Mika 2:1 - Baibuli Ekibono kya Katonda 2014

¹ Bakagwireku abantu abo ababa mu buliri bwaibwe ni bakyesa obwire nga bayiiya ebibi bye banaakola. Era obwire olukya buti nga bakola nga bwe baba bayiiyiiza.

Mika 2:1 Iomraidhean Croise

Amainhama 31:29

Mbaire nsobola okukukolaku akabi. Aye Katonda wa lata wo yankobye obwire ati, ‘Weegendereze, olobe kubaaku kintu kyonakyona ky'okoba Yakobo, kya kumutiisatiisa.’

1 Bakyabazinga 21:7

Mukazi we Yezebeli yaamwiramu ati: “Ti niiwe ofuga Isiraeli? Situka olye emere, era omwoyo ka gukwike. Nze ndidha kukugha eisamba ly'emizabbibu erya Nabothi ow'e Yezireeli.”

Yobu 15:35

Abantu abo bategeka okukola ebibi, era baabikola, baidhwire buguya bwereere.”

Yobu 24:14

Omutemo azuuka mu nzikiiza, yaita omwavu n'omughafu, era obwire aba mwibi.

Zabbuli 36:4

Akola entegeka ey'okukola eby'eitima ng'ali mu buliri, yaasituka nga ghazira kirungi kye yeetegeike kukola, era ghazira kibi kimugemya ntete kukola.

Zabbuli 36:5

Aye iwe Musengwa Katonda okugonza tikukoma era kugungumavu okutuuka mu igulu, ate obwesigwa bwo butuuka mu bire.

Zabbuli 58:3

Ababi badaaliima okuviira irala nga bakaali na mu nda; basobya okuviira irala ku kuzaalibwa, nga boogera eby'obuguya.

Ensambo 12:2

Omuntu omulungi asiimibwa Musengwa Katonda, aye ole ali n'entegeka edh'okukola ebibi amusalira omusango gwamusinga.

Ensambo 14:22

Abo abategeka okukola ebibi baba badaaliimye mu ndowooza yaibwe, aye abategeka okukola obukalamu beesigibwa era baateebwamu ekinhagansi.

Ensambo 3:27

Otalobanga kukolera muntu kirungi ky'agwaniire, kasita onaabanga ng'osobola okukikola.

Ensambo 4:16

Kuba tibasobola kutenduka okutoolaku nga bamaze kukola kibi; endoolo dhibabulira irala okutuusa nga bamaze okugwisa omuntu.

Isaia 29:20

Abantu abakambwe balimalibwagho, abo abeekuluntaza baakomezebwa, n'abo boonaboona abanhumirwa okukola ebibi baazikirizibwa.

Isaia 3:14

Musengwa Katonda aja kusalira omusango abakulembeze n'abakungu ab'abantu be, ati: “N'imwe omwamaliriragho amasamba g'emizabbibu, era endhu dhaimwe dhiidhwire bintu bye mwanhagulula ku baavu.

Isaia 32:7

Omukupankupania muntu mubi, ni by'akola bibi byereere. Asala amagezi okwitaitana abaavu ng'ayogera eby'obuguya, ni bwe baba nga bye basaba okukolerwa n'ebyo ebituufu bye bagwaniire.

Isaia 5:8

Mukagwireku imwe abagula endhu nga mwongereza ku dhe muli nadho, ni mugula n'enimiro okwongereza ku dhe muli nadho, okutuusa nga ghazira ghe mutaguze, olwo ensi mugibeemu mwenka.

Isaia 59:3

Muli n'omusango kuba mwogera eby'obuguya, era mwakola ebikolwa eby'obukambwe n'obutemo.

Yeremia 18:18

Agho abantu beeteesa bati: “Mwidhe tubeeku ni kye tukola Yeremia ono. Ni bwetunaamutoolagho, tituja kubula bakabona ba kutugalagiranga, era tituja kubula bagezi ba kwebuuzangaku, waire okubulwa abalanzi abatukobera obukwenda bwa Katonda. Ka tumuteeku emisango, era tulekere okuwulirisanga by'akoba.”

Ezekieli 11:2

Katonda yankoba ati: “Iwe omuntu, abo n'abantu abayiiya okukola ebibi era abagha abantu ab'omu kibuga kino amagezi amabi,

Ezekieli 33:26

Mwesiga bya kulwanisa byaimwe, mwakola ebintu ebyenhinhalwa, mwasendasenda baka beene mwaba nabo mu buliri. Era mwalowooza muti mulitwala ensi eno yaaba yaimwe?

Ezekieli 38:10

Musengwa Katonda era akoba, ati: “Ku lunaku olwo ebidhuubo biriidha mu mwoyo gwo, waategeka okukola akabi,

Ezekieli 46:18

Era kyabazinga taatoolenga itaka lya bantu bandi n'alibabingamu. Eitaka ly'anaaghangaku abaana be liidha kubanga eryo lye yafuna ng'obusika bwe. Olwo alobe kutuntuzanga bantu bange ng'ababinga mu itaka lyaibwe.”

Mika 6:12

Abakombe mu imwe batuntuza abaavu era mwenamwena mwidhwire buguya.

Nahumu 1:11

Omuntu yava mu imwe eyo e Nineve ng'ali n'ebibi kamaala by'ategeike okukola yaidha yeesoomera Musengwa Katonda.

Zekaria 7:10

Mutafuginkirizanga muntu yeenayeena, k'abe namwandu, oba mulekwa, oba omusenze, oba omwavu. Era mutayiiyanga mu myoyo gyaimwe kukola kabi ku banaimwe.’

Mariko 15:1

Olwakya buti, nga Bakabona Abakulu, n'abakulu ab'ebika, n'Abanamateeka n'embuga yoonayoona, bateesa, nga basiba Yesu nga bamutwala, bamughaayo ewa Pilato.

Luka 20:19

Mu saawa eyo Abanamateeka ni Bakabona Abakulu baayenda bamugeme kuba baategeera bati mu lufumo olwo yali ayogera ku beene, aye baatya abantu.

Yoanne 19:11

Yesu yaamwiramu ati: “Tiwandibaire na bukumu ku nze nguli tibwakugheebwa Katonda. Kale ampaireyo mu ngalo dho n'ali n'ekibi ekisinga.”

Ebikolwa by'Abatume 23:12

Bwe bwakya enkyo, Abayudaaya beekobaana, beefuugha nga bakoba bati tibaja kulya waire okunhwa okutoolaku nga bamaze okwita Paulo.

Ebikolwa by'Abatume 23:15

Mperaano imwe n'olwekobaano, mutume y'omukulu ow'abaisirukale amubaleetere nga mwefuula ng'abenda okwongera okwetegereza ebimugemaku. Ife tumaliriire okumwita ng'akaali kubatuukaku.”

Ab'e Roma 1:30

Batema ku banaibwe ebibono, bakyagha Katonda, bavumagana, ba lunkulu, beesuuta, bayiiya amagezi ag'okukola ebibi, era batengugha abazaire baibwe.

Amateeka Agokubiri 28:32

Batabane baimwe ni baghala baimwe ndidha kubagabiranga abamaghanga agandi nga mubona. Buli lunaku munaakandanga kumoga nga mwenda baire, aye nga muzira kye musobola kukolagho.