Luka 11:4 - Baibuli Ekibono kya Katonda 2014

⁴ Tusonighe ebibi byaife kuba ife beene tusonigha buli atukola obubi, era otatutwala mu kulebwa.’ ”

Luka 11:4 Iomraidhean Croise

Amainhama 48:16

Katonda oyo eyatuma malaika n'amponia mu buli kabi koonakoona, abaghe enkabi. Eriina lyange n'erya dhaadha wange Aburahamu, n'erya lata wange Isaaka, gatuumibwenga mu baana baibwe. Bazaalenga abaana kamaala, era bafune abaidhukulu kamaala inho ku nsi.”

1 Bakyabazinga 8:34

bawulirenga eyo y'oli mu igulu. Era sonighanga ebibi by'abantu bo abo Abaisiraeli, obaizenga mu nsi ye wagha badhaadha baibwe.

1 Bakyabazinga 8:36

bawulirenga eyo y'oli mu igulu. Era sonighanga ebibi by'abagheereza bo, Abaisiraeli abantu bo, obeegeresanga okukola ebituufu. Era gwisanga amaadhi ku nsi yo eno, ye wagha abantu bo okuba omugabo gwaibwe.

Zabbuli 121:7

Musengwa Katonda aja kukuwonianga olobe kugwa mu kabi koonakoona; akukuumenga ng'oli mulamu.

Zabbuli 25:11

Wo Musengwa Katonda, ku lw'obulungi obw'eriina lyo nsonigha ebibi byange, kuba biri kamaala inho.

Zabbuli 25:18

Lingirira okudaazibwadaazibwa kwange n'obuzibu bwe ndimu, onsonighe ebibi byange byonabyona.

Danieli 9:19

Wo Musengwa Katonda, ganha owulire. Wo Musengwa, ganha osonighe. Wo Musengwa Katonda, taayo inho omwoyo okoleregho. Otalwa naire. Tubeere olw'ekitiisa kyo, kuba ekibuga kino kikyo, n'abantu bano babo.”

Hosea 14:2

Mwire eri Musengwa Katonda era okusaba kwaimwe n'okube kufuuke ekigheebwayo kyaimwe kye mumugha, nga mumweghemba muti: “Tusonighe ebibi byaife byonabyona, osanhukire ebyo ebirungi mu ife. Twidha kukusaakanga n'eminwa gyaife.

Matayo 18:35

Atyo ni, Lata wange ali mu igulu bw'alibakola, okutoolaku nga buli muntu asonigha muganda we mu mwoyo gwe.”

Matayo 26:41

Mumoge era musabe mulobe kulebwa kuba omwoyo mumalirivu aye omubiri munafu.”

Luka 11:5

Agho yaabakoba ati: “Naani ku imwe aba ni mukagwa we, aja y'ali mu bwire ghagati n'amukoba ati, ‘Mukagwa, mpolaayo emigaati esatu,

Luka 13:4

“Oba abo eikumi n'omunaana, omunaala ogw'e Siloamu be gwagwaku ni gubaita. Mulowooza muti baali boonooni okusinga abantu boonaboona abaabanga mu Yerusalemu?

Luka 22:46

yaabakoba ati: “Musituke musabe mulobe kulebwa.”

Luka 8:13

Ate eyagwa ku lubaale, n'abantu abawulira ekibono kya Katonda ni bakisangaalira n'eisanhu aye nga bazira mizi baikirizaaku kaseera buseera, aye akaseera ak'okulebwa bwe katuuka nga babivaaku.

Yoanne 17:15

Tiri kukusaba kubatoola mu nsi aye ndi kukusaba obawonie Omubi.

1 Ab'e Korintho 10:13

Ghazira kulebwa kubatuukaku, okutatuuka ku bantu bandi. Aye Katonda tasubagha, taja kuganha kulebwa kwe mutasobola kubatuukaku. Mu kiseera eky'okulebwa aidha kubaghanga amaani ag'okubigumira era n'amagezi ag'okubighangula.

Ab'e Kolosai 3:13

Mutabanga ba ikabyo, buli muntu asonighe mwine bweghabaagho asobiiza. Musonighe oti ni Musengwa bwe yabasonigha.

2 Ab'e Thessalonika 3:3

Aye Musengwa mwesigwa, era alibagumya yaabawonia Omubi.

2 Timotheo 4:18

Era Musengwa oyo aidha kumponia kiisi kibi kyonakyona, antuuse bukalamu mu Bwakyabazinga bwe obw'omu igulu. Agheebwenga ekitiisa ebyanda n'ebyanda. Amiina.

Yakobo 2:13

Mu kusala omusango Katonda taja kusaasira muntu oyo atasaasira ate okusaasira n'okusinga mu kusala emisango.

Okwolekebwa 2:10

Otatya ebyo ebizibu ebiri okumpi okukutuukaku. Bona, Sitaani aidha kusuula abandi ku imwe mu ikomera okubaleba, era mulidaagadaaga okumala enaku ikumi. Weekalangulire mu kwikiriza okutuusa okufa, ndikugha obulamu ng'ekirabo eky'obughanguzi.

Okwolekebwa 3:10

Olw'okuba waguminkiriza mu kudaazibwadaazibwa nga bwe nakulagira, ndidha kukuwonia ekiseera eky'okulebwa ekija okwidhira ensi yoonayoona okuleba abo abali ku nsi.