Isaia 2:3 - Baibuli Ekibono kya Katonda 2014

³ abantu abangi abo balikoba bati: “Mwidhe tuje ku lusozi lwa Musengwa Katonda, mu isinzizo lya Katonda wa Isiraeli, atwegerese by'ayenda tukole, era tujiire ku ebyo by'atwegeresa; kuba Musengwa Katonda aba eyo mu Yerusalemu yaayegeresa abantu be, era aba eyo mu Sioni yaayogera n'abantu be.”

Isaia 2:3 Iomraidhean Croise

Zabbuli 102:23

Ansaze ku maani nga nkaali muto; akendeeziiza ku nnaku edh'obulamu bwange.

Zabbuli 110:2

Musengwa Katonda era abunisa obufuzi bwo woonawoona ng'aviira mu Sioni. Fuga abazigu bo abakwezungulwire.

Zabbuli 119:171

Ndidha kukusaakanga buli kaakyeire, kuba niiwe ondhegeresa amateeka go.

Zabbuli 122:1

Nasangaala inho bwe bankoba bati: “Tuje mu ndhu ya Musengwa Katonda.”

Zabbuli 48:1

Musengwa Katonda mukologho, era ni yenka agwaine okusinzibwa mu kibuga kya Katonda waife, ku lusozi lwe olutukuvu.

Isaia 1:26

Ndidha kubairizaagho abakulembeze abakalamu ng'oti ni bale abaasooka, mbairizeegho n'abawi b'amagezi abakalamu ng'oti ni bale be mwasooka nabo. Olwo Yerusalemu baliiramu okukyetanga ekibuga eky'abantu abatuufu era ekibuga eky'abantu abeesigwa.”

Isaia 11:10

Olunaku lwidha kutuuka, oyo asimuka mu Yesse abe akamanhiso eri amaghanga. Amaghanga ago galyesolokeza gh'ali, era ekifo mw'alifugira kiriba kya kitiisa.

Isaia 19:23

Olunaku olwo bwe lulituuka, ghalibaagho oluguudo oluva mu Misiri okuja mu Assiria. Abassiria baliidhanga mu Misiri, n'Abamisiri baajanga mu Assiria, era Abamisiri n'Abassiria balisinzizanga ghalala Musengwa Katonda.

Isaia 28:9

Bakoba bati: “Oyo yeena ayegeresa ani? Naani eyeetaaga ebyo by'ayegeresa? Koodhi aje ayegerese abato abaakava obw'oku mabeere!

Isaia 44:5

Ghalibaagho omuntu alikoba ati, ‘Nze ndi wa Musengwa Katonda.’ Ate ole alyetuuma eriina lya Yakobo, n'owundi yaaghandiika ku mukono gwe ati, ‘Nze ndi wa Musengwa Katonda,’ era yeebalira mu Baisiraeli.”

Isaia 56:5

ndireetera eriina lye okwidhukirwanga buliidho mu isinzizo lyange ni mu bantu bange aghazira kwerabirwa naire, okusinga bwe yandibaire azaire abaana abalenzi n'abaghala.”

Isaia 56:7

“Ndibatwala ku Sioni olusozi lwange olutukuvu, naabagha eisanhu mu ndhu yange ey'okusinzizaamu. Ebigheebwayo byaibwe ebyokebwa n'emisengo gyaibwe ndibiikiriza ku alutaari yange, kuba endhu yange enaayetebwanga ndhu ya kusinzizaamu ab'amaghanga goonagoona.”

Isaia 60:3

Amaghanga galiidha eri obutangaavu bwo, ni bakyabazinga baidha eri okumesunkana kwo.

Isaia 65:11

“Aye embeera eriba yindi eri imwe abanvaaku nze Musengwa Katonda, ni mwerabira Sioni olusozi lwange olutukuvu, ni musinza omusambwa Gadi gwe bakoba mbu guleetera abantu okuba ab'enkabi, n'omusambwa Meni gwe bakoba mbu n'oguleetera ebyo ebituuka ku bantu okubaagho.

Isaia 66:20

Baliiza baganda baimwe boonaboona nga babatoola mu maghanga goonagoona, baabaleeta ng'ekigheebwayo eri nze Musengwa Katonda, ku lusozi lwange olutukuvu Yerusalemu. Balibaleetera ku mbalaasi, ku nhumbu, ku ngamiya, ku bigaali eby'omu lutalo, ni ku bigaali ebindi, ng'oti n'Abaisiraeli bwe baleeta ebigheebwayo eby'emere ey'empeke mu isinzizo nga babitaire mu bintu ebirongoofu ebireeterwamu.

Yeremia 12:16

Ate bwebalyega empisa dh'abantu bange n'omwoyo omulala, ni balayiranga mu liina lyange bati, ‘Nga Musengwa Katonda bw'ali omulamu,’ nga bwe baayegeresa abantu bange okulayiranga omusambwa Baali, olwo boona baliba bantu bange, n'ebintu biribajiiranga bukalamu.

Yeremia 26:18

“Hezekia bwe yali nga ni kyabazinga wa Buyudaaya, omulanzi Mika eyabanga e Moreshethi yakobera abantu ati Musengwa Katonda Afuga Amagye akoba ati, ‘Olusozi Sioni balirulima ng'oti nimiro; ekibuga Yerusalemu kirifuuka mmungo dha bifunfugu, n'olusozi lwonalwona oluliku eisinzizo lwafuuka kibira.’

Yeremia 31:6

Bwenebwene ekiseera kiri kwidha, abakuumi beete nga bali ku nsozi edh'e Efuraimu bati, ‘Mwidhe tuniineniine Sioni, tuje eri Musengwa Katonda waife.’ ”

Ezekieli 40:2

Era nga ndi mu kubonekerwa, Katonda yambeeda yantwala mu nsi Isiraeli, yandhisa ku lusozi oluleeyi, olwaliku ekyaboneka ng'oti kibuga, nga kiri agho emberi wange.

Hosea 3:5

Aye mu biseera eby'oluvainhuma abantu bange Abaisiraeli balikyuka, kabiri baira eri Musengwa Katonda waibwe n'eri Daudi kyabazinga waibwe. Baliiramu okutya Musengwa Katonda oyo, era baafunanga ebirungi ebiva y'ali.

Hosea 6:3

Ka tufube inho okumanha Musengwa Katonda. Okwidha kwe ye tuli kukakafu ng'oti bwire kukya. Aliidha ye tuli ng'oti maadhi matoigo, agagwa ni gafukirira ensi.”

Mika 4:2

abantu abangi abo balikoba bati: “Mwidhe tuje ku lusozi lwa Musengwa Katonda, mu isinzizo lya Katonda wa Isiraeli, atwegerese by'ayenda tukole era tujiire ku ebyo by'atwegeresa; kuba Musengwa Katonda aba eyo mu Yerusalemu yaayegeresa abantu be, era aba eyo mu Sioni yaayogera n'abantu be.”

Matayo 7:24

“Kale buli awulira ebibono byange bino n'abijiiraku afaanana ng'omusaadha omugezigezi eyazimba endhu ye ku lubaale:

Luka 11:28

Aye Yesu yaakoba ati: “Abasinga okuba ab'enkabi n'abo abawulira ekibono kya Katonda ni bakigema.”

Luka 24:47

era nti okwenenia n'okusoniyibwa ebibi, biri n'okukoberwa amaghanga goonagoona mu liina lye, okuviira irala ni mu Yerusalemu.

Yoanne 4:22

Imwe musinza kye mutaidhi aye ife tusinza kye twidhi, kuba obulokozi buva mu Buyudaaya.

Yoanne 7:17

Kiisi aganha okukola oyo by'ayenda, amanha oba nga bye ndhegeresa byange ku bwange oba biva eri Katonda.

Ebikolwa by'Abatume 1:8

Aye mulifuna amaani Mwoyo Mutukuvu lw'alibaidhaku, mwaba badhulizi bange mu Yerusalemu, ni mu Buyudaaya mwonamwona, ni mu Samaria, n'okutuusa ensi y'ekoma.”

Ebikolwa by'Abatume 10:33

Agho ni n'okukutumira mangu ago, era okoze bukalamu okwidha. Kale mperaano twenatwena tuli ghano mu maiso ga Katonda, okuwulira byonabyona Musengwa by'akulagiire.”

Ab'e Roma 10:18

Aye mbuuza: Kituufu tibaawulira bukwenda? Bwenebwene baabuwulira, ng'ebyaghandiikibwa bwe bikoba biti: “Amamiro gaibwe gaatuuka mu nsi yoonayoona. Ebibono byaibwe byawulirwa ensi y'ekoma.”

Amateeka Agokubiri 33:19

Baidha kwetanga abamaghanga agandi ku lusozi lwaibwe, bagheerenga eyo emisengo emituufu. Baidha kufunanga eby'obukombe mu nhandha, ni mu musenho ku bukalu bw'enhandha.”

Amateeka Agokubiri 6:1

Agho Musa yaakoba Abaisiraeli ati: “Gano n'amateeka, n'ebiragiro, n'okulamba, Musengwa Katonda waimwe bye yandagira okubeegeresa. Mubituukirizenga mu nsi ye muli kumpi okwingiramu okutwala, ere nga musomoike omwiga Yorudani.

Yakobo 1:25

Aye oyo eyeekalirisa amateeka amatuufu agaleetera abantu eidembe, era n'ageekalanguliraku nga tawulira buwulire ni yeerabira, aye ng'akola bye gakoba, omuntu oyo anaabanga wa nkabi mu buli ky'akola.