Luka 6:6 - Baibuli Ekibono kya Katonda 2014

⁶ Ku lwa Sabbato olundi, Yesu yangira mu sinagoga okwegeresa. Omwo mwalimu omuntu ng'omukono gwe omusaadha gwaniala.

Luka 6:6 Iomraidhean Croise

Yoanne 5:3

Mu bigangu bino n'omwali olukunkumuli lw'abalwaire aba buli nsambo abatulu, abalema n'abagogomu [nga balindirira amaadhi okwetaabuula.

Luka 4:31

Agho yaaserengeta e Kaperinaumu, ekibuga eky'omu Galilaaya era yaabeegeresa ku lwa Sabbato.

Luka 4:16

Yaatuuka e Nazarethi ye yakulira, ku Sabbato yangira mu sinagoga nga bwe yali amanhiriire, yaasituka okusoma.

Matayo 4:23

Agho Yesu yeezungulula Galilaaya yoonayoona, ng'ayegeresa mu sinagoga dhaibwe, era ng'abakobera Amawulire Amalungi ag'Obwakyabazinga yaawonia buli bulwaire na buli bugodhe mu bantu.

Yoanne 9:16

Abafarisaayo abandi baakoba bati: “Omusaadha oyo ti wa Katonda, kuba tagondera mateeka ga Sabbato.” Aye abandi baakoba bati: “Omuntu omukozi ow'ebibi aghanga atya okukola ebyewuunhio oti ni bino?”

Luka 14:3

Yesu yaabuuza Abeegeresa b'Amateeka n'Abafarisaayo ati: “Kiikirizibwa okuwonia ku lwa Sabbato oba bbe?”

Luka 13:10

Bwe yali ali kwegeresa mu sinagoga ndala, ku Sabbato,

Luka 6:1

Olwatuuka Yesu yaabita mu musiri ogw'engaano ku lwa Sabbato. Abeegeresebwa be baanoga ku ngaano baagikunhira mu ngalo dhaibwe baalya.

1 Bakyabazinga 13:4

Agho kyabazinga Yeroboamu bwe yawulira ebyo omulanzi bye yayogera ng'avumirira alutaari mu Betheli, yaagalula omukono ghe yali gh'alutaari, yaamusonkaku ng'akoba ati: “Mumugeme!” Amangu ago omukono ogwo gwakadambala nga taghanga kugwiza.

Zekaria 11:17

Akagwireku omwayi w'entaama oyo azira ky'agasa naire, alekulira obwagho ekisibo! Olutalo lugwananga lwamukuba yaava mu buyinza yaagwira irala. Era omukono gwamuniala n'eriiso lye ery'oku mukono omusaadha lyamutulughala.”

Luka 6:5

Yaabakoba ati: “Omwana w'Omuntu n'afuga Sabbato.”