayamba? Era mulikweka gha obukombe bwaimwe?

Isaia 22:5

Kino kiseera kya kutya kungi, kutyankirirwa, na kusoberwa, ebyo nga Musengwa Katonda Afuga Amagye by'atutuusiisaaku mu Kiiko kino eky'Okubonekerwa. Ebimante by'ekibuga kyaife babiguumwireguumwire byagwa ghansi, abantu baakubira enduulu eyo mu nsozi nga benda babayambe.

Isaia 55:13

Emiti emisipuressi girimera aghabaire emiwa; n'eminaazi gyaira mu kifo ky'enkandwa. Ako kaliba kamanhiso akatalivaagho ebyanda n'ebyanda, ak'okwidhukirirangaku nze Musengwa Katonda bye nkola.”

Yeremia 10:15

Biziramu muganhulo era bya buguya bwereere. Ku lunaku Musengwa Katonda lw'alibisaliraku omusango okubisinga, bija kuzikirira.

Yeremia 11:23

Namala okutaagho ekiseera mwe ndisindikira akabi ku bantu abo ab'omu Anathothi, era ekiseera ekyo bwe kirituuka ghazira ku abo aliwonagho.”

Yeremia 46:21

N'abalwani ba Misiri abapangise boona bali bw'agho batyo, ng'oti n'ente entototo empiite ensavu, ghazira kye basobola kukola. Baalemwa okwesimbagho okulwana, boonaboona baakyuka baalumuka bulumuke; kuba olunaku lwaibwe olw'okubonerezebwa lwali lutuuse, era nga n'olunaku lwaibwe olw'okuzikirira.

Yeremia 8:12

Bandibaire baswalanga nga bakoze ebyenhinhalwa! Aye busa naire, tibaswala waire akatono kati. N'ensoni tidhibagemaku naire. Kale ni kyebaliva ni baghangulwa ng'oti n'abandi bwe baaghangulwa, era ni bazikirira lwe ndiidha okubonereza. Nze Musengwa Katonda, ninze nkobye.”

Ezekieli 2:6

“Era iwe omuntu otabatyanga waire okutyanga bye boogera. Ni bw'onaababangamu ng'oti n'omuntu ali mu nkandwa ni mu mawa, oba ng'oti n'atyaime ku siga, otatyanga badheemu abo bye boogera waire okudhugumira olw'emmoga yaibwe eidhwire obukambwe.

Ezekieli 28:24

Musengwa Katonda era yaakoba ati: “Ku maghanga goonagoona ageezungulwire ensi Isiraeli agaaginhoomanga, tighalibaagho waire eirala liti eririgifuukira olukandwa okugikwadula oba okugifuukira eiwa okugifumita. Olwo balimanha nga ninze Musengwa Katonda.”

Amosi 8:2

Yambuuza ati: “Amosi, kiki ky'oli kubona?” Naamwiramu nti: “Ndi kubona ekiibo eky'ebibala ebituuse okulya.” Agho Musengwa Katonda yankoba ati: “Ekiseera kituuse eky'okuzikiriza abantu bange Abaisiraeli. Tija kabiri kwirayo kukyusa kidhuubo kyange ni ndoba kubabonereza.

Nahumu 1:10

Waire muli ng'oti n'amawa amakaadaanie, era mwaba ng'oti n'abanhwi b'omwenge abatamiire, muja kusaanagho ng'eisubi eikalu bwe limamuka n'omuliro.

Luka 21:25

“Ghalibaagho obumanhiso ku ndhuba, ku mwezi ni ku muunienie, ate ku nsi ghalibaagho okweraliikirira mu maghanga, n'okusoberwa olw'okuduma okw'amayengo n'enhandha.

Abaheburayi 6:8

Aye bwe likuza amawa n'eisubi, liba tirikaagasa era nga liri kumpi kulaamibwa na kuzikirizibwa na muliro.