Luka 9:1 - Baibuli Ekibono kya Katonda 2014

¹ Yesu bwe yamala okweta aghalala Eikumi n'Ababiri, yaabagha amaani n'obukumu ku mizimu emibi gyonagyona, n'okuwonianga endwaire.

Luka 9:1 Iomraidhean Croise

Matayo 16:19

Ndikugha ebisumuluzo eby'Obwakyabazinga obw'omu igulu, era kyonakyona ky'olisiba ku nsi nga ni mu igulu kisibiibwa, ate kyonakyona ky'olisimulula ku nsi nga ni mu igulu kisimulwirwa.’ ”

Matayo 4:24

Yaawulikika mu Siria mwonamwona baamuleetera boonaboona abaali obubi: abaalwala endwaire edha buli nsambo, n'abaali na buli kibaluma, abaaliku emizimu, n'abasimbu, n'abalema, era yaabawonia.

Matayo 8:9

Nze zeena ndi muntu atwalibwa, ate ndi n'abaisirukale be ntwala. Era bwe nkoba ono nti, ‘Ja,’ aja n'owundi nti, ‘Idha,’ aidha n'omwiru wange nti, ‘Kola kino,’ akikola.”

Luka 10:1

Ebyo olwawa, Musengwa yaalonda nsanvu na babiri, yaabatuma babiri babiri bamwembereremu mu buli kibuga, ni mu buli kifo mwe yali aja okuja.

Luka 10:19

Muboine! Nabagha obukumu okuniinirira emisota ni siga, n'okughangula amaani goonagoona ag'omuzigu. Ghazira kintu kyonakyona kiribakola kabi.

Yoanne 14:12

Bwenebwene ka mbakobere: andhikiriza alikola bye nkola ate alikola n'ebisinga agho, kuba nze ndi kuja ye Lata.

Ebikolwa by'Abatume 1:8

Aye mulifuna amaani Mwoyo Mutukuvu lw'alibaidhaku, mwaba badhulizi bange mu Yerusalemu, ni mu Buyudaaya mwonamwona, ni mu Samaria, n'okutuusa ensi y'ekoma.”

Ebikolwa by'Abatume 3:16

Ate olw'okwikiriza, eriina lye kye liviire liwonia ono ye mubona era ye mwidhi. Okwikiriza oyo, n'okumughaire okuwonera irala nga mwenamwena bwe mubona.

Ebikolwa by'Abatume 4:30

Golola omukono gwo owonie, era obumanhiso n'ebyewuunhio bikolebwe mu liina lya Yesu Omugheereza wo omutukuvu.”

Ebikolwa by'Abatume 9:34

Petero yaamukoba ati: “Ayenea, Yesu Kurisito akuwonia. Situka ogoloze obuliri bwo.” Mangu ago, Ayenea yaasituka.