Isaia 26:3 - Baibuli Ekibono kya Katonda 2014

³ Wo Musengwa Katonda, abo abagumira ku iwe, obaleetera okuba mu miraala gyenegyene, kuba bakwesiga.

Isaia 26:3 Iomraidhean Croise

1 Ebyomubyanda 5:20

Baata obwesige mu Musengwa Katonda nga bamusaba ababeere, era yaababeera yaabaleetera okughangula Abahagari ghalala ni boonaboona abaali nabo.

2 Ebyomubyanda 13:18

Kale Abaisiraeli baaghangulwa batyo ku mukuzi ogwo, ate Abayudaaya baaba baghanguzi, kuba Abayudaaya abo beesiga Musengwa Katonda, oyo Katonda wa badhaadha baibwe.

2 Ebyomubyanda 16:8

Abaethiopia n'Abalibiya tibaali igye inene inho, nga liri n'ebigaali eby'omu lutalo n'abavuzi b'embalaasi kamaala? Aye olw'okuba weesiga Musengwa Katonda, Musengwa Katonda oyo yaakuleetera okubaghangula.

Zabbuli 119:165

Abagonza amateeka go bawulira miraala myereere, ghazira kisobola kubasuula.

Zabbuli 125:1

Abo abeesiga Musengwa Katonda bali ng'oti n'olusozi Sioni, olutatengeeseka era olutavaagho ebyanda n'ebyanda.

Zabbuli 9:10

Abo abakwidhi, obwesige bwaibwe babuta mu iwe, kuba Musengwa Katonda tiweerabira abo abatakabana okwidha y'oli.

Isaia 12:2

Bona, Musengwa Katonda n'omulokozi wange; ndidha kumwesiganga nga ghazira kye ntya. Musengwa Katonda oyo n'amaani gange, oyo n'olwembo lwange, era n'omulokozi wange.

Isaia 26:12

Wo Musengwa Katonda, iwe oidha kutugha tubenga mu miraala, kuba ni bye tukola byonabyona niiwe obireetera okutujiira obukalamu.

Isaia 27:5

Aye oba nga abazigu b'abantu bange benda nze okubakuuma, baidhe batabagane ninze. Batyo bwe babe bakole: baidhe batabagane ninze.”

Isaia 31:1

Bakagwireku abo abaja e Misiri okufunayo obuyambi, abeesiga embalaasi dhaayo, ni beesiga n'abavuzi baadho olw'okuba ab'amaani, era ni beesiga n'ebigaali byayo eby'omu lutalo olw'okuba ebingi einho. Aye ni baaloba okwesiga Musengwa Katonda Omutukuvu wa Isiraeli, waire okumwebuuzaaku abayambe!

Isaia 32:17

Era olw'abantu okukola ebituufu kirireetera ensi eno okubaamu emiraala, era kyagiviiramu okuba n'obutebenkevu, n'obwesige, ebyanda n'ebyanda.

Isaia 32:18

Abantu ba Musengwa Katonda baliba mu miraala, baatyamisa mu maka gaibwe era baawuumula nga ghazira kibatiisa naire.

Isaia 42:19

Naani omutulu okusinga omugheereza wange? Oba naani eyasemba amatu okusinga omukwenda wange ye ntuma?

Isaia 42:6

“Nze Musengwa Katonda nakweta oleetere abantu okukolerwanga eby'amazima ebibagwaniire. Nakugema ku mukono naakukuuma. Era ndibita mu iwe naakola endagaano n'abantu boonaboona, era naaleetera amaghanga goonagoona obutangaavu.

Isaia 48:2

Era mweyeta ba mu kibuga ekitukuvu, abeesiga Katonda wa Isiraeli, eriina lye nga ni Musengwa Katonda Afuga Amagye.

Isaia 49:8

Musengwa Katonda era akoba abantu be ati: “Ekiseera eky'okusaasiriramu bwe kirituuka ndikusaasira, naakuyamba ku lunaku olw'okulokolwa. Ndikulwanirira naakukuuma, era naabita mu iwe okukola endagaano n'abantu boonaboona. Oliizaagho ensi buyaaka, abantu bairamu okubanga mu biketezo byaibwe ebyazika buti.

Isaia 50:1

Musengwa Katonda era akoba ati: “Imwe abantu bange mulowooza muti nababinga, ng'oti n'omusaadha bw'abinga mukazi we? Bwe kiba kityo, memale embaluwa ey'okubabinga eri gha? Oba, mulowooza muti nabatunda mube bairu ng'oti n'omuntu bw'atunda abaana be? Aye naani eyali ammandha memale mmubaguze? Busa naire, mwatwalibwa mu bwiru lwa bibi byaimwe, era ebyonoono byaimwe n'ebyababinza.

Isaia 50:10

Buli muntu ata mu Musengwa Katonda ekitiisa, era n'ajiira ku ebyo omugheereza wa Musengwa Katonda oyo by'akoba, ni bw'atambulira mu nzikiiza ng'azira kimulika, yeesigenga bwa Musengwa Katonda oyo, agumirenga ku Katonda oyo.

Isaia 66:12

Musengwa Katonda akoba ati: “Bona, ndireetera ebirungi okuba mu Yerusalemu ebingi einho, nga bikuuluula bukuuluule ng'oti mwiga. Obukombe obw'amaghanga buliyoolookera omwo ng'oti n'omwiga ogwidhwire ni gubanda n'okubanda. Era imwe mulirabirirwa ng'oti mwana mughere inhina y'ayonsa, n'amulera era n'amutenga ku mubiri.

Yeremia 39:18

Bwenebwene ndikuwonia baaloba kukwita, waawoniagho obulamu bwo olw'okuneesiga. Nze Musengwa Katonda, ninze nkobye.’ ”

Danieli 3:17

Bwe kunaaba okutusuula mu muliro, Katonda waife ye tugheereza asobola bukalamu okutuwonia yaatutoola mu kikoomi ekiri kugeigera omuliro, era yaatutoola ni mu buyinza bwo.

Danieli 3:28

Agho Nebukadinezzari yaakoba ati: “Katonda wa Shaduraka, ni Meshaki, ni Abedinego asaakibwe. Oyo n'atumye malaika we yaawonia abagheereza be bano abaamwesize, ni badheemera ekiragiro kyange nze kyabazinga. Bataire obulamu bwaibwe mu kabi, mu kifo ky'okugheereza n'okusinza katonda yeenayeena okutoolaku Katonda owaibwe.

Danieli 6:23

Agho kyabazinga yaasangaala ebitaloodheka era yaalagira batoole Danieli mu kiina omwali empologoma. Kale baamutoolayo mu kiina ekyo nga ghazira kabi koonakoona kamutuuseeku, kuba yeesiga Katonda we.

Mika 5:5

Kino kija kuleetagho emiraala. Ab'e Assiria bwe balitulumba, ni baghagula ebifo byaife ebigumu bye twesiga, tuja kusindika abakulembeze ab'amaani babalwanise.

Yoanne 14:27

“Mbalekeire emiraala, emiraala gyange gyene gye mbaghaire ate tigibaghaire ng'ensi bw'egigaba. Muteeraliikirira mu myoyo gyaimwe waire okutya.

Yoanne 16:33

Bino mbibakobeire mube miraala mu nze. Mu nsi muno mwidha kufuna ebizibu aye mugumenga, nze mpangwire ensi.”

Ab'e Roma 5:1

Kale oba nga mu maiso ga Katonda tubalibwa okuba abatuukirivu lwa kwikiriza, tuba n'emiraala ku lwa Musengwa waife Yesu Kurisito.

Ab'e Filippi 4:7

Era n'emiraala gya Katonda egiswikiriire okumanha kwonakwona gikuume emyoyo n'amagezi gaimwe mu Kurisito Yesu.