Luka 5:8 - Baibuli Ekibono kya Katonda 2014

⁸ Simoni Petero bwe yabona atyo yaagwa ku bikiryaivu bya Yesu yaamukoba ati: “Musengwa ndeka kuba nze ndi mwonooni!”

Luka 5:8 Iomraidhean Croise

2 Samueli 6:9

Daudi yaatya inho Musengwa Katonda ku lunaku olwo, yaakoba ati: “Nnaasobola ntya okutwala Sanduuku ya Musengwa Katonda eno ey'Endagaano?”

1 Bakyabazinga 17:18

Agho omukazi yaakoba Eliya ati: “Ondiku nzigu yaaki, iwe omuntu wa Katonda? Waidha ghano kwidhusa Katonda bibi byange, na kwitisa mwana wange?”

Yobu 40:4

“Nze bwendi era bwendi, nnaakwiramu ntya? Ka ngeme bwa ku munwa, nsirike busirike.

Okuvaayo 20:19

Baakoba Musa bati: “Iwe yogera n'ife twidha kuwulira, aye Katonda atayogera n'ife, kuba tusobola okufa.”

Isaia 6:5

Naakoba nti: “Nkagwireku era nfiire nze, kuba kiisi kye ndhogera tiikirongoofu, era n'abantu be ndimu bye boogera tiibirongoofu. Aye ate nze mwene mboine Kyabazinga Musengwa Katonda Afuga Amagye.”

Matayo 17:6

Abeegeresebwa olwawulira ekyo, baatya inho, era beeyala ghansi nga beefundiike.

Matayo 2:11

Agho baingira mu ndhu, baabona omwana ghalala n'inhina Maria, beeyala ku itaka baamusinza era baasibulula ebitereke byaibwe baamugha ebirabo: Zaabu, obubbaani ni mirra.

Matayo 8:8

Omukulu ow'ekikunsu eky'abaisirukale yairamu ati: “Musengwa, tigwanira iwe kwingira mu ndhu yange, aye yogera bwogere kibono omugheereza wange aidha kuwona.

Luka 5:7

Baaghemya bavubi banaibwe ab'eryato erindi baidhe bababeereku. Baidha baidhuza amaato gombi gaayenda na kudimira.

Luka 5:9

Kuba Petero ni boonaboona be yali nabo baali mu kwewuunhia kungi olw'ebyenhandha kamaala bityo bye baagemya.

Yoanne 11:32

Maria yaatuuka Yesu ghe yali era olwamubona ati yaakuba amakiryaivu gha bigere bye yaamukoba ati: “Musengwa, nguli wali ghano mwanhinaze tiyandifiire!”

1 Ab'e Korintho 13:12

Mperaano tubonera mu mbonerwamu, twaloba kubona bukalamu. Aye ku lule tulibonagana maiso ku maiso. Mperaano ndidhiku kitundu butundu, aye ku lule ndimanhira irala mu bwidhuvu, era oti ni Katonda bw'andidhi.

Okwolekebwa 1:17

Bwe namubona neeyala gha bigere bye nga ndi ng'oti n'afiire. Aye yangemaku n'omukono gwe omusaadha, yankoba ati: “Totya, ninze entoolo era enkomerero

Abalamuzi 13:22

Manoa yaakoba mukazi we ati: “Bwenebwene twidha kufa, kuba tuboine Katonda!”

1 Samueli 6:20

Agho abantu ab'e Bethi Shemeshi baakoba bati: “Naani aghanga okuba mu maiso ga Musengwa Katonda ono omutukuvu? Era anaaja w'ani atuveeku?”