Mika 1:1 - Baibuli Ekibono kya Katonda 2014

¹ Mu biseera bya Yothamu, n'ebya Ahazi, n'ebya Hezekia, abaali ba kyabazinga ba Buyudaaya, Musengwa Katonda yayoleka Mika ow'omu kyalo Moreshetha ebintu bino ebigema ku Samaria ni ku Yerusalemu.

Mika 1:1 Iomraidhean Croise

2 Bakyabazinga 15:32

Mu mwaka ogwokubiri nga kyabazinga Peka mutabane wa Remalia n'afuga Isiraeli, Yothamu mutabane wa Uzzia yaafuuka kyabazinga wa Buyudaaya.

2 Bakyabazinga 15:5

Agho Musengwa Katonda yaaleetera Uzzia okulwala endwaire ey'ebigenge, yaaba nayo okutuusa lwe yafa. Yaabanga mu ndhu yiye yenka. Mutabane we Yothamu yaasigala nga n'alabirira ekisaagaati kye eky'obwakyazinga, era nga n'afuga ensi eyo.

2 Bakyabazinga 16:1

Mu mwaka ogweikumi n'omusanvu nga kyabazinga Peka mutabane wa Remalia n'afuga Isiraeli, Ahazi mutabane wa Yothamu yaafuuka kyabazinga wa Buyudaaya.

2 Bakyabazinga 18:1

Mu mwaka ogwokusatu nga kyabazinga Hoshea mutabane wa Ela n'afuga Isiraeli, Hezekia mutabane wa Ahazi yaafuuka kyabazinga wa Buyudaaya.

2 Ebyomubyanda 28:1

Ahazi yaafuuka kyabazinga ng'agheza emyaka amakumi abiri egy'obukulu, era yaafugira entangama ya myaka ikumi na mukaaga mu Yerusalemu. Tiyajiiranga ku mpisa nungi edha dhaadha we Daudi, eyakolanga ebituufu Musengwa Katonda we by'asiima.

2 Ebyomubyanda 29:1

Hezekia yafuuka kyabazinga wa Buyudaaya ng'agheza emyaka amakumi abiri n'etaanu egy'obukulu, era yaafugira entangama ya myaka amakumi abiri na mwenda mu Yerusalemu. Inhina nga bamweta Abiya mughala wa Zekaria.

Isaia 1:1

Buno n'obukwenda obugema ku Buyudaaya ni Yerusalemu, Katonda bwe yagha Isaia mutabane wa Amozi mu kubonekerwa. Yabumugha mu kiseera eky'obufuzi bwa bakyabazinga ba Buyudaaya bano: Uzzia, ni Yothamu, ni Ahazi, ni Hezekia. Musengwa Katonda yaakoba ati:

Isaia 1:2

“Iwe eigulu wulira n'iwe ensi tega kutu, muwulirise bye nkoba. Abaana be nalera ni nkuza, bandheemeire.

Isaia 7:1

Mu biseera Ahazi mutabane wa Yothamu era mwidhukulu wa Uzzia bye yafugiramu Buyudaaya, Rezini kyabazinga wa Siria, ni Peka mutabane wa Remalia era kyabazinga wa Isiraeli, baalumba Yerusalemu aye kyabalema okughangula.

Isaia 7:9

Ekibuga ekikulu ekya Isiraeli kiri Samaria, era Peka mutabane wa Remalia ni kyabazinga wa Isiraeli. “‘Bwe muliroba okwikiriza, timuligumiragho ni mukakasibwa.’”

Yeremia 26:18

“Hezekia bwe yali nga ni kyabazinga wa Buyudaaya, omulanzi Mika eyabanga e Moreshethi yakobera abantu ati Musengwa Katonda Afuga Amagye akoba ati, ‘Olusozi Sioni balirulima ng'oti nimiro; ekibuga Yerusalemu kirifuuka mmungo dha bifunfugu, n'olusozi lwonalwona oluliku eisinzizo lwafuuka kibira.’

Hosea 1:1

Buno n'obukwenda Musengwa Katonda bwe yatuma Hosea mutabane wa Beeri, mu biseera bakyabazinga bano bye baafugiramu Buyudaaya: Uzzia, Yothamu, Ahazi, ni Hezekia. Era ni mu biseera kyabazinga Yeroboamu mutabane wa Yehoashi bye yafugiramu Isiraeli.

Hosea 4:15

Waire nga imwe Abaisiraeli timuli beesigwa ye ndi, Abayudaaya bagwananga baaloba kugwa mu nsobi eyo. Mutajanga kusinziza mu Giligali waire okusinziza mu Bethaveni. Era mutalayiranga muti, ‘Nga Musengwa Katonda bw'ali omulamu.’

Hosea 8:14

Abaisiraeli bazimbye endhu edh'omughendo aye baaneerabira nze eyabatonda. N'ab'omu Buyudaaya bongeire okuzimba ebibuga ebyezungulwirwa ebimante ebigumu. Aye ndisindika omuliro gwayokya ebibuga byaibwe, era gwasaaniagho ebifo byaibwe eby'okwewogomamu.”

Amosi 1:1

Bino n'ebibono bya Amosi, eyali omwayi ow'oku kyalo Tekoa, ng'ekaabulayo emyaka ebiri musisi abite. Mu kiseera ekyo Uzzia yali nga ni kyabazinga ow'e Buyudaaya, ate Yeroboamu mutabane wa Yehoashi, yaaba nga n'owa Isiraeli. Katonda yayoleka Amosi ebintu bino byonabyona ebyali bija okuba ku Isiraeli.

Amosi 6:1

Mukagwireku imwe abali obukalamu mu Sioni! Mukagwireku imwe abawulira emiraala nga muli eyo ku nsozi edh'e Samaria imwe abantu ab'ebitiisa mu ighanga eikologho ery'Abaisiraeli, imwe Abaisiraeli boonaboona ye baidha okunoonia obuyambi.

Mika 1:5

Ebyo bija kubaagho olw'okuba Abaisiraeli baaloba okugondera amateeka ga Musengwa Katonda, baayonoona. Mukoba muti ogwo musango gw'ani? Musango gwa Samaria ekibuga ekikulu kyene! Era mulowooza muti naani avuunaanibwa olw'Abayudaaya okusinza ebitali Katonda? Ti ni Yerusalemu ekibuga ekikulu kyene!

Mika 3:9

Imwe abakulu ab'ebikunsu mu Isiraeli muwulire bino: mukyagha okukola ebituufu, era ebikolwa ebyandibaire ebirungi mwabifuulania byaba bibi.

Habakkuku 1:1

Buno n'obukwenda bwa Katonda omulanzi Habakkuku bwe yafuna mu kwolekebwa.

2 Petero 1:21

kuba ghazira mulanzi yalangaku ku bubwe yenka. Abalanzi baayogeranga ebiva ye Katonda nga Mwoyo Mutukuvu n'aboogeza.