Matayo 1:3 - Baibuli Ekibono kya Katonda 2014

³ Yuda yazaala Perezi ni Zera mu Tamari Perezi yaazaala Hezironi, Hezironi yaazaala Ramu.

Matayo 1:3 Iomraidhean Croise

Amainhama 38:11

Yuda yaakoba Tamari mukaamwana ati: “Irayo mu ndhu ya lata wo, osigale ng'oli namwandu okutuusa mutabane wange Shela lw'alimala okukula.” Yayogera atyo, kuba yatya ati n'oyo yeena aidha kufa ng'oti ni baganda be bwe baafa. Agho Tamari yairayo, yaaba mu ndhu ya ise.

Amainhama 38:6

Nga ghabiseegho entangama, Yuda yaafunira Eri, omwana we omuberi, omukazi nga ayetebwa Tamari.

Amainhama 46:12

Yuda ni batabane be bano: Eri, ni Onani, ni Shela, ni Perezi, ni Zera. Aye Eri ni Onani baafiira mu nsi y'e Kanaani. Batabane ba Perezi baali: Hezironi ni Hamuli.

1 Ebyomubyanda 4:1

Bano n'abandi ku baidhukulu ba Yuda: Perezi, Hezironi, Karumi, Huri, ni Shobali.

1 Ebyomubyanda 9:6

Mu baasimuka mu Zera era nga yeena mutabane wa Yuda, mwalimu Yeueli ni baganda be. Ab'omu kika kya Yuda abo boonaboona aghalala, baali abantu lukaaga na kyenda (690).

Matayo 1:2

Aburahamu yazaala Isaaka, Isaaka yaazaala Yakobo, Yakobo yaazaala Yuda ni baganda be.

Matayo 1:4

Ramu yazaala Amminadabu, Amminadabu yaazaala Nahashoni, Nahashoni yaazaala Salumoni.

Luka 3:33

omwana wa Amminadabu, omwana wa Adimini, omwana wa Arini, omwana wa Hezironi, omwana wa Perezi, omwana wa Yuda