Luka 7:41 - Baibuli Ekibono kya Katonda 2014

⁴¹ Yesu yatoolera ati: “Ghaaligho eyali ni b'abandha babiri mulala ng'amubandha dinari ebikumi bitaanu, ate owundi makumi ataanu.

Luka 7:41 Iomraidhean Croise

Isaia 50:1

Musengwa Katonda era akoba ati: “Imwe abantu bange mulowooza muti nababinga, ng'oti n'omusaadha bw'abinga mukazi we? Bwe kiba kityo, memale embaluwa ey'okubabinga eri gha? Oba, mulowooza muti nabatunda mube bairu ng'oti n'omuntu bw'atunda abaana be? Aye naani eyali ammandha memale mmubaguze? Busa naire, mwatwalibwa mu bwiru lwa bibi byaimwe, era ebyonoono byaimwe n'ebyababinza.

Yeremia 3:11

Agho Musengwa Katonda yankoba ati: “Waire nga Abaisiraeli tibaali beesigwa ye ndi, aye beeyoleike ng'omusango ogwaibwe mutono ku gw'Abayudaaya abo abaguya.

Okubala 27:3

“Lata waife yafiira mu irungu nga tazaireeku mwana mulenzi. Aye tiyeeyimbaku n'abo abeekungaania ni batakania Musengwa Katonda ghalala ni Kora. Mwene yafa lwa kibi kye kindi.

Matayo 18:28

“Aye omugheereza oyo bwe yali afuluma yaayagaana mugheereza mwine ye yali abandha dinari kikumi. Yaamugema, yaamugwa mu mamiro nga bw'amukoba ati, ‘Nsasula eibandha lyange.’

Matayo 6:12

Tusonighe ebibi byaife, nga bwe tusonigha abatukola ebibi.

Mariko 6:37

Yesu yaabakoba ati: “Imwe mubaghe balye.” Baamukoba bati: “Tuje tugule emigaati egy'edinari ebikumi ebibiri (200) tubaghe balye!”

Luka 11:4

Tusonighe ebibi byaife kuba ife beene tusonigha buli atukola obubi, era otatutwala mu kulebwa.’ ”

Luka 12:48

Aye oyo ataidhi, bw'akola ekimugwaniza okukubwa, alikubwa mitontono. Buli eyagheebwa ebingi era alibuuzibwa bingi era oyo eyateresebwa ebingi, alisingagho okubuuzibwa.”

Luka 13:4

“Oba abo eikumi n'omunaana, omunaala ogw'e Siloamu be gwagwaku ni gubaita. Mulowooza muti baali boonooni okusinga abantu boonaboona abaabanga mu Yerusalemu?

Luka 7:40

Agho Yesu yaamukoba ati: “Simoni, ndi ni kye nkukoba.” Simoni yaakoba ati: “Mwegeresa, yogera.”

Luka 7:47

Kale ka nkukobere, ebibi bye kamaala bisoniyiibwa kuba alaze okugonza kunene. Ole asoniyibwa ebitono aba n'okugonza kutono.”

Ab'e Roma 3:23

boonaboona baayonoona, baalemwa okutuuka ku kitiisa Katonda kye yabategekera.

Ab'e Roma 5:20

Amateeka gaidha ekibi kyeyongere. Aye ekibi ye kyakoma okweyongera, n'ekisa kya Katonda ye kyakoma okweyongera.