Mika 6:3 - Baibuli Ekibono kya Katonda 2014

³ Akoba ati: “Bantu bange, kiki kye nabakola? Nabakaluubiriza mu nsambo ki? Mundhiremu.

Mika 6:3 Iomraidhean Croise

Zabbuli 50:7

“Imwe abantu bange mumpulirise, ndi ni kye mbakoba; imwe Abaisiraeli, ndidha kubalumiriza. Ninze Katonda, Katonda waimwe.

Zabbuli 51:4

Nasobya eri iwe mwene wenka, era naakola ebibi mu maiso go, kale oli mutuufu mu ky'oba ng'osazeegho, era tonenezebwa bw'oba ng'onsaliire omusango okunsinga.

Zabbuli 81:13

Kale ngoli abantu bange bampulira; kale ngoli Isiraeli ajiira ku bye mmukoba,

Zabbuli 81:8

Imwe abantu bange, mumpulire nga ndi kubalamba; iwe Isiraeli, ngoli ompulirisa kyandibaire kikalamu.

Isaia 5:4

Kiki ekindi kye nali n'okukolera eisamba lyange eryo, kye ntaalikolera? Lwaki bwe nasuubira eisamba eryo okubaza emizabbibu emirungi, ate lyabaza bwa gikaagha ng'oti gya mu nsiko?

Yeremia 2:31

Imwe Abaisiraeli muwulire nze Musengwa Katonda kye nkoba. Nabeefuukirakuuku naababeera ng'oti irungu, era ng'oti n'ensi egemye enzikiiza eri bedimudimu? Kale imwe bantu bange kiki ekiboogeza muti, ‘Tuli ba idembe, titukaira y'oli?’

Yeremia 2:5

Musengwa Katonda akoba ati: “Kisobyo ki badhaadha baimwe kye bambonamu, memale ni basalagho okunvaaku. Ni baja okusinza ebintuntu ebiziramu makulu, era ni beene ni bafuuka abaziramu makulu?

Mika 6:5

Bantu bange, mwidhukire Balaki Kyabazinga w'e Moabu bye yali ategeike okubakola, era ni Balaamu mutabane wa Beora bye yamwiramu. Era mwidhukire ebyali mu ngira nga muva e Shittimu nga muja e Giligali. Bwe munaidhukira ebyo byonabyona munaategeera bye nkola okubalokola.”

Ab'e Roma 3:19

Twidhi nga buli kyonakyona ekiri mu Mateeka kigema ku abo abafugibwa Amateeka, ghalobe kubaagho eyeewolereza, era abantu ab'omu nsi boonaboona Katonda abasalire omusango.