Luka 7:12 - Baibuli Ekibono kya Katonda 2014

¹² Bwe yali ng'ali kumpi okutuuka ku mulyango ogw'ekibuga, ghaabaagho omulambo gwe baali bafulumya. Omufu yali nga yazaalibwa mulala ati ku inhina, ate ng'ono yali namwandu era abantu ab'ekibuga abaaligho baali kamaala.

Luka 7:12 Iomraidhean Croise

Amainhama 22:12

Yaamukoba ati: “Otaita mwisuka oyo oba okumukolaku akabi koonakoona. Mpegaano ntegeire ng'otya Katonda, kuba toonhimye mwana wo omulala bedengedenge.”

Amainhama 22:2

Katonda yaamukoba ati: “Twala Isaaka omwana wo omulala ati bedengedenge era y'ogonza, oje mu nsi ey'e Moria. Eyo y'oidha okumugheerayo ng'ekigheebwayo ekyokebwa ku lusozi lwe ndikulaga.”

2 Samueli 14:7

Mperaano ab'endhu ya iseibwe boonaboona bantanwireku olutalo, nze omwiru wo omukazi, nga bakoba bati, ‘Tughe omusaadha oyo eyaita muganda we tumwite, twesasuuze olwa muganda we ye yaita.’ Bwe bakola ekyo, banaaba nga bazikiriiza n'eyandibaire omusika yeena. Olwo nze bandeke nga nziraku mwana, era bazikirize baze abuleku yaawoniagho naire, eriina lye balisaaniegho ku nsi.”

1 Bakyabazinga 17:12

Omukazi yaakoba ati: “Ndayira mu Musengwa Katonda wo omulamu, nti bwenebwene nzira mere, okutoolaku omuganda ogw'obuwunga bw'engaano mu kaibo, n'otuzigo mu kadoome. Era mpegaano ndi kulondereza ku buku, nje eka, neefumbire akamere ako, nze n'omwana wange tukalye, memale tumale tufe endhala.”

1 Bakyabazinga 17:18

Agho omukazi yaakoba Eliya ati: “Ondiku nzigu yaaki, iwe omuntu wa Katonda? Waidha ghano kwidhusa Katonda bibi byange, na kwitisa mwana wange?”

1 Bakyabazinga 17:23

Agho Eliya yaagema omwana yaamutoola mu kisenge ekya ghaigulu mu kalina, yaamutwala yaamugha inhina, ng'akoba ati: “Omwana wo wuuno mulamu.”

1 Bakyabazinga 17:9

“Situka oje e Zarefathi eky'omu Sidoni, obe eyo. Ndagiire namwandu okukughanga eby'okulya eyo.”

2 Bakyabazinga 4:16

Elisha yaamukoba ati: “Mu kiseera nga kino omwaka ogwidha, oliba olera omwana owuwo omulenzi.” Omukazi yairamu ati: “Busa, musengwa wange, iwe oli muntu wa Katonda, otanguyaguya nze omugheereza wo.”

2 Bakyabazinga 4:20

Omugheereza yaamubbeeda, yaamutwala ye inhina. Inhina yaamulera. Bwe bwatuuka mu kasana ghagati, omwana yaafa.

Yobu 29:13

Be nawonianga okufa bansabiranga nkabi. Banamwandu bye nabakoleranga byabasangaazanga inho, baakuba emizira.

Zekaria 12:10

“Era ndita mu baidhukulu ba Daudi ni mu bantu ab'omu Yerusalemu abandi boonaboona, omwoyo omusaasizi era ogwenda einho okusinza. Kale bwe baliringa ku ole ye baafumita, balimulira ng'oti n'omuntu alira omwana we y'abaire naye yenka ati. Baliwowoola ng'oti n'omuntu alira omwana we omuberi.

Luka 7:11

Olwatuuka, ku lunaku olwairirira, Yesu yaaja mu kibuga ekyetebwa Naini. Abeegeresebwa be baaja naye n'eikuukuubira ery'abantu kamaala.

Luka 7:13

Musengwa bwe yamubona yaamusaasira, yaamukoba ati: “Otalira.”

Luka 8:42

Kuba mughala we omulala bedengedenge, eyali ow'emyaka eikumi n'ebiri yali ali kufa. Bwe yali aja abantu kamaala baamwenhigirizaaku.

Luka 8:52

Boonaboona abaaligho, baali mu kulira na kugegenga. Aye yaabakoba ati: “Mutalira, tafiire aye atendwike!”

Yoanne 11:19

Era Abayudaaya kamaala baali baidhie okubona Maritha ni Maria n'okubasaasira olw'okufiirwa mwanhinaibwe.

Ebikolwa by'Abatume 9:39

Agho Petero yaasituka yaaja nabo. Bwe yatuuka baamutwala mu kisenge ekya ghaigulu. Banamwandu boonaboona baayemerera gh'ali nga balira era nga bwe bamulaga ebivaalo n'engoye edhindi Dorukasi bye yakola ng'akaali mulamu.

Ebikolwa by'Abatume 9:41

Petero yaamugema ku mukono yaamwemereza. Agho yaayeta abaikiriza ni banamwandu yaamubalaga nga mulamu.

Yakobo 1:27

Okwikiriza okutuufu era okuziramu buguya mu maiso ga Katonda Lata ni kuno: okulabirira bamulekwa, ni banamwandu, n'okwekuuma obutoonoonebwa nsi eno.