Mika 1:3 - Baibuli Ekibono kya Katonda 2014

³ Bona eno, Musengwa Katonda aja kuva mu kifo kye ekitukuvu aidhe. Era bw'aliidha aja kutambulira ku nsozi.

Mika 1:3 Iomraidhean Croise

Yobu 40:12

Bwenebwene lingirira buli mwepansi omumale amaani. Otyankirire ababi agho gheene ghe bali.

Zabbuli 115:3

Ife Katonda owaife ali mu igulu era ky'ayenda ky'akola.

Isaia 25:10

Musengwa Katonda alikuuma olusozi luno Sioni, aye Abamoabu balityankirirwa ng'oti n'eisubi bwe balityankirira mu busa okukolamu ebigimusa.

Isaia 26:21

Musengwa Katonda wuuyo ali kuva mu igulu y'aba, ng'aidha okubonereza abantu ku nsi olw'ebibi byaibwe. Abantu abaatemulwa mu ngiso balimanhibwa mu lwatu. Eitaka liriba tirikaasobola kugisa abo abaitibwa.

Ezekieli 3:12

Agho omwoyo gwa Katonda gwambeeda, ekitiisa kya Musengwa Katonda kyasituka nga kiva mu kifo kyakyo, era naawulira emugongo wange omuvuuma oguli ng'oti kugugumuka kwa musisi ow'amaani einho.

Amosi 4:13

A! Katonda n'eyawumba ensozi era yaatonda empewo. Amanhisa abantu ebiri mu mwoyo gwe. Ogubaire omusana abufuula obwire. Atambulira ghaigulu ng'ensi emuli ghansi. Eriina lye ni Musengwa Katonda Afuga Amagye.

Amosi 9:5

Musengwa Katonda afuga amagye agema ku nsi, ensi yaatengeeta n'abantu boonaboona baagemwa enaku. Ensi esiikuuka yeefuukuula ng'oti n'omwiga Kiyira.

Habakkuku 3:19

Musengwa Katonda n'ampa amaani, yaagumya ebigere byange ku itaka oti bya mpongo, yankuuma naaloba kutyerera ku nsozi kugwa.

Zekaria 14:4

Mu kiseera ekyo alyemerera ku Lusozi olw'Emiti Emyoliva, oluli ku luuyi olw'e buvandhuba olwa Yerusalemu. Olusozi olwo lulyeyatisaamu endhawu ibiri okuva e buvandhuba okutuuka e bugwandhuba, lwaidhamu ekiiko ekigazi einho. Olwawu olundi olw'olusozi olwo luliseseetukira ku luuyi olw'omukono omugooda olw'e buvandhuba, ate olwawu olundi lwaseseetukira ku luuyi olw'omukono omusaadha olw'e buvandhuba.

Amateeka Agokubiri 32:13

Yabagha okuba mu nsi ey'ensozi, baalya emere erimiibwa mu nimiro. Baayagaananga omudheenene gw'endhuki mu mbaale, emiti gyaibwe emyoliva gyabalira mu itaka ery'olubaalebaale.

Amateeka Agokubiri 33:29

Weesiimye iwe Isiraeli! Naani ali ng'oti niiwe, eighanga erirokolebwa Musengwa Katonda? Musengwa Katonda mwene n'engabo yo era n'empiima yo, oyo n'akugha obughanguzi. Abazigu bo baliidha nga bakweghemba obagemerwe ekivunika, era iwe olibaniinaku.”