Luka 5:5 - Baibuli Ekibono kya Katonda 2014

⁵ Simoni yaamwiramu ati: “Musengwa twafaabiikaine obwire bwonabwona ghazira kye twagemiisa. Aye olw'ekibono kyo ndidha kutega obutimba.”

Luka 5:5 Iomraidhean Croise

Ezekieli 47:10

Abavubi baliba ku mbali okw'omwiga ogwo, okuva mu kiketezo ekyetebwa Engedi okutuukira irala ku kyetebwa Enegulaimu. Balyanikanga okwo obutimba bwaibwe bwakala. Era ebyenhandha biriba eyo bya bika kamaala ng'oti n'ebiri mu Nhandha Eyaghagati.

Luka 17:13

baaleekaana bati: “Yesu Musengwa, tusaasire.”

Luka 8:24

Baaseeta ghe yali baamuzuusa baamukoba bati: “Mwegeresa, Mwegeresa, tuli kusaanagho!” Aye bwe yazuuka, yaakaabukira kiwunga n'amaadhi agaali gatabwike byalekera era kyaba mulaala.

Luka 8:45

Yesu yaabuuza ati: “Naani angemyeku?” Boonaboona bwe beegaana, Petero yaamukoba ati: “Mwegeresa, eikuukuubira ery'abantu likwetooloire era bali kukwenhigirizaaku.”

Luka 9:33

Agho abasaadha bwe baava aghali Yesu, Petero yaamukoba ati: “Musengwa, tulongoire twaba ghano, era ka tuseemente entindi isatu: eyiyo, eya Musa, n'eya Eliya.” Yali taidhi ky'ali kukoba.

Luka 9:49

Agho Yoanne yaamwiramu ati: “Mwegeresa, twabona omuntu ng'ali kubinga emizimu emibi mu liina lyo era twamulobera, kuba ti mwegeresebwa wo ng'oti niife.”

Yoanne 15:14

Bwe mukola bye mbalagira muba bakagwa bange.

Yoanne 2:5

Aye inhina yaakoba abagheereza ati: “Ky'abakoba kyonakyona kye mube mukole.”

Yoanne 21:3

Simoni Petero yaabakoba ati: “Nja kuvuba.” Bale baamwiramu bati: “Twena ka tuje n'iwe.” Olwo baaniina mu lyato baaja. Aye obwire obwo ghazira kye baagemya.