Luka 2:4 - Baibuli Ekibono kya Katonda 2014

⁴ Yosefu yeena yaava mu kyalo Nazarethi eky'e Galilaaya yaaniinaniina okuja mu kyalo kya Daudi mu Buyudaaya, ekyetebwa Bethelehemu kuba yali wa kika kya Daudi, era wa ku nda ye.

Luka 2:4 Iomraidhean Croise

Amainhama 35:19

Agho Rakeli yaafa, baamuziika ku mbali okw'engira eja mu Efuratha, ekyo era nga ni Bethelehemu.

Amainhama 48:7

Kino nkikoze olwa inhoko Rakeli: bwe nali nga nva mu Paddani, yafiira ku ngira e Kanaani, nga ghakaasigaireyo entangama okutuuka mu Efurathi. Naamuziika eyo ku mbali kw'engira eja mu Efurathi, ekyo era nga ni Bethelehemu.’ ”

Mika 5:2

Musengwa Katonda akoba ati: “Bethelehemu Efuratha, waire oli katono mu bibuga bya Buyudaaya, nja kukutoolamu omufuzi alifuga Isiraeli, ng'ali ku lulyo olw'abantu ab'eira einho abataja kwerabirwa.”

Matayo 1:20

Aye aba akaalowooza ekyo, malaika wa Musengwa yaamubonekera mu kirooto yaamukoba ati: “Yosefu omwana wa Daudi, otatya kutwala Maria abe mukazi wo, kuba ky'alinda kya Mwoyo Mutukuvu.

Matayo 2:23

Era bwe yatuuka yaatyama mu kibuga ekyetebwa Nazarethi kyatuukirira kityo ekyayogerwa abalanzi kiti: “Alyetebwa Munazarethi.”

Luka 2:3

Abantu boonaboona baaja okughandiikibwa, buli muntu ku kyalo eky'ewaibwe.

Luka 2:5

Yaaja okweghandiisa ni Maria eyali amaze okumwandhula, era ng'ali nda.

Luka 4:16

Yaatuuka e Nazarethi ye yakulira, ku Sabbato yangira mu sinagoga nga bwe yali amanhiriire, yaasituka okusoma.

Yoanne 1:46

Nathanaeli yaamukoba ati: “Ghaligho ekirungi ekighanga okuva e Nazarethi?” Filipo yaamukoba ati: “Idha obone.”

Yoanne 7:42

Ebyaghandiikibwa tibikoba biti Kurisito aja kuba ku baidhukulu ba Daudi? Era biti aja kuzaalibwa Bethelehemu ku butaka bwa Daudi.”

Ruthi 1:19

Baaja batyo bombi okutuusa bwe baatuuka e Bethelehemu. Bwe baatuuka ekibuga kyonakyona kyasuuyirira, ng'abakazi beewuunhia bati: “Ono ni Naomi?”

Ruthi 2:4

Bwe ghaabitaghooku entangama, Boazi mwene yaatuuka ng'ava e Bethelehemu. Yaalamusa abakungula ati: “Musengwa Katonda abe n'imwe.” Baamwiramu bati: “Musengwa Katonda akughe enkabi.”

Ruthi 4:11

Agho abataka abakulu n'abantu abandi abaali mu kifo eky'olwekobaano, agho munda ng'omaze okubita mu mulyango ogwingira mu kibuga, baakoba bati: “Yii, tuli badhulizi. Musengwa Katonda aghe enkabi mukazi wo oyo, abe ng'oti ni Rakeli ni Leeya, abo bombi abaavaamu ekika eky'Abaisiraeli. Musengwa Katonda akughe obukombe mu kika eky'Abaefuratha era obe mumanhifu inho mu Bethelehemu.

Ruthi 4:17

Abakazi ab'oku muliiraano baatuuma omwana eriina Obedi, era baakobera buli muntu bati: “Ruthi azaaliire Naomi omwana omulenzi.” Obedi oyo n'eyazaala Yesse, eyazaala Daudi.

1 Samueli 16:1

Musengwa Katonda yaakoba Samueli ati: “Olituusa li okunakughala, olw'okuba nga nabinga Saulo ku bwakyabazinga bwa Isiraeli? Gema eiyiga lyo ly'otaamu omuzigo ogw'ebibala eby'emiti emyoliva oliidhuze omuzigo, oje. Ndidha kukutuma ewa Yesse Omubethelehemu, kuba nonze owundi ku batabane be okuba kyabazinga.”

1 Samueli 16:4

Samueli yaakola nga Musengwa Katonda bwe yamulagira, yaaja e Bethelehemu. Abakulembeze ab'omu kibuga ekyo baidha okumusangaaza nga badhugumira. Baamubuuza bati: “Oidhie na miraala, oba busa?”

1 Samueli 17:12

Daudi yali mutabane wa Yesse Omuefurathi ow'e Bethelehemu mu Buyudaaya. Yesse oyo yali ni batabane be munaana. Mu biseera bya Saulo, Yesse oyo yali akairiighe inho.

1 Samueli 17:58

Saulo yaamubuuza ati: “Omwisuka iwe, oli mutabane w'ani.” Daudi yaamwiramu ati: “Nze ndi mutabane w'omugheereza wo Yesse Omubethelehemu.”

1 Samueli 20:6

Lata wo bw'anaakizuula nga nziragho, oidha kumukobera oti, ‘Daudi yaneegayiriire mmuganhe aje e Bethelehemu mu kibuga ky'ewaibwe, kuba ab'endhu ya lata we boonaboona baja kughaayo omusengo gwe baghaayo buli mwaka.’