Mika 3:9 - Baibuli Ekibono kya Katonda 2014

⁹ Imwe abakulu ab'ebikunsu mu Isiraeli muwulire bino: mukyagha okukola ebituufu, era ebikolwa ebyandibaire ebirungi mwabifuulania byaba bibi.

Mika 3:9 Iomraidhean Croise

Nehemia 13:17

Kale neemuluguunhiza abakungu mu Buyudaaya: ‘Lwaki muli kukola ekibi kino eky'okwonoona olunaku lwa Sabbato?

Okuvaayo 3:16

Ja oyete abakulu ab'ebikunsu mu Isiraeli beesoloze ghalala obakobe oti, ‘Musengwa Katonda, Katonda wa badhaadha baimwe, Katonda wa Aburahamu, owa Isaaka era owa Yakobo yambonekera yankoba ati mbalingiriire, naabona bye babakola mu Misiri.

Ensambo 17:15

Musengwa Katonda yeenhinhata oyo eyeedheereza omubi eyaiza omusango, n'oyo asalira omutuufu omusango okumusinga ate nga tagwizanga.

Ensambo 17:23

Omulamuzi omubi aganha baamugha enguzi mu ngiso, olwo yaabuzaabuza amazima.

Ensambo 18:5

Ti kituufu kwekubira ku luuyi lwa mwizi wa musango n'agusinga, era ti kituufu kusaliriza muntu akola ebituufu n'otamusalira mu butuufu.

Ensambo 21:7

Obukambwe obw'ababi buja kubaviiramu kuzikirira, kuba tibenda kukola kituufu.

Isaia 1:23

Abakulembeze bo badheemu, era bagemagana na baibi. Buli muntu agonza kulya nguzi era yaagunirira okugheebwa ebirabo. Tibalwaniriraku bamulekwa, waire okuwulirisa ensonga banamwandu dhe babaleetera.

Yeremia 5:28

era baaba banene nga banhirivu. Tibalekera kukola bibi. Tiboogererayo bamulekwa kufuna bye bagwaniire, waire okulwanirira abatuntuzibwa.”

Ezekieli 44:23

“Bakabona banaayegeresanga abantu bange okwawulagho ebintu ebitukuvu n'ebitali bitukuvu, n'okwawulagho ebirongoofu n'ebitali birongoofu.

Hosea 5:1

“Imwe bakabona muwulire kino! Imwe Abaisiraeli mufeeyo ku kye nkoba! Imwe ab'endhu ya kyabazinga mutege kutu! Omusango baligubasalira; kuba e Mizipa mwafuukira abantu ekizibu ng'oti mutego, e Tabori mweraliikiriza abantu ng'oti lutuula olutegeibwa,

Abalevi 26:15

era bwe munaalobanga okugema amateeka gange ni mukyagha obukyaghe bye mbakoba, era ni mutagondera biragiro byange byonabyona, mu nsambo eyo ni mumenha endagaano ye nakola n'imwe,

Amosi 5:7

Abantu imwe mukagwireku, kuba mufuulaniafuulania amazima, obutuufu mwabusuula ere.

Mika 1:1

Mu biseera bya Yothamu, n'ebya Ahazi, n'ebya Hezekia, abaali ba kyabazinga ba Buyudaaya, Musengwa Katonda yayoleka Mika ow'omu kyalo Moreshetha ebintu bino ebigema ku Samaria ni ku Yerusalemu.

Mika 3:1

Imwe abakulu ab'ebikunsu mu Isiraeli, muwulirise bino: Niimwe abateekwa okumanha abantu bwe bagwaniire okubisibwa mu butuufu.

Amateeka Agokubiri 27:19

“ ‘Omuntu yeenayeena anaasalirizanga omusango ogw'omusenze ni mulekwa ni namwandu, akolimirwenga!’ Olwo abantu boonaboona baliiramu bati, ‘Amiina.’