Luka 2:41 - Baibuli Ekibono kya Katonda 2014

⁴¹ Buli mwaka, abazaire ba Yesu baajanga e Yerusalemu ku Kibinuko eky'Okubitizibwa.

Luka 2:41 Iomraidhean Croise

Okuvaayo 12:11

Mugiryanga mu bwangu era nga mumaze n'okuvaalira irala ng'abaja mu lugendo, nga muvaire engaito mu bigere, mugemye n'omwigo mu ngalo. Ekyo n'Ekibinuko eky'Okubitizibwa eky'okwebaza nze Musengwa Katonda olw'okubabitiza,

Okuvaayo 12:14

“Olunaku olwo, mwidha kulwidhukiranga era mulukuzenga nga mukola ekibinuko ekyoleka okusiima kwaimwe eri nze Musengwa Katonda. Ense n'ense edhiriiragho dhiri n'okulukuzanga, era kino kiragiro ekiri n'okugonderwa ebyanda n'ebyanda.”

Okuvaayo 34:23

Kiisi musaadha anaabanga n'okwidha okunsinza nze Musengwa Katonda, Katonda owa Isiraeli, mu bibinuko ebyo eby'emikuzi esatu buli mwaka.

Abalevi 23:5

Olw'okubitizibwa kw'Abaisiraeli, lutoolera eigulo ku lunaku olweikumi n'eina, olw'omwezi ogusooka.

Okubala 28:16

“Olunaku olweikumi n'eina olw'omwezi ogusooka, n'olw'okwidhukiriraku nga Musengwa Katonda bweyatubitiza.

Luka 2:42

Bwe yagheza emyaka eikumi n'ebiri egy'obukulu, baniinaniina okuja ku kibinuko, ng'empisa bwe yali.

Yoanne 11:55

Mperaano Ekibinuko eky'Okubitizibwa eky'Abayudaaya kyali kiri kumpi okutuuka. Abantu kamaala baava mu byalo baaja e Yerusalemu okwetukuza ng'Ekibinuko ekyo kikaali kutuuka.

Yoanne 13:1

Mperaano Ekibinuko eky'Okubitizibwa kyali kiri kumpi okutuuka. Yesu yamanha ng'esaawa ye ey'okuva mu nsi okwirayo ye Ise yoona yali etuuse. Bwe yagonza ababe abaali mu nsi yabagonza okutuukiza irala ku nkomerero.

Yoanne 2:13

Ekibinuko eky'Okubitizibwa eky'Abayudaaya nga kiri kumpi okutuuka, Yesu yaaniinaniina e Yerusalemu.

Yoanne 6:4

Ekibinuko eky'Okubitizibwa kyali kiseese kumpi.

Amateeka Agokubiri 12:11

Musengwa Katonda waimwe alirondagho ekifo eky'okumusinzizangamu. Eyo ye munaatwalanga ebyo byonabyona bye mbalagiire: ebigheebwayo byaimwe ebyokebwa, n'emisengo gyaimwe, n'ekintu ekirala kye mughaayo ku buli bintu eikumi bye mufuna, n'ebigheebwayo byaimwe ebindi bye mughaayo, n'ebyo ebigheebwayo olw'okutuukiriza obweyamo bwaimwe ye Musengwa Katonda.

Amateeka Agokubiri 12:18

Aye imwe, ni batabane baimwe, ni baghala baimwe, n'abagheereza baimwe abasaadha n'abakazi, n'Abalevi ababa mu bibuga byaimwe, mwidha kulyanga ebigheebwayo ebyo mu maiso ga Musengwa Katonda waimwe, mu kifo ekyo Musengwa Katonda waimwe oyo ky'aidha okulondagho. Era mwidha kusagambiranga eyo olwa byonabyona bye munaabanga nga mukoze.

Amateeka Agokubiri 16:16

“Abasaadha boonaboona ab'omu ighanga lyaimwe, baidha kujanga basinze Musengwa Katonda waimwe emikuzi esatu mu mwaka, mu kifo ky'aliba ng'alonzeegho okumusinzizangamu. Baidha kukolerangayo ebibinuko bino: eky'Emigaati Egitazimbulukusiibwa, eky'Amakungula, n'eky'Entindi. Era tibaidhenga mu maiso ga Musengwa Katonda nga bazira kye baleese.

1 Samueli 1:21

Agho Elukana oyo yaaja kabiri n'ab'endhu ye okughaayo eri Musengwa Katonda omusengo ogwa buli mwaka, era n'okutuukiriza kye yeeyama.

1 Samueli 1:3

Buli mwaka Elukana yavanga mu kibuga ky'ewaibwe, yaaja e Shilo okusinza n'okughaayo emisengo eri Musengwa Katonda Afuga Amagye. Eyo n'eyali batabane ba Eli ababiri, Hofuni ni Finehasi, abaali bakabona ba Musengwa Katonda.