Isaia 4:3 - Baibuli Ekibono kya Katonda 2014

³ Kiisi muntu yeenayeena aliba ng'asigairegho mu Sioni, ng'alondeibwa okusigala nga mulamu mu Yerusalemu, alyetebwa mutukuvu.

Isaia 4:3 Iomraidhean Croise

Zabbuli 69:28

Amaina gaibwe ka gasasibwe mu kitabo eky'obulamu; gatoolebwe mu lukalala olulimu abatuufu.

Zabbuli 87:6

Musengwa Katonda alikola enkalala edh'abantu, yaghandiikamu ati: “Ono yeena yazaalibwa omwo.”

Isaia 1:27

Olw'okuba Musengwa Katonda akolera ku mazima era nga mutukuvu, alinunula Yerusalemu n'abantu baamu boonaboona abeenenia.

Isaia 28:5

Olunaku lwidha kutuuka, Musengwa Katonda Afuga Amagye mwene abe ng'oti n'engule y'ebimuli ey'ekitiisa, eri abantu be abaliwonagho.

Isaia 35:8

Ghalibaagho oluguudo olulyetebwa “Engira ey'Obutukuvu.” Buli atali mulongoofu talibita mu ngira eyo. Era abaligitambuliramu ni bwe baliba abasiru einho, tibaja kubulira mu ngira eyo.

Isaia 46:3

Mumpulirise imwe ab'endhu ya Yakobo, imwe mwenamwena Abaisiraeli abaawonagho. Bukyanga muzaalibwa, ninze mbalabirira okuviira irala mu nda dha bainhaimwe.

Isaia 52:1

Iwe Sioni situka, situka oiremu obe wa maani. Iwe Yerusalemu ekibuga ekitukuvu, vaala ebivaalo byo ebiboneka obulungi; kuba bale abatatya Katonda n'abatali balongoofu tibakairayo kwingira mu iwe.

Isaia 6:13

Era ni bwe ghalisigalagho mu nsi eyo omuntu omulala omulala ku buli bantu eikumi, yeena alizikirizibwa kabiri, yaaba ng'oti n'ekikolo eky'omuti omukologho, ekisigalagho nga gutemeibwagho.” Ekikolo ekyo n'ekiba ensigo kwe gusibukira.

Isaia 60:21

Abantu bo boonaboona balikolanga ebituufu, era baatwala ensi yaaba yaibwe ebyanda n'ebyanda. Baliba lusaga nze mwene lwe neesimbira era omulimo nze mwene gwe neekolera, nsobole okugheebwanga ekitiisa.

Isaia 62:12

Mulyetebwa “Bantu batukuvu,” era “Abantu aba Musengwa Katonda abaanunulwa.” N'iwe Yerusalemu olyetebwa “Kibuga Katonda ky'ayenda,” era “Kibuga Katonda ky'atalekulirangaku agho.”

Ezekieli 13:9

Nja kubabonereza imwe abalanzi abafuna okubonekerwa okw'obulimba era abalanga eby'obuguya. Timulityama mu lwekobaano lwa bantu bange, waire okughandiikibwa mu kitabo eky'ab'eighanga lya Isiraeli. Era timuliirayo mu nsi yaimwe Isiraeli naire. Olwo mulimanha nga ninze Musengwa Katonda.

Ezekieli 43:12

Lino n'eiteeka ery'eisinzizo: Ekifo kyonakyona ekyezungulwire eisinzizo agho ku ngulu kw'olusozi, kifo kitukuvu inho. Eryo n'eiteeka ly'eisinzizo.”

Yoeli 3:17

“Olwo mulimanha nga ninze Musengwa Katonda waimwe, era nga mba ku lusozi lwange olutukuvu Sioni. Yerusalemu kiriba kibuga kitukuvu, era abagwira tibaliiramu kukighangula kabiri.

Obadia 1:17

“Aye ku lusozi Sioni eribaayo abaliwonagho era olusozi olwo luliba lutukuvu. Abantu ab'oku nda ya Yakobo baliba n'ensi nga yaibwe ku bwaibwe.

Zekaria 14:2

Musengwa Katonda akoba ati alisoloza abantu b'amaghanga goonagoona, baalumba Yerusalemu mu lutalo. Balikighangula, baanhagulula ebintu mu mayumba, era baagema abakazi baabakaka. Ekitundu ku bantu baamu balitwalibwa mu bunhage, aye abalisigalagho tibalitoolebwa mu kibuga.

Malaki 3:16

Agho abantu abaalaga nga batya Musengwa Katonda, baayogeramuuku beene na beene. Musengwa Katonda yaabawulirisa era yaawulira bye baakoba. Era agho mu maiso ga Musengwa Katonda oyo, ghaabaagho ekitabo ekyaghandiikibwamu amaina g'abo abaalaga nga bamutya era nga bamutaamu ekitiisa.

Luka 10:20

Aye mutasangaala olw'okuba emizimu gibawulira, musangaale olw'okuba amaina gaimwe gaaghandiikibwa mu igulu.”

Ebikolwa by'Abatume 13:48

Abamaghanga agandi bwe baawulira ebyo, baasangaala, ekibono kya Katonda baakitaamu ekitiisa. Abo abaali balondeibwa okufuna obulamu obutawaagho baikiriza.

Ab'e Roma 11:4

Aye Katonda yamwiramu atya? Yamwiramu ati: “Neekuumiiregho abasaadha kasanvu (7,000) abatakubirangaku Baali makiryaivu.”

Ab'e Roma 11:5

Kityo bwekiri ni buti. Ghaligho abawonagho ni balondebwamu olw'ekisa kya Katonda.

Ab'Efeso 1:4

Katonda ng'abita mu Kurisito, yali yamala ira okutulonda nga n'ensi ekaali kutondebwa, tube batuukirivu abaziraku musango mu maiso ge.

Ab'e Filippi 4:3

Era weena mukozi munange omwesigwa nkweghemba oyambe abakazi abo, kuba baakola inho ninze mu kusansaania Amawulire Amalungi. Era nga batyo bwe baali ni Kelementi, era ni bakozi banange abandi, beene maina agali mu kitabo kya Katonda eky'obulamu.

Ab'e Kolosai 3:12

Kale nga bwe muli abantu ba Katonda be yalondamu era abagonzi, mubenga n'omwoyo ogw'okusaasira, ekisa, obuteekulumbaza, obugonvu n'okuguminkiriza.

Abaheburayi 12:14

Mufaabiikanenga okuba n'emiraala y'abantu boonaboona era mufaabiikanenga okuba n'obutukuvu, kuba aghazira obwo, ghazira alibona Musengwa.

1 Petero 2:9

Aye imwe muli lulyo lulonde, bakabona aba Kyabazinga, muli ighanga itukuvu era abantu ba Katonda beene. Katonda oyo n'eyabeeta okuva mu nzikiiza okwira mu butangaavu bwe obwewuunhisa einho, yaabalonda okukobera abantu ebyewuninkiriza bye yakola.

Okwolekebwa 13:8

Abantu ab'oku nsi abo abataaghandiikibwa mu kitabo kya bulamu ng'ensi ekaali kutondebwa, balisinza ekisolo ekyo. Ekitabo ekyo kya Ntaama Nto ere eyaitibwa.

Okwolekebwa 17:8

Ekisolo ky'oboine kyaligho, aye mperaano tikikaaligho. Aye kiidha kuniinaniina okuva mu lwina olutakoma, kije kizikirizibwe. Abantu abali ku nsi, beene maina agataaghandiikibwa mu kitabo eky'obulamu, okuva ensi lwe yatondebwa, balyewuunhia bwe balibona ng'ekisolo ekyaligho, mperaano tikikaaligho, ate nga kiriidha.

Okwolekebwa 20:15

Era kiisi muntu eyayagaanibwa ng'eriina lye tiryaghandiikibwa mu kitabo kya bulamu, yaasuulibwa mu nhandha ey'omuliro.

Okwolekebwa 21:27

Aye tikiringiramu kintu kitali kirongoofu, waire omuntu akola ebyenhinhalwa oba omuguya, okutoolaku abo bonka abaaghandiikibwa mu kitabo eky'obulamu eky'Entaama Ento.

Okwolekebwa 3:5

Oyo aghangula, alivaazibwa ebivaalo ebyeru, era tirisasa liina lye mu kitabo kya bulamu, aye ndiryatula mu maiso ga Lata, n'aga bamalaika be.