Luka 23:2 - Baibuli Ekibono kya Katonda 2014

² Baatoolera okumughaghabira bati: “Ono twamwagaana ng'akiidhamya abantu b'eighanga lyaife ng'abakoba obutaghanga Kaisari musolo, era nga yeeyeta Kurisito, ekitegeeza kiti Kyabazinga.”

Luka 23:2 Iomraidhean Croise

1 Bakyabazinga 18:17

Ahabu bwe yabona Eliya, yaamukoba ati: “Bwenebwene obwo niiwe otabulatabula Isiraeli?”

Zabbuli 35:11

Abadhulizi abaguya basituka bampaama ebintu bye ntaidhiiku naire.

Zabbuli 62:4

Kye mutegeka kyonka, n'okumusuula ave mu kitiibwa kye; mwenda inho okuguya. Ghano ku munwa mwogera ng'oti mumwendeza nkabi, ate nga munda mule muli kumukolimira.

Yeremia 20:10

Mpulira nga boonaboona boogera obwama bati: “Entiisa egemye buli ghantu. Ka tumwogereku bubi, tumuseeghe mu b'obuyinza!” Bakagwa bange beene n'abakoba batyo, nga baguniriire okubona bwe ngwa. Era nga bakoba bati: “Oba katyo tunaamusalira amagezi twamugemya, olwo twamwesasulizaaku.”

Yeremia 38:4

Agho abakungu baaja ye kyabazinga, baamukoba bati: “Omusaadha ono bamwite bwite, kuba ensambo y'ali kwogeramu emala mu baisirukale amaani abali mu kibuga kino, era n'abantu abandi abakaasigaire mu kibuga kino. Tali kukolerera bulungi bwa bantu bano, aye ali kubaitaitana bwitaitane.”

Amosi 7:10

Agho Amazia kabona ow'e Betheli yaagheereza Yeroboamu, kyabazinga wa Isiraeli obukwenda nga bukoba buti: “Isebantu kyabazinga, Amosi ng'ali ghano mu bwakyabazinga bwo bwene, ali kukola entegeka edh'okubumalagho. By'ali kukoba bija kutabulatabula abantu ab'omu bwakyabazinga buno.

Zekaria 11:8

Ghaabaagho abaayi basatu abankyagha ni bandeetera okubeesinwa. Kale naababinga mu mwezi mulala guti.

Matayo 17:27

Aye obutabanhiiza ja osuule eirobo mu nhandha, era ekyenhandha ky'onaagemya okusooka okitoole okyasamye omunwa. Oidha kwagaanamu empiiya ndala ogitoole ogibaghe, weesasulire era osasulire ninze.”

Matayo 22:21

Baakoba bati: “Bya Kaisari.” Agho yaabakoba ati: “Kale ni ebya Kaisari mubiirize Kaisari n'ebya Katonda mubiirize Katonda.”

Matayo 27:11

Agho Yesu yaayemerera mu maiso ag'omufuzi, Pilato era Pilato yaamubuuza ati: “Niiwe kyabazinga ow'Abayudaaya?” Yesu yaakoba ati: “Niiwe okyogeire.”

Mariko 12:17

Agho Yesu yaabakoba ati: “Ebya Kaisari mubighe Kaisari n'ebya Katonda mubighe Katonda.” Era baamwewuunhia.

Mariko 15:2

Agho Pilato yaamubuuza ati: “Niiwe kyabazinga ow'Abayudaaya?” Yesu yaamwiramu ati: “Niiwe okyogeire.”

Luka 23:14

Yaabakoba ati: “Mundeeteire omuntu ono nga mukoba muti akiidhamya abantu era bwe mmuwozeisa mu maiso gaimwe, mwena muboine nga ghazira musango gumusinze mu egyo gye mumughaghabiire.

Luka 23:5

Aye beekalangula bati: “Endhegeresa ye yasiikuula ebidhuubo eby'abantu mu Buyudaaya mwonamwona, okuviira irala mu Galilaaya okutuusa bw'atuuse ni ghano.”

Yoanne 18:29

Kale Pilato yaafuluma yaaja ku luya ye baali yaababuuza ati: “Omusaadha ono mumulanga ki?”

Yoanne 18:30

Baamwiramu bati: “Nguli ti mukozi wa bibi titwandimughaireyo y'oli.”

Yoanne 19:12

Pilato bwe yawulira ekyo yaagezaaku okusala amagezi amulekule. Aye Abayudaaya baayongera okwasiikana bati: “Bw'olekula omusaadha oyo nga toli mukagwa wa Kaisari. Yeenayeena eyeefuula kyabazinga atakania Kaisari.”

Ebikolwa by'Abatume 24:13

Waire ni mperaano, tibaghanga kukugha bukakafu bw'ebyo bye bampaghabira.

Ebikolwa by'Abatume 24:5

Omusaadha ono twamubona nga wa kabi, adheemesa Abayudaaya boonaboona abali mu nsi era nga n'omukulembeze ow'ekikunsu ky'Abanazarethi.

Ab'e Roma 13:7

Kale ni boonaboona mubaghenga kye muteekwa okubagha. Asoloza omusolo mugumughenga, asoloza empooza mugimughenga, agwaine okutiibwa mumutyenga, era n'ow'ekitiisa mukimughenga.