Isaia 2:2 - Baibuli Ekibono kya Katonda 2014

² Olunaku lwidha kutuuka, olusozi oluliku eisinzizo, lube nga n'olusinga buleeyi mu dhoonadhoona, era nga lusooloobye n'obusozi bwonabwona. Abantu abamaghanga kamaala balisomboka, baidha ku lusozi olwo,

Isaia 2:2 Iomraidhean Croise

Amainhama 49:1

Agho Yakobo yaayeta batabane be, yaakoba ati: “Mwidhe ghalala, mbakobere ebiribatuukaku ye bwidha.

Yobu 19:25

Aye ndidhi ng'Omununuzi wange mulamu, era n'alisalagho eky'enkomerero ku nsi.

Zabbuli 102:23

Ansaze ku maani nga nkaali muto; akendeeziiza ku nnaku edh'obulamu bwange.

Zabbuli 2:8

Bw'onsaba eky'okufuga amaghanga goonagoona ndidha kukikugha, era nkughe ensi yoonayoona ebe yiyo.

Zabbuli 22:27

Okuva ku ndhuyi dhoonadhoona edh'ensi amaghanga galiidhukira Musengwa Katonda. Galikyuka gaira y'ali; ebika byonabyona birimusinza;

Zabbuli 22:28

kuba obufuzi bwonabwona bwa Musengwa Katonda, era oyo n'afuga amaghanga.

Zabbuli 48:2

Sioni olusozi lwa Katonda luleeyiriri era luboneka bulungi; ekibuga kya kyabazinga omukologho kisanhusa ensi yoonayoona.

Zabbuli 68:17

Musengwa Katonda yaidha ku lusozi Sinai mu kifo ekitukuvu, ng'ali n'ebigaali bye eby'amaani eby'omu lutalo enkumi n'enkumi.

Zabbuli 72:8

Obwakyabazinga bwe bugazighe okuva ku nhandha okutuuka ku nhandha. Era buve ku mwiga Eufurate okutuuka ensi y'ekoma.

Zabbuli 86:9

Amaghanga goonagoona ge watonda, gaja kwidha gakukubire amakiryaivu, era gaatule ng'eriina lyo bwe liri ery'ekitiisa.

Zabbuli 87:1

Ku lusozi lwa Katonda olutukuvu n'okuli ekibuga kya Musengwa Katonda kye yazimba.

Zabbuli 87:2

Musengwa Katonda agonza Yerusalemu okusinga ebifo ebindi byonabyona ebiri mu Isiraeli.

Isaia 11:10

Olunaku lwidha kutuuka, oyo asimuka mu Yesse abe akamanhiso eri amaghanga. Amaghanga ago galyesolokeza gh'ali, era ekifo mw'alifugira kiriba kya kitiisa.

Isaia 25:6

Ku lusozi luno Sioni, Musengwa Katonda Afuga Amagye alifumbira amaghanga goonagoona embaga, ng'eriku emere esinga bulungi n'omwenge gw'emizabbibu ogusinga bulungi.

Isaia 27:13

Ku lunaku olwo, eigwala lirivuga n'amaani, okweta Abaisiraeli boonaboona abaliba mu Assiria ni mu Misiri, baidha baasinza Musengwa Katonda ku lusozi olutukuvu mu Yerusalemu.

Isaia 30:29

Aye imwe abantu ba Katonda, mulyemba era mwasagamba nga bwe mukola obwire nga mukuza ekibinuko ekitukuvu. Muliba basangaavu ng'abo abatambulira ku lwembo olw'endere, nga baja ku lusozi lwa Musengwa Katonda, oyo olubaale Isiraeli lwe yeewogomamu.

Isaia 49:6

Musengwa Katonda oyo yankoba ati: “Iwe eky'okuba omugheereza wange n'okola ogw'okwizaagho ekitiisa ky'ebika bya Yakobo, n'okwiza Abaisiraeli abaawonagho, tikimala. Ku ebyo ndyongerezaaku okukufuula eitaala eri amaghanga, olwo ensi yoonayoona erokolebwe.”

Isaia 56:5

ndireetera eriina lye okwidhukirwanga buliidho mu isinzizo lyange ni mu bantu bange aghazira kwerabirwa naire, okusinga bwe yandibaire azaire abaana abalenzi n'abaghala.”

Isaia 56:7

“Ndibatwala ku Sioni olusozi lwange olutukuvu, naabagha eisanhu mu ndhu yange ey'okusinzizaamu. Ebigheebwayo byaibwe ebyokebwa n'emisengo gyaibwe ndibiikiriza ku alutaari yange, kuba endhu yange enaayetebwanga ndhu ya kusinzizaamu ab'amaghanga goonagoona.”

Isaia 60:3

Amaghanga galiidha eri obutangaavu bwo, ni bakyabazinga baidha eri okumesunkana kwo.

Isaia 65:11

“Aye embeera eriba yindi eri imwe abanvaaku nze Musengwa Katonda, ni mwerabira Sioni olusozi lwange olutukuvu, ni musinza omusambwa Gadi gwe bakoba mbu guleetera abantu okuba ab'enkabi, n'omusambwa Meni gwe bakoba mbu n'oguleetera ebyo ebituuka ku bantu okubaagho.

Isaia 66:20

Baliiza baganda baimwe boonaboona nga babatoola mu maghanga goonagoona, baabaleeta ng'ekigheebwayo eri nze Musengwa Katonda, ku lusozi lwange olutukuvu Yerusalemu. Balibaleetera ku mbalaasi, ku nhumbu, ku ngamiya, ku bigaali eby'omu lutalo, ni ku bigaali ebindi, ng'oti n'Abaisiraeli bwe baleeta ebigheebwayo eby'emere ey'empeke mu isinzizo nga babitaire mu bintu ebirongoofu ebireeterwamu.

Isaia 66:23

Buli ku kuboneka kw'omwezi na buli ku Sabbato, abantu boonaboona baliidhanga baasinza mu maiso gange.

Yeremia 16:19

Wo Musengwa Katonda, niiwe amaani gange era niiwe onkuuma; niiwe onhamba mu biseera ebizibu. Amaghanga galiva mu buli nsonda y'ensi, gaidha y'oli, gaakoba gati: “Badhaadha baife tibaali na Katonda, aye baali na bisinzibwa ebitali Katonda, ebintu obuntu ebiziramu muganhulo naire.

Yeremia 23:20

Era obusungu bwa Musengwa tibuja kwika, okutuusa ng'amaze okukola n'okutuukiriza ky'asazeegho okukola. Imwe abantu be, ekyo mulikitegeera bukalamu mu biseera eby'oluvainhuma.”

Yeremia 26:18

“Hezekia bwe yali nga ni kyabazinga wa Buyudaaya, omulanzi Mika eyabanga e Moreshethi yakobera abantu ati Musengwa Katonda Afuga Amagye akoba ati, ‘Olusozi Sioni balirulima ng'oti nimiro; ekibuga Yerusalemu kirifuuka mmungo dha bifunfugu, n'olusozi lwonalwona oluliku eisinzizo lwafuuka kibira.’

Yeremia 3:17

Mu kiseera ekyo Yerusalemu kiriba kyetebwa ekityamo eky'obwakyabazinga ekya Musengwa Katonda. Abantu abamaghanga goonagoona balyesololeza eyo okunsinza nze Musengwa Katonda, nga tibakairayo kukola ebyo emyoyo gyaibwe emikalangufu era emibi bye gyenda.

Yeremia 30:24

Era obusungu bwa Musengwa Katonda obubitirivu tibuja kwika, okutuusa ng'amaze okukola n'okutuukiriza ky'asazeegho okukola. Imwe abantu be, ekyo mulikitegeera bukalamu mu biseera eby'oluvainhuma.

Yeremia 31:12

Baliidha baayemba n'amaani nga basagamba ku lusozi Sioni. Era baaba basangaavu olw'ebirabo bye mbagha: engaano, omwenge ogw'emizabbibu, omuzigo ogw'ebibala eby'emiti emyoliva, entaama, n'ente. Baliba ng'oti n'enimiro efukirirwa amaadhi obukalamu, era nga tibadhulirira kintu kyonakyona.

Yeremia 48:47

“Aye mu biseera eby'oluvainhuma, nze Musengwa Katonda ndireetera ebintu okwiramu okujiiranga Abamoabu obukalamu.” Ebyo byonabyona, Musengwa Katonda bye yakoba okutuuka ku nsi Moabu.

Yeremia 49:39

Aye mu biseera eby'oluvainhuma, ndireetera ebintu okwiramu okujiiranga Elamu obukalamu. Nze Musengwa Katonda, ninze nkobye.”

Yeremia 51:44

Ndibonereza Beli katonda wa Babiloni, naamuleetera n'okwiza bye yaiba, n'amaghanga galekera agho okumusinzanga. “Ekimante eky'oku kibuga Babiloni kigwire ku itaka.

Ezekieli 38:16

Olirumba abantu bange Abaisiraeli waababuutikira ng'oti kire kighembye ku nsi. Mu biseera ebyo eby'oluvainhuma ndikuleetera okulumba ensi yange, amaghanga gasobole okuumanha nze. Bye ndikolera mu iwe, biryoleka amaghanga ago nga bwendi omutukuvu.

Ezekieli 40:2

Era nga ndi mu kubonekerwa, Katonda yambeeda yantwala mu nsi Isiraeli, yandhisa ku lusozi oluleeyi, olwaliku ekyaboneka ng'oti kibuga, nga kiri agho emberi wange.

Danieli 10:14

Ndidhie okukuyamba otegeere ebirituuka ku bantu bo ye bwidha kuba bye wabona mu kubonekerwa, byakubaagho mu biseera eby'oluvainhuma.”

Danieli 2:28

Aye ghaligho Katonda mu igulu ayoleka ebyama. Oyo n'ali kukumanhisa ebija okubaagho mu biseera eby'oluvainhuma. Mpegaano ni, ka nkukobere kye wabona mu kirooto ng'otendwike mu buliri bwo.

Danieli 2:35

Agho mu kiseera kyene ekyo, ekyuma ekigumu einho, n'eitosi, n'ekyuma eky'ekikomo, ni feeza, ni zaabu, byonabyona byamanhiangukira ghalala. Byafuuka ng'oti musinsi oguba mu bifo aghakubirwa engaano mu biseera eby'ekyeya. Empewo yaabifuuwa okubimaliriragho, ghaabulagho n'akamanhiso akalaga nga bibaireghooku. Aye eibaale eryakuba ekiwumbe ekyo lyafuukamu olusozi olukologho olwabuna ensi yoonayoona.

Danieli 2:45

Era wabona eibaale eryamogoka lyonka ku lusozi nga ghazira muntu aligemyeku, lyamaniangula ekyuma ekigumu einho, n'ekyuma eky'ekikomo, n'eitosi, ni feeza, ni zaabu. Isebantu kyabazinga, Katonda omukologho n'akumanhiisa ebyo ebiribaagho. Ekyo n'ekirooto kyo kyene kye waloota, era ago n'amakulu gaakyo geene agaziramu kubuusabuusa naire.”

Hosea 3:5

Aye mu biseera eby'oluvainhuma abantu bange Abaisiraeli balikyuka, kabiri baira eri Musengwa Katonda waibwe n'eri Daudi kyabazinga waibwe. Baliiramu okutya Musengwa Katonda oyo, era baafunanga ebirungi ebiva y'ali.

Zekaria 14:10

Ekiketezo kyonakyona ekiri ku luuyi olw'omukono omusaadha olw'e buvandhuba olwa Yerusalemu, okuva e Geba okutuuka e Rimmoni, kirifuulibwa museetwe mwereere. Aye Yerusalemu kirisigala mu kifo kyakyo nga kiri ghaigulu okuwula ebiketezo byonabyona ebikyezungulwire. Era ekibuga ekyo kiriva ku gwetebwa Omulyango gwa Benjamini, kyaja kyatuuka ku gwetebwa Omulyango ogw'omu Nsonda aghaali omulyango omukaire, era kyatuuka ku kyetebwa Ekituuti ekya Hananeli, ni ku bikunhiro bya kyabazinga eby'omwenge ogw'emizabbibu.

Zekaria 14:9

Agho Musengwa Katonda n'aliba Kyabazinga ow'ensi yoonayoona, abantu boonaboona baamusinzanga nga ni Musengwa Katonda yenka ye baidhi.

Zekaria 8:22

Abantu abamaghanga kamaala nga mulimu n'ag'amaani, baliidha e Yerusalemu ye Musengwa Katonda Afuga Amagye, okumusinza n'okumweghemba abagemerwe ekisa.

Zekaria 8:3

Luliba lulala naira ku lusozi lwange Sioni, naaba mu kibuga kyange Yerusalemu. Olwo ekibuga ekyo balikyetanga ekibuga eky'abantu abeesigwa, era baakyetanga olusozi lwange nze Musengwa Katonda Afuga Amagye olutukuvu.

Malaki 3:12

Olwo abantu b'omu maghanga goonagoona balibeetanga ab'enkabi, kuba ensi yaimwe eriba yeesiimisa okubaamu.”

Okubala 24:14

Mperaano ndi kwirayo mu bantu bange. Aye bona eno, ka nkukobere abantu abo Abaisiraeli kye balikola abantu bo mu biseera eby'oluvainhuma.”

Ebikolwa by'Abatume 2:17

‘Katonda akoba ati ku nkomerero kino n'ekiribaagho: Ndiyugha ku bantu boonaboona Mwoyo wange. Batabane baimwe ni baghala baimwe baliranga ekiribaagho, n'abaisuka baimwe balibonekerwa, n'abakaire mu imwe baliroota ebirooto.

2 Timotheo 3:1

Aye kino kimanhe, nga mu nnaku edhirisembayo ghalibaagho ebiseera eby'akabi.

Abaheburayi 1:2

Aye mu nnaku dhino edhisembayo yaayogera n'ife ng'abita mu Mwana we, ye yataagho okuba mwene bintu byonabyona, era ye yabitamu okutonda ensi.

2 Petero 3:3

Okusookera irala muteekwa okumanha nga mu nnaku edhisembayo, abantu abenda einho musekererwe era abafugibwa okwegomba okw'omubiri, baliboneka. Balibaseka

Okwolekebwa 11:15

Agho malaika owomusanvu yaafuuwa eigwala lye. Ghaabaagho amamiro mu igulu nga gakoba gati: “Obwakyabazinga obw'ensi bufuuse bwa Musengwa waife era bwa Kurisito: aidha kufuganga ebyanda n'ebyanda.”

Okwolekebwa 20:4

Agho naabona ebityamo eby'obwakyabazinga nga bityaimeku abo abaagheebwa obukumu okufuga. Era naabona emyoyo gy'abo abaatemwaku emitwe olw'okudhulira Yesu n'olw'ekibono kya Katonda. Abo n'abataasinza kisolo waire ekifaananie kyakyo era abataaganha kuteebwaku kamanhiso kaakyo mu byeni oba ku mikono. Abo bairamu okuba abalamu era Kurisito yaafuga nabo emyaka lukumi (1,000).