Luka 11:2 - Baibuli Ekibono kya Katonda 2014

² Yesu yaabakoba ati: “Bwe mubanga musaba mukobanga muti, ‘Lata, Eriina lyo litiibwe, Obwakyabazinga bwo bwidhe.

Luka 11:2 Iomraidhean Croise

1 Bakyabazinga 8:43

wuliranga by'akusaba eyo y'oli mu kifo kyo mu igulu. Olwo abantu boonaboona mu nsi baghange okukumanha era n'okukutya ng'oti n'abantu bo Abaisiraeli bwe bakuwulira. Era bamanhe bati eisinzizo lino lye nzimbye, n'ekifo eky'okukusinzizangamu.

2 Bakyabazinga 19:19

Wo Musengwa Katonda waife, mpegaano ni tukweghemba otuwonie, otutoole mu ngalo edh'Abassiria. Olwo abantu abamaghanga agandi boonaboona baghange okumanha nga iwe, Musengwa Katonda, niiwe Katonda wenka.”

2 Ebyomubyanda 20:6

Yaasaba ati: “Wo Musengwa Katonda, Katonda wa badhaadha baife, iwe oba eyo mu igulu waafuga obwakyabazinga obw'amaghanga goonagoona. Oli n'obuyinza n'amaani, era ghazira asobola kukutakania.

Zabbuli 103:20

Musaake Musengwa Katonda imwe bamalaika be mwenamwena ab'amaani, abawulira ebiragiro bye era abagondera by'akoba.

Zabbuli 108:5

Wo Katonda wange, laga obukulu bwo bubonebwe ghaigulu okusinga eigulu, n'ekitiisa kyo kimaamire ensi yoonayoona.

Zabbuli 11:4

Musengwa Katonda ali mu isinzizo lye eitukuvu, ekityamo kye eky'obwakyabazinga kiri mu igulu. Alingirira abantu, yaabeekebeedha, era yaamanha kye baliku.

Zabbuli 57:11

Wo Katonda wange, yoleka obukulu bwo bubonebwe ghaigulu okusinga eigulu, n'ekitiisa kyo kimaamire ensi yoonayoona.

Omulangirizi 5:2

Toyanguyirizanga kwogera n'osuubiza Katonda kintu, kuba Katonda ali mu igulu ate iwe oli ku nsi. Kale oyogeranga bitono

Isaia 63:16

Bwenebwene n'iwe Iseife. Waire dhaadha waife Aburahamu tatwidhi, era nga ni Yakobo takyatula, iwe niiwe Iseife Omununuzi waife, okuva eira n'eira.

Ezekieli 36:23

Ndyoleka eri amaghanga eriina lyange eikologho bwe liri eitukuvu, eriina imwe lye mwayonoona mu maghanga ago. Olwo amaghanga ago galimanha nga ninze Musengwa Katonda. Nze Musengwa Katonda ninze nkobye. Bye ndikolera mu imwe, biryoleka amaghanga ago nga bwendi omutukuvu.

Danieli 2:28

Aye ghaligho Katonda mu igulu ayoleka ebyama. Oyo n'ali kukumanhisa ebija okubaagho mu biseera eby'oluvainhuma. Mpegaano ni, ka nkukobere kye wabona mu kirooto ng'otendwike mu buliri bwo.

Danieli 2:44

Mu biseera eby'abafuzi abo, Katonda ow'eigulu alitaagho obwakyabazinga nga ghazira kisobola kubuzikiriza, era ng'ezira ighanga lisobola kubaghangula. Aye bulimaniangula obwakyabazinga obundi bwonabwona bwabusaaniagho, bwene bwabaagho ebyanda n'ebyanda.

Danieli 7:18

Aye abatukuvu b'oyo Ali Ghaigulu Yeene, baligheebwa obwakyabazinga bwaba bwaibwe ebyanda n'ebyanda.”

Danieli 7:27

Olwo obwakyabazinga, n'obukumu, n'ekitiisa, ebiri ghansi gh'eigulu, balibigha abatukuvu b'oyo Ali Ghaigulu Yeene. Obwakyabazinga bwaibwe buliba bwa byanda na byanda, era abafuzi boonaboona ab'ensi balibagonderanga baabagheereza.”

Hosea 14:2

Mwire eri Musengwa Katonda era okusaba kwaimwe n'okube kufuuke ekigheebwayo kyaimwe kye mumugha, nga mumweghemba muti: “Tusonighe ebibi byaife byonabyona, osanhukire ebyo ebirungi mu ife. Twidha kukusaakanga n'eminwa gyaife.

Abalevi 10:3

Agho Musa yaakoba Aaroni ati: “Kino Musengwa Katonda kye yayogeraku bweyakoba ati, ‘Ndyeyoleka nga ndi mutukuvu mu abo abampeereza, era nnaasaakibwanga mu maiso g'abantu boonaboona.’ ” Aye Aaroni yaasirika busirike.

Abalevi 22:23

Ente oba entaama eriku ekitundu ekitali kitereevu, oba eri n'ekibulaku ku bitundu byayo, eikirizibwa okugheebwayo ng'ekigheebwayo omuntu eky'ekyeyendere, aye teikirizibwa kugheerezebwa ng'ekigheebwayo omuntu olw'okutuukiriza obweyamo.

Habakkuku 2:14

Aye ensi eja kwidhula abantu abaidhi ekitiisa kya Musengwa Katonda ng'oti n'enhandha bw'eidhula amaadhi.

Matayo 10:32

“Kale, kiisi ayatula mu maiso ag'abantu ati wange, nze zeena ndikobera Lata wange ali mu igulu nti wange.

Matayo 3:2

yaakoba ati: “Mwenenie kuba Obwakyabazinga obw'omu igulu buseese.”

Matayo 5:16

Ekimulika kyaimwe kyakire abantu kityo, babone ebikolwa byaimwe ebikalamu, baghe Iseimwe ow'omu igulu ekitiisa.

Luka 11:1

Olwatuuka, Yesu bwe yamala okusaba, ghaabaagho mulala ku Beegeresebwa be yaamukoba ati: “Musengwa, twegerese okusaba, ng'oti ni Yoanne bwe yayegeresa abeegeresebwa be.”

Ab'e Roma 1:7

Kale ni mbaghandiikira imwe mwenamwena ab'e Roma, Katonda b'agonza era be yayeta okuba abantu be. Katonda Iseife ni Musengwa waife Yesu Kurisito abaghe enkabi n'emiraala.

Ab'e Roma 8:15

Katonda ti yabagha Mwoyo wa kubasibira mu bwiru na kubaleetera kutya, aye mwagheebwa mwoyo abafuula abaana ba Katonda abasobola okweta Katonda “Abba”, ekitegeeza kiti “Iseife”.

1 Ab'e Korintho 1:3

Enkabi n'emiraala ebya Katonda Lata waife, ni Musengwa Yesu Kurisito bibe n'imwe.

2 Ab'e Korintho 1:2

Enkabi n'emiraala ebya Katonda Lata waife, ni Musengwa Yesu Kurisito bibe n'imwe.

Ab'e Galatia 1:4

Yesu Kurisito ono n'eyeeghaayo olw'okwona kwaife atununule mu byanda bino bye tulimu buti ebyonooni, nga Katonda Lata waife bwe yayenda.

Ab'Efeso 1:2

Katonda Iseife ni Musengwa Yesu Kurisito abaghe enkabi n'emiraala.

Ab'e Filippi 1:2

Katonda Lata waife ni Musengwa Yesu Kurisito abaghe enkabi n'emiraala.

Ab'e Filippi 4:20

Ekitiisa kibenga kya Katonda waife era Lata waife ebyanda n'ebyanda. Amiina.

Ab'e Kolosai 1:2

Mpandiikira abatuukirivu n'aboluganda abeesigwa mu Kurisito ab'e Kolosai. Enkabi n'emiraala ebya Katonda Iseife bibe n'imwe.

1 Ab'e Thessalonika 1:1

Ninze Paulo, ni Siluvano ni Timotheo. Tughandiikira Ekikunsu eky'Abaikiriza mu Kurisito abali e Thessalonika, aba Katonda Lata ni mu Musengwa Yesu Kurisito. Katonda abaghe enkabi n'emiraala.

1 Ab'e Thessalonika 1:3

Twidhukira mu maiso ga Katonda era Lata waife, nga bwe mwoleka okwikiriza n'okugonza kwaimwe mu bye mukola, era twidhukira nga bwe mwoleka eisuubi lyaimwe eritakoma mu Musengwa waife Yesu Kurisito.

2 Ab'e Thessalonika 2:16

Musengwa waife Yesu Kurisito mwene, era ni Katonda Lata eyatugonza olw'ekisa kye n'atugha eisanhu eritawaagho n'okusuubira ebirungi,

Okwolekebwa 11:15

Agho malaika owomusanvu yaafuuwa eigwala lye. Ghaabaagho amamiro mu igulu nga gakoba gati: “Obwakyabazinga obw'ensi bufuuse bwa Musengwa waife era bwa Kurisito: aidha kufuganga ebyanda n'ebyanda.”

Okwolekebwa 15:4

Musengwa, naani atalitya liina lyo oba okulisaaka? Iwe wenka n'iwe omutukuvu. Abantu ab'amaghanga goonagoona baliidha baasinza mu maiso go, kuba ebikolwa byo eby'obutuufu bibonebwa abantu boonaboona.”

Okwolekebwa 19:6

Agho naawulira ekyali ng'oti mamiro ag'abantu olukunkumuli, oba ng'oti mpiriito ya maadhi, oba ng'oti kutyabuka kwa lukuba okw'amaani. Eiroboozi lyakoba liti: “Musaake Katonda, kuba Musengwa Katonda waife Aghanga Ebintu Byonabyona, n'afuga.

Okwolekebwa 20:4

Agho naabona ebityamo eby'obwakyabazinga nga bityaimeku abo abaagheebwa obukumu okufuga. Era naabona emyoyo gy'abo abaatemwaku emitwe olw'okudhulira Yesu n'olw'ekibono kya Katonda. Abo n'abataasinza kisolo waire ekifaananie kyakyo era abataaganha kuteebwaku kamanhiso kaakyo mu byeni oba ku mikono. Abo bairamu okuba abalamu era Kurisito yaafuga nabo emyaka lukumi (1,000).