Luka 1:6 - Baibuli Ekibono kya Katonda 2014

⁶ Bombi baali batuufu mu maiso ga Katonda, nga bagema ebiragiro bya Musengwa byonabyona n'amateeka ge, nga tibasobyamu.

Luka 1:6 Iomraidhean Croise

Amainhama 17:1

Aburamu bweyali ng'agheza emyaka kyenda na mwenda (99) egy'obukulu, Musengwa Katonda yamubonekera, yamukoba ati: “Ninze Katonda Aghanga Ebintu Byonabyona. Mpuliranga era okolenga ebituufu buliidho.

Amainhama 6:9

Bino n'ebifa ku Noa. Yali muntu akola ebituufu, ng'aziraku kibi mu bantu ab'omu biseera bye

Amainhama 7:1

Agho Musengwa Katonda yaakoba Noa ati: “Ingira mu lyato n'ab'omu ndhu yo boonaboona, kuba mboine nga niiwe omuntu omutuufu wenka mu bantu ab'oluse luno boonaboona.

1 Bakyabazinga 15:5

Musengwa Katonda yaakola ekyo, kuba Daudi yakolanga ebituufu mu maiso ga Musengwa Katonda oyo, era tiyavanga ku kye yamulagira enaku dhoonadhoona edh'obulamu bwe, okutoolaku ekyo kye yakola Uria Omuhitti.

1 Bakyabazinga 9:4

Weena bw'onaajiiranga ku bye nkoba, n'oba omwesigwa era omwesimbu nga lata wo Daudi bwe yakolanga, n'ogonderanga biragiro byange era n'ogemanga amateeka gange,

2 Bakyabazinga 20:3

“Wo Musengwa Katonda, nkweghemba oidhukire nga bwe mbairenga omwesigwa y'oli, nga ngondera by'ondagira n'omwoyo mulala, era nga nfuba buliidho okukola by'osiima.” Hezekia oyo yaatimbuka, yaalira inho amaziga.

2 Ebyomubyanda 17:4

Yaasinzanga Katonda owa lata we ng'agema ebiragiro bye, yaaloba kujiiranga ku ebyo abantu ab'omu Isiraeli bye baakolanga.

Yobu 1:1

Ghaaligho omusaadha mu nsi eyetebwa Uzi, ng'ayetebwa Yobu. Omusaadha oyo yali muntu aziraku musango era omwesimbu, ng'atya Katonda era nga yeekuuma obutakola kibi.

Yobu 1:8

Musengwa Katonda yaabuuza Sitaani ati: “Weekaliriisa bukalamu omugheereza wange Yobu? Omusaadha oyo azira amutuukaku kuba n'omuntu aziraku musango era omwesimbu, antya era eyeekuuma obutakola kibi.”

Yobu 9:2

“Bwenebwene ndidhi ng'ebyo bityo bwe biri. Aye omuntu aghanga atya okuwoza ni Katonda, n'asinga?

Zabbuli 119:6

Olwo tyandiswaziibwa, kuba omwoyo gwange gwonagwona gwandibaire ku biragiro byo byonka.

Luka 1:7

Aye baali baziraku mwana, kuba Elisabethi yali mugumba, era nga bombi emyaka gyali gibawoireku.

Luka 16:15

Aye yaabakoba ati: “Niimwe abeerongoosa mu maiso ag'abantu aye Katonda aidhi emyoyo gyaimwe kuba abantu kye basuuta, Katonda akyenhinhala.

Luka 2:25

Mu Yerusalemu mwalimu omuntu, eriina lye nga ni Simeoni, nga muntu akola ebituufu, atya Katonda ng'alindirira okununulwa kwa Isiraeli, era Mwoyo Mutukuvu ng'amuliku.

Ebikolwa by'Abatume 2:25

kuba Daudi yamwogeraku ati, ‘Musengwa namulingiriranga buli lunaku, kuba andi ku mukono gwange omusaadha ndobe kulugaaluga.

Ebikolwa by'Abatume 23:1

Agho Paulo yeekalirisa abaali mu lwekobaano yaakoba ati: “Aboluganda, okutuukiza irala buti mpulira ng'omwoyo gwange ghazira kye gunvunaana ku ngeri ye neebisiisaamu mu maiso ga Katonda.”

Ebikolwa by'Abatume 24:16

Kyenva nfuba buliidho okuba n'omwoyo omunaabuufu ye Katonda ni y'abantu.

Ebikolwa by'Abatume 8:21

Tosobola kwetaba waire okugabana ku kino, kuba omwoyo gwo tiimutuufu mu maiso ga Katonda.

Ab'e Roma 8:4

Katonda yakola kino, ife abatafugibwa mubiri, aye abafugibwa Mwoyo, tughange okutuukiriza eby'obutuufu Amateeka bye gatukoba okukola.

1 Ab'e Korintho 11:2

Mukola bukalamu kuba buliidho mundidhukira, era mwagema butiribiri ebyo bye nabeegeresa.

2 Ab'e Korintho 1:12

Ensonga etwesiimisa n'eno nti munda mule twekakasa nga mu nsi muno, n'okusingira irala mu imwe, twebisiiza bukalamu mu mazima ni mu butuukirivu, ti lwa magezi ga bantu aye lwa kisa kya Katonda.

Amateeka Agokubiri 5:33

Mujiirenga ku ebyo byonabyona Musengwa Katonda waimwe bye yabalagira, mughange okuba obukalamu, mughangaalire mu nsi ye muja okutwala.”

Ab'e Filippi 2:15

olwo mubuleku omusango oba ekintu kyonakyona ekiboogezaaku obubi. Mube abaana ba Katonda abatuukiriire nga muli mu bantu ab'oluse luno ababi era abaayonooneka. Mubaakiremu ng'oti mataala mu nsi muno.

Ab'e Kolosai 1:22

Aye mperaano olw'okufa kwa Kurisito mu mubiri, yabafuula bakagwa be, musobole okuba mu maiso ge nga muli batukuvu, abaziraku kimyamya kyonakyona era waire kibi kyonakyona.

1 Ab'e Thessalonika 3:13

Olwo abagumye emyoyo gyaimwe, mube nga muziraku musango, era mube abatukuvu mu maiso ga Katonda waife era Lata, ku lule Musengwa waife Yesu lw'aliidha n'abatuukirivu be boonaboona.

2 Petero 3:14

Agho ni nga bwe muli kuteegerera ebintu bino bakagwa, mwekalangule mwagaanibwe nga muli miraala, nga muziraku kamyamya oba kamogo koonakoona.

1 Yoanne 2:29

Oba nga mwidhi muti oyo mutuufu, era mumanhe muti kiisi akola eby'obutuufu aba mwana we.

1 Yoanne 2:3

Bwe tugema ebiragiro bya Katonda tuba tukakasa nga tumwidhi.

1 Yoanne 3:7

Baana bange, ghatabaagho abasubaghanga. Akola eby'obutuufu aba mutuufu oti ni Kurisito mwene bw'ali omutuufu.