Luka 16:3 - Baibuli Ekibono kya Katonda 2014

³ Omughanika yaakoba mule ati, ‘Nkole ki? Musengwa wange aja kuntoola ku bughanika. Okulima tikusobola, ate okusabiriza kungemya ensoni.

Luka 16:3 Iomraidhean Croise

Ensambo 13:4

Omuntu omugayaavu taghanga kufuna kye yeegomba, aye omukozi einho afuna obukombe kamaala.

Ensambo 15:19

Obulamu obw'omugayaavu bwidhula bizibu, aye obw'omwesimbu buba bukalamu era nga bweyagaza.

Ensambo 18:9

Omugayaavu mu mirimo aba mubi, okwagayaga n'oyo agyonoona.

Ensambo 19:15

Omuntu omugayaavu afuluuta bwa ndoolo ekiseera kyonakyona, era omuntu atayenda kukola yeereetera mwene endhala.

Ensambo 20:4

Omugayaavu bw'aloba okwiruula enimiro ye mu kiseera, alinoonia ky'akungula nga takibona.

Ensambo 29:21

Omuntu ayola obubi omugheereza we okuva mu buto, ku nkomerero yeeyagaana ng'amukikinaireku.

Isaia 10:3

Mulikola mutya ku lunaku Musengwa Katonda lw'alibabonerezaaku, n'abatuusaaku akabi akaliva mu nsi ey'eghala? Mulirumukira y'ani okubayamba? Era mulikweka gha obukombe bwaimwe?

Yeremia 5:31

Abalanzi balanga bya buguya, ni bakabona bafuga nga bajiira ku balanzi bye balagira, n'imwe abantu bange mwena mwaloba kukitakaniaku naire. Aye mulikola ki ng'enkomerero etuuse?”

Hosea 9:5

Mulikola mutya ku nnaku edh'ebibinuko ebyalagirwa, enaku edh'okukuza embaga ya Musengwa Katonda?

Matayo 20:8

Eigulo bwe bweryatuuka, mwene isamba ery'emizabbibu yaakoba omusaadha we akozesa abakozi ati: “Yeta abakozi obasasule enkemba ng'otoolera n'abasembyeyo okwidha, okutuuka ku basoose.”

Mariko 10:46

Agho baatuuka e Yeriko era yaava mu Yeriko ng'ali n'Abeegeresebwa be n'eikuukuubira ery'abantu. Barutimao omutulu, omwana wa Timao, eyali ng'asabiriza yali atyaime agho ku mbali ku ngira.

Luka 12:17

Kyeyava mule ni yeebuuza ati, ‘Nkole ntya, nga nzira ghe nsololeza birime byange?’

Luka 16:2

Kyeyava n'amweta n'amukoba ati, ‘Biki bino bye nkuwuliraku? Kale inhonhola ebigema ku bughanika bwo, kuba tokaaghanga kuba mughanika.’

Luka 16:20

Ghaabaagho omusaadha omwavu eyali aidhwire amabwa ye baayetanga Lazaro, ng'aba agho ku mulyango ogw'omukombe.

Luka 16:22

“Ekiseera kyatuuka, omusaadha omwavu yaafa, bamalaika baamutwala mu kifo Aburahamu mwe yali. Omukombe yeena yaafa, yaaziikibwa.

Luka 16:4

Ntegeire eky'okukola abantu okunsangaalira mu ndhu dhaibwe, bwenaaba nga ntooleibwa ku bughanika.’

Luka 18:4

Omulamuzi yaamala entangama ng'alobye. Aye olumaliira yaakoba mu mwoyo gwe ati, ‘Waire titya Katonda, era ghazira muntu yeenayeena ye ntaamu kinhagansi,

Yoanne 9:8

Ab'oku lulaalo lw'ewaibwe n'abantu abandi abaamubonanga ng'asabiriza, beebuuzagania bati: “Ono ti n'omusaadha eyatyamanga ghale ng'asabiriza?”

Ebikolwa by'Abatume 3:2

Ghaabaagho omusaadha ye baali basitwire, nga mulema okuva lwe yava mu nda ya inhina, era buli lunaku yabanga agho ku mulyango ogw'eisinzizo, ogwetebwa Omulungi, ng'asabiriza empiiya ku bangira mu isinzizo.

Ebikolwa by'Abatume 9:6

Aye situka oje mu kibuga. Eyo ye banaakukoberera ky'ogwaine okukola.”

2 Ab'e Thessalonika 3:11

Kuba tuwulira mbu abandi ku imwe muli bagayaavu abatenda kukola, okutoolaku okwengiza mu bitabagemaku.