Luka 19:4 - Baibuli Ekibono kya Katonda 2014

⁴ Kale yaalumuka, yaaja emberi, yaaniina omuti omutiini aghange okumubona, kuba eyo n'engira ye yali aja okubitamu.

Luka 19:4 Iomraidhean Croise

1 Bakyabazinga 10:27

Mu biseera bye, feeza yayala mu Yerusalemu, yaaba mungi ng'oti bwa mabaale. N'emivule gyaba mingi ng'oti miti emisikamore egy'omu biketezo eby'omu biiko.

1 Ebyomubyanda 27:28

Baalihanani ow'e Gederi n'eyalabiriranga emiti emyoliva n'emisikamore mu biketezo eby'omu biiko ate Yoashi yaakuliranga amaterekero ge baatangamu omuzigo ogw'ebibala eby'emiti emyoliva

2 Ebyomubyanda 1:15

Mu biseera bye, feeza yayala mu Yerusalemu, yaaba mungi ng'oti bwa mabaale. N'emivule gyaba mingi ng'oti miti emisikamore egy'omu biketezo bya Buyudaaya eby'omu biiko.

2 Ebyomubyanda 9:27

Mu biseera bye, feeza yayala mu Yerusalemu, yaaba mungi ng'oti bwa mabaale. N'emivule gyaba mingi ng'oti miti emisikamore egy'omu biketezo bya Buyudaaya eby'omu biiko.

Zabbuli 78:47

Yazikiriza emizabbibu gyaibwe n'omugozi, era yaazikiriza emitiini gyaibwe emisikamore n'ekiinhogogo.

Isaia 9:10

“Ebizimbe by'amatoofaali bigwire, aye twidha kubizimbisa mabaale geene amabaadhe. Emiti emisikamore bagitemye, aye mu kifo kyagyo twidha kwizaagho mivule gyene.”

Amosi 7:14

Amosi yairamu Amazia ati: “Nze tiri mulanzi akolerera empeera, waire okuba mu lulyo olw'abalanzi. Nze ndi mwayi era omulimi ow'emiti emitiini.

Luka 17:6

Musengwa yaabakoba ati: “Nguli mulikuuku n'okwikiriza okwaga n'akamuuma ka kaladaali, mwandisoboire okukoba omuti ogw'enkenene guno muti, ‘Va ghano weesimbe mu nhandha’ gwabawulira.

Luka 19:3

Yayenda okubona Yesu aye tiyaghanga olw'eikuukuubira ery'abantu ate nga yali musaadha mumpi.

Luka 19:5

Yesu bwe yatuuka mu kifo yaalinga ghaigulu yaamukoba ati: “Zakkayo, yangughaku okwika, kuba olwaleero nteekwa okukukyalira mu maka go.”

Luka 5:19

Aye bwe baalemwa okufuna engeri ey'okumusitula okumwingiza olw'eikuukuubira ery'abantu, baaniina ghaigulu ku ndhu, baatoolaghooku obutegula, baamwisiza agho n'endiri ye, baamuta ghagati mu maiso ga Yesu.