Luka 3:11 - Baibuli Ekibono kya Katonda 2014

¹¹ Yaabairamu ati: “Ali n'ebivaalo ebibiri agheeku azira, n'oyo ali n'emere yeena akole n'ekirala.”

Luka 3:11 Iomraidhean Croise

Ezekieli 18:7

Atafufunkiriza muntu yeenayeena, era atanhaga kintu kyonakyona ku muntu. Airiza eyamwewolaku omusingo gwe, n'agha omuyala eky'okulya, era n'agha ali amadu eky'okuvaala.

Danieli 4:27

Agho ni, Isebantu kyabazinga, ganha amagezi ge nja okukugha: Lekera okukola ebibi okole ebituufu, era olekere okwonoona oyoleke okusaasira eri abo abanhigirizibwa. Oba katyo, olwo ebintu binaakujiiranga bukalamu.”

Matayo 25:40

“Agho Kyabazinga alibairamu ati, ‘Bwenebwene ka mbakobere buli kye mwakolera omulala ati ku baganda bange bano abato, mwakikolera nze.’

Luka 11:41

Ebiri munda mubigabirenga abaavu, era agho byonabyona lwe binaabanga ebirongoofu.

Luka 18:22

Yesu bwe yawulira ekyo yaamukoba ati: “Okaabuzaayo ekintu kirala. Ja otoole by'oli nabyo byonabyona ogabire abaavu, eby'obukombe oliba nabyo mu igulu era oidhe obitenga ninze.”

Luka 19:8

Agho Zakkayo yaayemerera yaakoba Musengwa ati: “Musengwa, ndidha kwawulamu ghagati ebintu byange, ekitundu ekindi nkigabire abaavu era oba nga ghaligho omuntu yeenayeena ye nakupankupaniaku ekikye kyonakyona, ndidha kukimuliyira emikuzi ena.”

Yoanne 13:29

Abandi baali badhuuba bati engeri Yuda ye yali omugemi w'endyanga, Yesu yali ali kumukoba kuja kugula bye beetaaga ku kibinuko, oba kubaaku ni ky'agha abaavu.

Ebikolwa by'Abatume 10:2

Yali muntu wa idiini era nga mwene n'ab'omu maka ge baisa mu Katonda ekitiisa. Yaghanga abantu obuyambi kamaala era nga talekera kusaba Katonda.

Ebikolwa by'Abatume 10:31

Era yankoba ati, ‘Korunelio, Katonda awuliire okusaba kwo era aidhukiire n'okugaba kwo.

Ebikolwa by'Abatume 10:4

Korunelio yaamulingirira era ng'atya, yaamukoba ati: “Musengwa, kiki?” Malaika yaamwiramu ati: “Katonda aidhukiire okusaba kwo n'okutona kwo.

Ab'Efeso 4:28

Abaire aiba akange agho, aye afube kukola ng'akozesa emikono gye asobole n'okugabiraku abaavu.

1 Timotheo 6:17

Labula abakombe ab'oku nsi kuno, balobe kweghanika, waire okwesiga obukombe obutali bwa lubeerera, aye beesige Katonda atugha byonabyona ebitusangaaza.

1 Timotheo 6:18

Bagwaine okukola obulungi, babe bakombe mu bikolwa ebirungi, aby'ekisa era eby'obugabi.

Abaheburayi 6:10

Kuba Katonda ti n'omubi einho okusobola okwerabira omulimo gwe mwakola, n'okugonza kwe mwayoleka mu buyambi bwe mwagha, era bwe mukaagha abatuukirivu ni ye buli eno.

Yakobo 1:27

Okwikiriza okutuufu era okuziramu buguya mu maiso ga Katonda Lata ni kuno: okulabirira bamulekwa, ni banamwandu, n'okwekuuma obutoonoonebwa nsi eno.

Yakobo 2:14

Aboluganda, kiganhula ki omuntu okukoba ati ali n'okwikiriza ng'ate ebikolwa bye tibyoleka kwikiriza okwo? Okwikiriza kwe okwo kughanga okumulokola?

1 Yoanne 3:17

Omuntu yeenayeena ali n'ebirungi eby'omu nsi muno n'abona muganda we ng'ali mu bwetaavu aye n'atamulumirwa naire, okugonza kwa Katonda kusobola kutya okuba mu muntu oyo?

1 Yoanne 4:20

Omuntu yeenayeena bw'akoba ati agonza Katonda ate ng'akyagha muganda we, aba muguya kuba atagonza muganda we y'abonaku taghanga kugonza Katonda y'atabonangaku.