Luka 1:13 - Baibuli Ekibono kya Katonda 2014

¹³ Aye malaika yaamukoba ati: “Zekaria otatya, kuba okusaba kwo kuwuliirwa era mukazi wo Elisabethi aidha kukuzaalira omwana omulenzi, omutuume eriina Yoanne.

Luka 1:13 Iomraidhean Croise

Amainhama 17:10

Eno n'endagaano iwe y'oteekwa okukuuma ni baidhukulu bo abalikwiririra: buli musaadha mu imwe anaakeketebwanga.

Amainhama 17:19

Aye Katonda yairamu ati: “Busa. Mukazi wo Sara aidha kukuzaalira omwana mulenzi, iwe omutuume eriina Isaaka. Ndidha kukola naye endagaano yange etakoma, era ni baidhukulu be abalimwiririra.

Amainhama 18:14

Ghaligho ekintu ekikalangufu einho Musengwa Katonda ky'atasobola? Nga bwe nkukobye, omwaka ogwidha mu biseera bino, ndikukyalira kabiri era mukazi wo Sara aliba ng'azaire omwana mulenzi.”

Amainhama 25:21

Isaaka yaasabira mukazi we, eyali omugumba. Musengwa Katonda yairamu okusaba kwe, Rebekka yaatoola enda.

Zabbuli 113:9

Aleetera omukazi omugumba okusangaala mu maka; yaamugha okuzaala abaana. Mwenamwena musaake Musengwa Katonda.

Zabbuli 118:21

Wo Musengwa Katonda, nsiimye kuba onkoleire nga bwe nkusabye era wampa obughanguzi.

Isaia 8:3

Agho naaja naaba ni mukazi wange, yaatoola enda era yaazaala omwana mulenzi. Musengwa Katonda yankoba ati: “Mutuume eriina OMUNHAGO OGW'AMANGU, OKUSWANKULA BYE BANHAGULWIRE

Danieli 10:12

Agho yankoba ati: “Danieli otatya, kuba Katonda awuliire okusaba kwo, okuviira irala ku lunaku lwe watoolera okwewombeeka mu maiso ge ng'oyenda okutegeera obukwenda obw'okubonekerwa. Era nze ndidhie olw'okusaba kwo okwo.

Hosea 1:4

Musengwa Katonda yaakoba Hosea ati: “Mutuume eriina ‘Yezireeli,’ kuba esigaireyo ekiseera kitono mbonereze kyabazinga wa Isiraeli olw'obutemo dhaadha we Yehu bwe yakolera e Yezireeli. Nja kulekeza ab'oku nda ya Yehu okufuga obwakyabazinga bwa Isiraeli.

Hosea 1:6

Gomeri yaatoola enda kabiri, yaazaala omwana mughala. Musengwa Katonda yaakoba Hosea ati: “Mutuume eriina ‘Tasaasirwa,’ kuba nze tikaasaasira Baisiraeli, waire okubasonigha.

Matayo 1:21

Aidha kuzaala omwana wa bulenzi, era oidha kumutuuma eriina lya Yesu, kuba n'oyo alirokola abantu mu bibi byaibwe.”

Matayo 14:27

Aye Yesu tiyalwa, yaayogera nabo, yaabakoba ati: “Mugume emyoyo mutatya, ninze.”

Matayo 28:5

Malaika yaakoba abakazi ati: “Mutatya, kuba ndidhi muli kwagala Yesu eyakomererwa ku musalaba.

Mariko 16:6

Yaabakoba ati: “Mutatya. Ndidhi nti muli kwagala Yesu ow'e Nazarethi, eyakomererwa ku musalaba azuukiire, muno aziramu. Mubone ekifo ghe yabaire ateereibwa.

Luka 1:14

Olifuna eisanhu era waasangaala era abantu kamaala balisagamba olw'okuzaalibwa kwe.

Luka 1:30

Aye malaika yaamukoba ati: “Maria otatya, Katonda akughaire omukisa.

Luka 2:21

Bwe dhaatuuka enaku omunaana omwana okukeketebwa, baamutuuma eriina Yesu, eriina malaika lye yamweta nga n'enda ye ekaali kutoolebwa.

Ebikolwa by'Abatume 10:31

Era yankoba ati, ‘Korunelio, Katonda awuliire okusaba kwo era aidhukiire n'okugaba kwo.

Abalamuzi 6:23

Aye Musengwa Katonda yaamukoba ati: “Emiraala gibe n'iwe. Leka kutya, toidha kufa.”

1 Samueli 2:21

Musengwa Katonda yaayongera okugha Hanna enkabi, yaazaala abaana abandi abalenzi basatu n'abaghala babiri. Omulenzi Samueli yaayongera okukula ng'agheereza Musengwa Katonda.