Mika 3:2 - Baibuli Ekibono kya Katonda 2014

² Aye kabiri niimwe abatenda kukola bulungi, mwagonza okukola obubi. Bye mukola, muli ng'ababaaga abantu bange ni mubatoolaku oluwutu, era ni mughalagata emamba ku magumba gaibwe.

Mika 3:2 Iomraidhean Croise

1 Bakyabazinga 21:20

Ahabu bwe yabona Eliya, yaamukoba ati: “Ongwikiriiza, omuzigu wange iwe?” Eliya yaamwiramu ati: “Yii, nkugwikiriiza, kuba weegheereireyo irala mu kukola ebibi mu maiso ga Musengwa Katonda.

2 Ebyomubyanda 19:2

Omulanzi ayetebwa Yehu, mutabane wa Hanani, yaaja okumweisuusaayo, era yaamukoba ati: “Obwo bwene, obona nga iwe ogwaniire okuyamba ababi n'okugonza abo abakyagha Musengwa Katonda? Ekyo ky'okoze kikuleeteire obusungu bwa Musengwa Katonda okukwidhira.

Zabbuli 15:4

Anhooma abo abatasanhusa Musengwa Katonda, aye yaata ekinhagansi mu abo abatya Musengwa Katonda. Atuukiriza bye yeeyamye, ni bwebimufiiriza takyusaamu.

Zabbuli 53:4

Aye abakozi b'ebibi bano, abalya abantu bange ng'oti balya mere, kiki kyene kye bataidhi, ekibalobera okusinza Katonda?

Ensambo 28:4

Abo abatajiira ku mateeka basaaka ababi, aye abagajiiraku babalwanisa.

Isaia 3:15

Lwaki mufuutafuuta abantu bange, ni mutentenatentena abantu abaavu mutyo? Nze Musengwa Katonda Afuga Amagye, ninze ndi kubuuza.”

Isaia 5:20

Bakagwireku abo abafuulania ebintu, ekibi ni bakyeta ekirungi ate ekirungi ni bakyeta ekibi; enzikiiza ni bagyeta obutangaavu ate obutangaavu ni babweta enzikiiza; ekikaagha ni bakyeta ekidhuudhuula ate ekidhuudhuula ni bakyeta ekikaagha.

Isaia 57:12

Imwe mulowooza muti bye mukola bituufu, aye nze ndyerula ebikolwa byaimwe, era ebyo bye musinza ebitali Katonda biriba tibikaabagasa naire.

Ezekieli 11:7

“Kale nze Musengwa Katonda kyenva nkoba nti ekibuga kino n'ensaka, era abantu be mutirimbula ni mubaleka omwo nga bagwire, n'emamba. Aye imwe ndibabinga naabafulumya mu kibuga kino.

Ezekieli 22:27

Abakulembeze baamu bali ng'oti misege egikankanula kye gigemye. Baita abantu baabazikiriza, basobole okutwala ebintu byaibwe, bakombaghale.

Ezekieli 24:4

Suula mu maadhi ago ebinofu by'emamba nga birungi, ekisambi n'omukono. Omale oidhuzeegho emamba ey'oku magumba esinga bulungi.

Ezekieli 34:3

Munhwa amata n'omuzigo, mwavaala ebivaalo ebikolebwa mu buviiri bwadho, mwaita edhipiitiibwa ensavu mwadhirya, aye nga timulabirira ntaama edho naire.

Amosi 4:1

Muwulire bino imwe abakyala ababa mu Samaria, abageedhie ng'oti n'ente edh'e Bashani. Mutuntuza abaghafu era mwakamula abaavu, mwalagira baibaimwe okubasombera ebitamiiza:

Amosi 5:15

Mukyaghe ebibi, mugonze ebirungi. Musalenga mu mazima mu mbuga dhaimwe edh'amateeka. Oba katyo Musengwa Katonda Afuga Amagye, yaakagemerwa abaliwonagho ku Baisiraeli ekivunika.

Mika 2:8

Aye Musengwa Katonda abairamu ati: “Imwe mulumba abantu bange ng'oti abantu abo bazigu baimwe, mwabanhagaku ebivaalo nga tibabakobyeku. Ate nga abantu abo bababitaku nga bali kubeesiga bati ghazira kibi kye munaabakola, era nga tibali kulowooza ku lutalo naire.

Mika 7:2

Mu Isiraeli muzira muntu mwesimbu akaasigairemu. Timukaali atya Katonda! Buli muntu aguniriire kakisa ka kutemula, era olw'ekyo buli muntu atega mwine olutuula.

Mika 7:3

Abantu banaze okukola ebibi, abafuzi n'abalamuzi balya enguzi. Omukungu bw'abakobera ekibi ky'ayenda okukola, beeyimba naye baayiiya bwe babe bakikole.

Zefania 3:3

Abakungu mu kibuga omwo bali oti mpologoma edhiwologoma. Abalamuzi baamu baaba ng'oti n'emisege egiyiiga eigulo nga giri ndhala inho, ni gitalekaagho kagumba kusigala kubonebwaku nga bukyeire.

Luka 19:14

Aye abantu ab'omu nsi ye, baali nga baamukyagha, era baagheereza abakwenda abaamuva einhuma okukoba bale ye yali ali kuja bati tibenda oyo abafuge.

Yoanne 18:40

Kabiri bairamu nga baasiikana bati: “Ti oyo, aye Barabba.” Barabba ono yali munhazi.

Yoanne 7:7

Ensi tesobola kubakyagha, aye nze enkyagha, kuba mpa obudhulizi ku bikolwa byayo ebibi.

Ab'e Roma 1:32

Waire nga baidhi nga eiteeka lya Katonda likoba liti abo abakola ebyo bagwaniire kufa, aye babikola. Ate tibakoma ku kubikola, kyonka aye basiima n'abo ababikola.

Ab'e Roma 12:9

Okugonza kwaimwe kubenga kwa mazima, mulekenga kukola kibi, mukalangukirenga ku kikalamu.

2 Timotheo 3:3

abatalumirwa banaibwe, abatasaasira, abasala ku banaibwe ebibono, abatasobola kwefuga, abakambwe, abakyagha kiisi kikalamu,