Mika 4:1 - Baibuli Ekibono kya Katonda 2014

¹ Ekiseera kiidha kutuuka, olusozi oluliku eisinzizo lube nga n'olusinga buleeyi mu dhoonadhoona, era nga lusooloobye obusozi bwonabwona. Abantu abamaghanga kamaala balisomboka baidha ku lusozi olwo,

Mika 4:1 Iomraidhean Croise

Amainhama 49:1

Agho Yakobo yaayeta batabane be, yaakoba ati: “Mwidhe ghalala, mbakobere ebiribatuukaku ye bwidha.

Amainhama 49:10

Yuda n'anaagemanga omwigo ogw'obwakyabazinga, era baidhukulu be n'abanaafuganga, okutuusa mwene bwakyabazinga lw'aliidha. Era oyo abantu ye banaawuliranga.

Zabbuli 110:3

Ku lunaku lw'olija n'eigye lyo okulwana, abantu bo baja kweghaayo kyeyendere aghazira kukakibwa. Abavubuka bo baja kwidha y'oli ku nsozi entukuvu ng'oti musulo gwa nkyo.

Zabbuli 22:27

Okuva ku ndhuyi dhoonadhoona edh'ensi amaghanga galiidhukira Musengwa Katonda. Galikyuka gaira y'ali; ebika byonabyona birimusinza;

Zabbuli 48:1

Musengwa Katonda mukologho, era ni yenka agwaine okusinzibwa mu kibuga kya Katonda waife, ku lusozi lwe olutukuvu.

Zabbuli 86:9

Amaghanga goonagoona ge watonda, gaja kwidha gakukubire amakiryaivu, era gaatule ng'eriina lyo bwe liri ery'ekitiisa.

Isaia 27:13

Ku lunaku olwo, eigwala lirivuga n'amaani, okweta Abaisiraeli boonaboona abaliba mu Assiria ni mu Misiri, baidha baasinza Musengwa Katonda ku lusozi olutukuvu mu Yerusalemu.

Isaia 43:6

Ndiragira oluuyi olw'omukono omugooda olw'e buvandhuba lwabalekula, naalagira n'oluuyi olw'omukono omusaadha olw'e buvandhuba lwaloba kubaloberaku. Olwo mwaleeta batabane bange okuva eyo eghala, era mwaleeta ni baghala bange okuva eyo mu nsi dhoonadhoona.

Isaia 49:6

Musengwa Katonda oyo yankoba ati: “Iwe eky'okuba omugheereza wange n'okola ogw'okwizaagho ekitiisa ky'ebika bya Yakobo, n'okwiza Abaisiraeli abaawonagho, tikimala. Ku ebyo ndyongerezaaku okukufuula eitaala eri amaghanga, olwo ensi yoonayoona erokolebwe.”

Isaia 54:2

Kola ogaziye weema yo, ogaziye n'ensuubo dhaamu, oleeye n'emigugha gyayo, era onhweze n'enkondo dhaayo.

Isaia 56:7

“Ndibatwala ku Sioni olusozi lwange olutukuvu, naabagha eisanhu mu ndhu yange ey'okusinzizaamu. Ebigheebwayo byaibwe ebyokebwa n'emisengo gyaibwe ndibiikiriza ku alutaari yange, kuba endhu yange enaayetebwanga ndhu ya kusinzizaamu ab'amaghanga goonagoona.”

Yeremia 16:19

Wo Musengwa Katonda, niiwe amaani gange era niiwe onkuuma; niiwe onhamba mu biseera ebizibu. Amaghanga galiva mu buli nsonda y'ensi, gaidha y'oli, gaakoba gati: “Badhaadha baife tibaali na Katonda, aye baali na bisinzibwa ebitali Katonda, ebintu obuntu ebiziramu muganhulo naire.

Yeremia 26:18

“Hezekia bwe yali nga ni kyabazinga wa Buyudaaya, omulanzi Mika eyabanga e Moreshethi yakobera abantu ati Musengwa Katonda Afuga Amagye akoba ati, ‘Olusozi Sioni balirulima ng'oti nimiro; ekibuga Yerusalemu kirifuuka mmungo dha bifunfugu, n'olusozi lwonalwona oluliku eisinzizo lwafuuka kibira.’

Yeremia 3:17

Mu kiseera ekyo Yerusalemu kiriba kyetebwa ekityamo eky'obwakyabazinga ekya Musengwa Katonda. Abantu abamaghanga goonagoona balyesololeza eyo okunsinza nze Musengwa Katonda, nga tibakairayo kukola ebyo emyoyo gyaibwe emikalangufu era emibi bye gyenda.

Yeremia 31:12

Baliidha baayemba n'amaani nga basagamba ku lusozi Sioni. Era baaba basangaavu olw'ebirabo bye mbagha: engaano, omwenge ogw'emizabbibu, omuzigo ogw'ebibala eby'emiti emyoliva, entaama, n'ente. Baliba ng'oti n'enimiro efukirirwa amaadhi obukalamu, era nga tibadhulirira kintu kyonakyona.

Yeremia 48:47

“Aye mu biseera eby'oluvainhuma, nze Musengwa Katonda ndireetera ebintu okwiramu okujiiranga Abamoabu obukalamu.” Ebyo byonabyona, Musengwa Katonda bye yakoba okutuuka ku nsi Moabu.

Ezekieli 38:16

Olirumba abantu bange Abaisiraeli waababuutikira ng'oti kire kighembye ku nsi. Mu biseera ebyo eby'oluvainhuma ndikuleetera okulumba ensi yange, amaghanga gasobole okuumanha nze. Bye ndikolera mu iwe, biryoleka amaghanga ago nga bwendi omutukuvu.

Ezekieli 40:2

Era nga ndi mu kubonekerwa, Katonda yambeeda yantwala mu nsi Isiraeli, yandhisa ku lusozi oluleeyi, olwaliku ekyaboneka ng'oti kibuga, nga kiri agho emberi wange.

Ezekieli 43:12

Lino n'eiteeka ery'eisinzizo: Ekifo kyonakyona ekyezungulwire eisinzizo agho ku ngulu kw'olusozi, kifo kitukuvu inho. Eryo n'eiteeka ly'eisinzizo.”

Danieli 10:14

Ndidhie okukuyamba otegeere ebirituuka ku bantu bo ye bwidha kuba bye wabona mu kubonekerwa, byakubaagho mu biseera eby'oluvainhuma.”

Danieli 2:28

Aye ghaligho Katonda mu igulu ayoleka ebyama. Oyo n'ali kukumanhisa ebija okubaagho mu biseera eby'oluvainhuma. Mpegaano ni, ka nkukobere kye wabona mu kirooto ng'otendwike mu buliri bwo.

Danieli 2:35

Agho mu kiseera kyene ekyo, ekyuma ekigumu einho, n'eitosi, n'ekyuma eky'ekikomo, ni feeza, ni zaabu, byonabyona byamanhiangukira ghalala. Byafuuka ng'oti musinsi oguba mu bifo aghakubirwa engaano mu biseera eby'ekyeya. Empewo yaabifuuwa okubimaliriragho, ghaabulagho n'akamanhiso akalaga nga bibaireghooku. Aye eibaale eryakuba ekiwumbe ekyo lyafuukamu olusozi olukologho olwabuna ensi yoonayoona.

Danieli 2:44

Mu biseera eby'abafuzi abo, Katonda ow'eigulu alitaagho obwakyabazinga nga ghazira kisobola kubuzikiriza, era ng'ezira ighanga lisobola kubaghangula. Aye bulimaniangula obwakyabazinga obundi bwonabwona bwabusaaniagho, bwene bwabaagho ebyanda n'ebyanda.

Danieli 7:14

Era baamugha obukumu, ekitiisa, n'obwakyabazinga. Olwo abantu boonaboona abava mu maghanga goonagoona, era aboogera enimi dhoonadhoona, basobole okumugheerezanga. Obufuzi bwe tibukoma, bubaagho byanda na byanda, era obwakyabazinga bwe tibalibuzikiriza.

Danieli 7:18

Aye abatukuvu b'oyo Ali Ghaigulu Yeene, baligheebwa obwakyabazinga bwaba bwaibwe ebyanda n'ebyanda.”

Danieli 7:22

Agho Oyo eyaligho okuva eira n'eira yaidha, yaasala omusango, era abatukuvu b'oyo Ali Ghaigulu Yeene baagusinga. Era ekiseera kyamala kyatuuka abatukuvu abo baagheebwa obwakyabazinga.

Danieli 7:27

Olwo obwakyabazinga, n'obukumu, n'ekitiisa, ebiri ghansi gh'eigulu, balibigha abatukuvu b'oyo Ali Ghaigulu Yeene. Obwakyabazinga bwaibwe buliba bwa byanda na byanda, era abafuzi boonaboona ab'ensi balibagonderanga baabagheereza.”

Hosea 3:5

Aye mu biseera eby'oluvainhuma abantu bange Abaisiraeli balikyuka, kabiri baira eri Musengwa Katonda waibwe n'eri Daudi kyabazinga waibwe. Baliiramu okutya Musengwa Katonda oyo, era baafunanga ebirungi ebiva y'ali.

Mika 3:12

Kale ni ku lwaimwe, olusozi Sioni balirulima ng'oti nimiro, ekibuga kya Katonda Yerusalemu kyasigala agho nga mmungo ya bifunfugu n'olusozi lwonalwona oluliku eisinzizo lwafuuka kibira.

Zekaria 14:10

Ekiketezo kyonakyona ekiri ku luuyi olw'omukono omusaadha olw'e buvandhuba olwa Yerusalemu, okuva e Geba okutuuka e Rimmoni, kirifuulibwa museetwe mwereere. Aye Yerusalemu kirisigala mu kifo kyakyo nga kiri ghaigulu okuwula ebiketezo byonabyona ebikyezungulwire. Era ekibuga ekyo kiriva ku gwetebwa Omulyango gwa Benjamini, kyaja kyatuuka ku gwetebwa Omulyango ogw'omu Nsonda aghaali omulyango omukaire, era kyatuuka ku kyetebwa Ekituuti ekya Hananeli, ni ku bikunhiro bya kyabazinga eby'omwenge ogw'emizabbibu.

Zekaria 2:11

Mu kiseera ekyo, abantu abamaghanga kamaala baliidha ye Musengwa Katonda baafuuka bantu be. Musengwa Katonda alibanga ghalala n'imwe, era imwe mulimanha nga oyo n'eyantuma ye muli.

Zekaria 8:3

Luliba lulala naira ku lusozi lwange Sioni, naaba mu kibuga kyange Yerusalemu. Olwo ekibuga ekyo balikyetanga ekibuga eky'abantu abeesigwa, era baakyetanga olusozi lwange nze Musengwa Katonda Afuga Amagye olutukuvu.

Malaki 1:11

Okuva e buvandhuba okutuuka e bugwandhuba, abantu ab'amaghanga goonagoona bantaamu ekitiisa. Buli ghantu baniokeza obubbaani ye ndi era baagheereza ye ndi ebigheebwayo ebirongoofu. Boonaboona bantaamu ekitiisa.

Ebikolwa by'Abatume 2:17

‘Katonda akoba ati ku nkomerero kino n'ekiribaagho: Ndiyugha ku bantu boonaboona Mwoyo wange. Batabane baimwe ni baghala baimwe baliranga ekiribaagho, n'abaisuka baimwe balibonekerwa, n'abakaire mu imwe baliroota ebirooto.

Abaheburayi 1:2

Aye mu nnaku dhino edhisembayo yaayogera n'ife ng'abita mu Mwana we, ye yataagho okuba mwene bintu byonabyona, era ye yabitamu okutonda ensi.

2 Petero 3:3

Okusookera irala muteekwa okumanha nga mu nnaku edhisembayo, abantu abenda einho musekererwe era abafugibwa okwegomba okw'omubiri, baliboneka. Balibaseka

Okwolekebwa 11:15

Agho malaika owomusanvu yaafuuwa eigwala lye. Ghaabaagho amamiro mu igulu nga gakoba gati: “Obwakyabazinga obw'ensi bufuuse bwa Musengwa waife era bwa Kurisito: aidha kufuganga ebyanda n'ebyanda.”

Okwolekebwa 15:4

Musengwa, naani atalitya liina lyo oba okulisaaka? Iwe wenka n'iwe omutukuvu. Abantu ab'amaghanga goonagoona baliidha baasinza mu maiso go, kuba ebikolwa byo eby'obutuufu bibonebwa abantu boonaboona.”

Okwolekebwa 20:4

Agho naabona ebityamo eby'obwakyabazinga nga bityaimeku abo abaagheebwa obukumu okufuga. Era naabona emyoyo gy'abo abaatemwaku emitwe olw'okudhulira Yesu n'olw'ekibono kya Katonda. Abo n'abataasinza kisolo waire ekifaananie kyakyo era abataaganha kuteebwaku kamanhiso kaakyo mu byeni oba ku mikono. Abo bairamu okuba abalamu era Kurisito yaafuga nabo emyaka lukumi (1,000).