Isaia 4:4 - Baibuli Ekibono kya Katonda 2014

⁴ Agho Musengwa Katonda aliba ng'amaze okukozesa obuyinza bwe okusalira omusango abantu b'omu Yerusalemu, n'okubanaazaaku ebibi byaibwe, n'okutoola ku Yerusalemu omusango ogw'obutemo bwe baakikoleramu.

Isaia 4:4 Iomraidhean Croise

Zabbuli 51:2

Nnaaliza irala omaleku embiidhabiidha, era ontukuze nveeku ebibi!

Olwembo 3:11

Imwe abaghala ab'e Sioni, mwidhe mubone kyabazinga Solomoni, ng'avaire ku mutwe engule inhina ye yamuvaaza, ku lunaku lwe yafumbirirwaku, olunaku olwo lwe yafuniraku eisanhu eritaloodheka.

Isaia 1:15

Agho ni, bwe munaayandhuluzanga emikono gyaimwe nga muneeghemba, tiidhanga kubalingaku; ni bwe munansabanga einho mutya, tiidhanga kubawulirisa; kuba engalo dhaimwe dhisaabaine musaayi.

Isaia 1:25

Ndidha kubakolaku, mbasaanuuse ng'oti bwe basaanuusa ekyuma, era mbakenenule mbamaliremu irala ebidomboodo byonabyona ebibalimu.

Isaia 1:31

Ab'amaani baliba ng'oti isubi ikalu, ate ebibi bye bakola byaba ng'oti nnimi dha muliro, olwo baliyiira ghalala nabyo, era ghaabulagho n'omuntu asobola okulobera okuzikirizibwa kwaibwe.

Isaia 27:9

Aye Abaisiraeli balisoniyibwa ebibi byaibwe, nga bamaze okumenhamenha alutaari dh'emisambwa n'okusekulasekula amabaale gaadho ni gafuuka ensaano. Era nga bamaze okukomya okuniokezanga obubbaani ku alutaari edho, era nga basaaniizaagho kiisi kamanhiso akooleka omusambwa omukazi Ashera.

Isaia 28:6

Aligha abalamuzi omwoyo ogw'okukolanga amazima, era yaagha abaisirukale amaani okukuumanga emiryango gy'ekibuga, okukiwonia okulumbwa abazigu.

Isaia 9:19

Olw'ekiruyi Musengwa Katonda Afuga Amagye ky'ali nakyo, ensi ekunaine omuliro, abantu baaba ng'oti n'enku dhe guli kwokya, ghaabulagho omuntu waire omulala ati asaasiraku muganda we n'aloba kumukola kabi.

Isaia 9:5

Engaito dh'abaisirukale abayoolooka okwidha okulumba, n'ebivaalo byaibwe bye bafuusefuuse mu musaayi, birifuulibwa nku byayokebwa omuliro.

Yeremia 9:6

Baja bwa mu maiso na kukiriga bandi, na kwogera bya buguya. era baaloba okuumanha. Musengwa Katonda atyo bw'akoba.

Okulira 1:9

Abantu abo baliku ekibi ekibonekeragho. Aye baaloba okwidhukira ng'eriyo okubonerezebwa ku nkomerero. Okugwa kwaibwe kye kuva ni kuba okw'entiisa era ni ghabula abasaasiraku. Olwo baira bwa mu kulira bati: “Wo Musengwa Katonda, bona nga bwe tuli kudaazibwadaazibwa olw'okughangulwa abazigu baife, otubeere.”

Ezekieli 22:15

Abantu bo ndibasansaaniza eyo mu maghanga, naabaidhuza eyo mu nsi enhingi, olwo naakumalamu ebikolwa byo ebibi byonabyona.

Ezekieli 36:25

Ndi bamansiraku amaadhi amalungi, gaabanaazaaku obwonoonefu bwaimwe bwonabwona n'okusinza ebitali nze Katonda.

Ezekieli 36:29

Ndibawonia byonabyona ebibaleetera obutaba balongoofu, era naaleetera engaano okubaalira einho, olwo endhala yaaloba kubalumaku naire.

Yoeli 3:21

Ndyesasuuza olw'omusaayi gw'abo abaitibwa aghazira kusaasira muntu yeenayeena aliku musango. Era nze Musengwa Katonda ndidha kubanga mu Sioni.”

Zefania 3:1

Ekibuga Yerusalemu kikagwireku. Kiidhwire abantu abadheemu, n'aboonooni, n'abatuntuza banaibwe.

Zekaria 13:1

Musengwa Katonda Afuga Amagye akoba ati: “Ekiseera ekyo bwe kirituuka, ensulo eriigulwagho olw'okunaaza ebibi n'obwonoonefu ku baidhukulu ba Daudi n'abantu b'omu Yerusalemu, basobole okwetukuza.

Zekaria 13:9

Era abo abaliba mu kitundu ekyo ekirala ndibatukuza ng'oti ni feeza bwe bamukenenula mu muliro, era naabagezesa ng'oti ni zaabu bwe bamugezesa. Balinsaba, era zeena naabairamu. Ndibeeta bantu bange, era boona bandheta Katonda waibwe.”

Malaki 4:1

Musengwa Katonda Afuga Amagye akoba ati: “Olunaku luli kwidha abo abeetwala okuba aba ghaigulu n'abakozi ab'ebibi, lwe baliya ng'oti isubi ikalu. Ku lunaku olwo baliya ensaga n'emizi, okutuuka okuweekereragho.

Matayo 23:37

“Yerusalemu, Yerusalemu iwe aita abalanzi, n'okuba abatumiibwa y'oli amabaale! Emikuzi emeka gye nayenda okusoloza abaana bo aghalala ng'enkoko bw'esoloza obwana bwayo mu maghagha, aye nga tonganha?