Mika 2:9 - Baibuli Ekibono kya Katonda 2014

⁹ Mubinga abakazi ab'abantu bange mu ndhu dhaibwe mwe bawulirira eisanhu, mwalobera abaana baibwe okubona ku kitiibwa kyange ebyanda n'ebyanda.

Mika 2:9 Iomraidhean Croise

Zabbuli 72:19

Eriina lye ery'ekitiisa lisaakibwenga ebyanda n'ebyanda. Ekitiisa kye kiidhule ensi yoonayoona! Amiina era Amiina.

Yeremia 10:20

Eweema dhaife badhoonoine, n'emigugha egidhibamba gyonagyona gikutwike. Abaana baife batuviireku, tibakaaligho. Ghazira muntu wa kutubambira weema dhaife, na kudhitaamu nsuubo dhaamu.”

Ezekieli 39:21

Agho Musengwa Katonda yaakoba ati: “Ndyoleka ekitiisa kyange mu maghanga, abantu baabona bwe nkozesa mu mazima obuyinza bwendi nabwo, okutuukiriza bye mba nsazeegho okukola.

Yoeli 3:6

Mwatoola abantu b'omu Buyudaaya n'ab'omu Yerusalemu mu nsi yaibwe, mwabatwaliriza eghala, mwabaguza Abagureki.

Amosi 2:7

Batyankirira abaavu ng'oti n'abatyankirira enkungu, baasindika ere abaghafu babaviire mu ngira. Omulenzi n'ise baja ku mukazi mulala, mu nsambo eyo baaba nga boonoona eriina lyange eitukuvu.

Mika 2:2

Bwe beegwaniza omusiri, nga bagunhaga, oba ndhu, nga batwala butwale. Era nga bwebabisa ebintu eby'omuntu, n'omuntu mwene yeena bwe bamubisa.

Habakkuku 2:14

Aye ensi eja kwidhula abantu abaidhi ekitiisa kya Musengwa Katonda ng'oti n'enhandha bw'eidhula amaadhi.

Zekaria 2:5

Musengwa Katonda akoba ati mwene n'aliba ekimante eky'omuliro okwezungulula ekibuga ng'akikuuma, era ati mwene n'aliba ekitiibwa ky'ekibuga ekyo.”

Matayo 23:13

“Mukagwireku Abanamateeka n'Abafarisaayo abakuusa imwe, kuba mwigaliragho abantu Obwakyabazinga obw'omu igulu kuba imwe beene timungira waire okuganha abenda okwingira.” [

Mariko 12:40

n'okukaavuula eby'omu ndhu dha banamwandu nga basoma esaala edh'okweraga edhitakutuka. Abo ekibonerezo balifuna kinene.”

Luka 20:47

abakaavuula eby'omu ndhu dha banamwandu, baalwagho nga basaba nga beeraga. Ekibonerezo kyaibwe kirisingaku eby'abandi.”

2 Ab'e Korintho 3:18

Era ife twenatwena bwe tutoolebwaku ekitughembye ku maiso, tubonerwamu okumesunkana kwa Musengwa ng'oti mbonerwamu. Okumesunkana okuva ye Musengwa era nga ni Mwoyo, kutufuula twafaanana nga mwene mu kumesunkana okuja nga kweyongera.

2 Ab'e Korintho 4:6

Katonda eyakoba ati, “Ekimulika kyake mu nzikiiza!” N'eyaleeta ekimulika kye okwakira mu myoyo gyaife, okutumanhisa ekitiisa kya Katonda ekyakira ku maiso ga Kurisito.

1 Samueli 26:19

Isebantu kyabazinga, mperaano ni nkweghemba owulire bye nja okukoba, nze omugheereza wo: Bw'aba nga Musengwa Katonda n'akuleeteire okundhiigania, ka mmusabe aganhe okumugha ekigheebwayo. Aye bwe baba nga bantu, abo Musengwa Katonda abakolimire kuba mperaano baaminze mu nsi ya Musengwa Katonda ey'ensikirano, bansindika mu nsi ey'endha okugheereza emisambwa!