Isaia 13:3 - Baibuli Ekibono kya Katonda 2014

³ Nze Musengwa Katonda mwene ninze ndagiire abalonde bange, abalwani bange abo ab'amaani mbeese okubonereza abo be nsungughaliire.”

Isaia 13:3 Iomraidhean Croise

Zabbuli 149:2

Abaisiraeli ka basangaale olw'oyo Eyabatonda; abantu ab'omu Sioni basagambe olwa Kyabazinga waibwe oyo.

Isaia 23:11

Musengwa Katonda agololeire omukono gwe ku nhandha, yaayuuzayuuza obwakyabazinga bungi. Alagiire ebifo eby'okwewogomamu eby'e Kanaani babizikirize.

Isaia 5:26

Musengwa Katonda alikola akamanhiso okweta abamaghanga agali eghala. Alibafuuyira endeka baava ensi y'ekoma, baidha amangu geene ago nga balumuka embiro.

Yeremia 25:9

‘Bona, nja kwetesa abantu boonaboona ababa ku luuyi olw'omukono omugooda olw'e buvandhuba, era ndhetese n'omugheereza wange Nebukadinezzari kyabazinga w'e Babilonia. Memale mbaleete balwanise abantu b'omu Buyudaaya, n'ab'omu maghanga goonagoona agaliiraine agho. Nja kuzikiriza nsaaniegho eighanga lino Buyudaaya ghalala n'amaghanga agaliiraine agho, mu nsambo etiisa einho, buli muntu ageesimoozenga bwesimooze era agavumirirenga ebyanda n'ebyanda. Nze Musengwa Katonda, ninze nkobye.

Yeremia 51:46

Mutawaamu myoyo oba okutya, olw'amawulire ge muwulira mu nsi. Buli mwaka amawulire ag'endhawulo gasansaanizibwa: ka tukobe, ng'ago agoogera ku bikolwa eby'obukambwe mu nsi eno, n'aga kyabazinga ono okulwana ni kyabazinga owundi.

Yeremia 51:53

Abababilonia ni bwebaniina ku igulu, ni bazimba okwo ekifo eky'okwewogomamu, era ndisindikayo abo abazikiriza, baaja baakizikiriza. Nze Musengwa Katonda, ninze nkobye.”

Yoeli 3:11

Mwanguye mwidhe, imwe abamaghanga goonagoona ageezungulwire agho, mukole mwesololeze eyo mu kiiko.’ ” Wo Musengwa Katonda, leeta abalwani bo ab'amaani.

Zefania 1:7

Musiriikirire aghali Musengwa Katonda, kuba olunaku lwe luli kumpi kutuuka. Musengwa Katonda ategeike okughaayo abantu be basalibwe ng'oti musengo, era amaze n'okweta abageni abaja okukola omukolo ogwo.

Okwolekebwa 18:20

Imwe mwenamwena abali mu igulu musagambe, kuba azikiriziibwa! N'imwe abatuukirivu, n'abatume, n'abalanzi musagambe! Kuba Katonda amusaliire omusango gwamusinga olw'ebyo bye yabakola.”