Luka 5:12 - Baibuli Ekibono kya Katonda 2014

¹² Olwatuuka Yesu bwe yali ali mu kibuga kirala, ghaabaagho omusaadha nga alwaire endwaire ey'ebigenge. Bwe yabona Yesu, yeeyala ku itaka, yaamweghemba ng'akoba ati: “Musengwa, bw'oyenda, oghanga okumponia.”

Luka 5:12 Iomraidhean Croise

Amainhama 18:14

Ghaligho ekintu ekikalangufu einho Musengwa Katonda ky'atasobola? Nga bwe nkukobye, omwaka ogwidha mu biseera bino, ndikukyalira kabiri era mukazi wo Sara aliba ng'azaire omwana mulenzi.”

1 Bakyabazinga 18:39

Abantu boonaboona bwe baabona ekyo, baakuba amakiryaivu era baakutama n'ebyeni bya tuuka ku itaka. Baakoba bati: “Musengwa Katonda ni Katonda! Musengwa Katonda ni Katonda!”

2 Bakyabazinga 5:1

Agho olwatuuka ghaabaagho omusaadha nga ni Naamani, eyali omuduumizi w'eigye lya kyabazinga wa Siria. Naamani oyo yali muntu wa kitiibwa era ng'asiimibwa inho musengwa we, kuba olwa Naamani oyo, Musengwa Katonda yagha Siria obughanguzi. Naamani yali musaadha wa maani aziramu ntete naire, aye yali n'endwaire ey'ebigenge.

2 Bakyabazinga 5:27

Kale ni endwaire ey'ebigenge eya Naamani eidha kukugema, era egemenga n'ab'eizaire lyo ebyanda n'ebyanda.” Gehazi yaja okuva aghaali Elisha ng'ali n'endwaire ey'ebigenge, nga mweru ng'oti mugozi.

2 Bakyabazinga 7:3

Agho ghaabaagho abasaadha bana abali n'endwaire ey'ebigenge nga bali kuliya kw'omulyango ogwingira mu kibuga Samaria. Beekobaana beene na beene bati: “Lwaki tuli kutyama obwa ghano okutuusa lwe tunaafa?

1 Ebyomubyanda 21:16

Daudi yaja okulinga ati, ng'abona malaika wa Musengwa Katonda ayemereire ghagati gh'ensi n'eigulu, ng'asowoire empiima mu kiruutu kyayo yaagigema mu ngalo, era yaagigololera ku Yerusalemu. Agho Daudi n'abakulembeze b'abantu, baakuba amakiryaivu era baakutama n'ebyeni byatuuka ku itaka, nga bavaire ekutiya olw'okunakughala.

Zabbuli 50:15

Munsabenga nga muli mu bizibu, ndidhanga kubawonia, imwe muntengamu ekitiisa.”

Zabbuli 91:15

Bw'anandhetanga ndidha kumuvugiranga; ndidha kubanga ghalala naye mu buli kizibu. Mmuwonienga ebimunhigiriza, era mmugheesenga ekitiisa.

Okuvaayo 4:6

Kabiri Musengwa Katonda yaamukoba ati: “Ingiza omukono gwo mu kanzu yo.” Era Musa yaakola atyo. Yaja okugutoolamu nga gwidhieku ebigenge era nga gweruukiriire ng'oti mugozi.

Abalevi 13:16

Aye omubiri ogwesazesaze bwe gunaawonanga ni ghairagho obweruukirivu, omuntu oyo anaajanga eri kabona,

Abalevi 9:24

Amangu ago Musengwa Katonda yaasindika omuliro, gwayokya ekigheebwayo ekyokebwa era n'amasavu ku alutaari. Abantu bwe baagubona, boonaboona baawowoigana, baakutama n'ebyeni byatuuka ku itaka.

Matayo 26:6

Agho Yesu bwe yali e Bethania mu ndhu ya Simoni eyali n'endwaire ey'ebigenge,

Matayo 9:28

Yesu bwe yatuuka mu ndhu abatulu baaseeta gh'ali, era yaabakoba ati: “Mwikiriza nga nsobola okubawonia?” Baamukoba bati: “Yii, Musengwa!”

Mariko 5:23

yaamweghemba inho ati: “Mughala wange ali kumpi kufa, idha omugemeku awone, abe mulamu.”

Luka 17:16

era yaatuuka yeeyala ku itaka agho gha bigere bya Yesu nga yeeyanza. Era ono yali Musamaria.

Luka 5:13

Yesu yaagolola omukono yaamugemaku yaakoba ati: “Nhenda, wona!” Era mangu ago ng'endwaire ey'ebigenge emuleka.

Amateeka Agokubiri 24:8

“Bwe munaalwalanga endwaire ey'ebigenge, mwidha kwegenderezanga okubona nga mutuukiriza byonabyona bakabona Abalevi bye babakoba. Bye nalagira bakabona abo bye mube mujiirengaku.

Abaheburayi 7:25

Era olw'ensonga eno, kyava asobola okulokolera irala ekiseera kyonakyona abo abaidha ye Katonda nga babita mu mwene, kuba mulamu enaku dhoonadhoona okuboogererayo.

Yoshua 5:14

Omusaadha yaamwiramu ati: “Busa. Ndi ghano ng'aduumira eigye lya Musengwa Katonda.” Yoshua yeeyala ghansi, nga bw'amukoba ati: “Nze ndi mugheereza wo, ky'onankoba kye naakola.”