Luka 1:9 - Baibuli Ekibono kya Katonda 2014

⁹ akalulu kaamugwaku okwingira mu isinzizo okuniosa obubbaani, ng'empisa ey'obwakabona bwe yali.

Luka 1:9 Iomraidhean Croise

1 Ebyomubyanda 23:13

Amuramu yaazaala Aaroni ni Musa. Aaroni yaayawulibwa n'ab'oku nda ye okulabiriranga ebintu ebitukuvu ebyanda n'ebyanda, okuniokezanga obubbaani mu maiso ga Musengwa Katonda n'okumugheerezanga, n'okusabiranga abantu enkabi mu liina lye.

1 Ebyomubyanda 6:49

Aaroni ni baidhukulu be baagheerangayo ebigheebwayo ku alutaari edh'ebigheebwayo ebyokebwa, era baaniokezanga obubbaani ku alutaari edh'okuniokezaaku obubbaani. Baakolanga emirimo gyonagyona egy'omu Kifo Ekitukuvu Einho, era baasabiranga Abaisiraeli batoolebweku ebibi byaibwe, nga Musa omugheereza wa Katonda bwe yalagira.

2 Ebyomubyanda 26:16

Aye kyabazinga Uzzia bwe yafuuka ow'amaani atyo, yaidhamu okwekuluntaza era ekyo kyamuviiraku okugwa kuba yeetulinkiriza yaingira mu isinzizo lya Musengwa Katonda, yaaniokeza obubbaani ku alutaari eniokezebwaku obubbaani.

2 Ebyomubyanda 29:11

Baana bange, mutalwa naire, kuba Musengwa Katonda abalonze okwemereranga mu maiso ge, mumugheereze nga mumusinza era nga mumuniokeza obubbaani.”

Okubala 16:40

Ekyo kiidha kwidhukizanga Abaisiraeli, ghalobe kubangagho muntu yeenayeena atali kabona wa ku lulyo lw'Aaroni, aseeta mu maiso ga Musengwa Katonda okuniokeza obubbaani; kuba asobola okuzikirizibwa nga Kora ni baine bwe baazikirizibwa. Ebyo byakolebwa nga Musengwa Katonda bweyalagira Eleazari ng'abita mu Musa.

Matayo 27:5

Agho Yuda yaasuula ebitundu bya feeza bire mu isinzizo. Yaava agho, yaaja yeetuga.

Abaheburayi 9:6

Ebintu ebyo byonabyona nga bimaze okutegekebwa bityo, bakabona baajanga buliidho mu kiketezo eky'eweema ekituukirwamu, baakolanga eby'obwakabona.

1 Samueli 2:28

Era naamulonda mu bika byonabyona ebya Isiraeli abe kabona wange, ajenga ku alutaari yange, aniokezenga obubbaani, era avaalenga ekivaalo eky'obwakabona mu maiso gange. Era naagha ab'endhu ye ebigheebwayo ebyokebwa byonabyona Abaisiraeli bye bampa.