Isaia 10:3 - Baibuli Ekibono kya Katonda 2014

³ Mulikola mutya ku lunaku Musengwa Katonda lw'alibabonerezaaku, n'abatuusaaku akabi akaliva mu nsi ey'eghala? Mulirumukira y'ani okubayamba? Era mulikweka gha obukombe bwaimwe?

Isaia 10:3 Iomraidhean Croise

Amainhama 31:1

Agho Yakobo yaawulira batabane ba Labani nga bakoba bati: “Yakobo atwaire ebyayo byonabyona ebyali ebya iseife. Era mu ebyo mw'afuniire obukombe obwo bwonabwona.”

2 Bakyabazinga 7:15

Abakwenda baaja baatuukira irala ku Yorudani, era baabona nga mu ngira mwonamwona mwidhwire ebivaalo n'ebintu ebindi Abasiria bye baasuula nga bali kulumuka. Agho bairayo baakobera kyabazinga.

Yobu 31:14

kale ndikola ntya, Katonda bw'alisituka okunsalira omusango? Ndimwiramu ki bw'aliidha okumbuuza?

Ensambo 11:4

Ku lunaku Katonda lw'alamuliraku abantu, okuba omukombe kizira kye kiyamba, aye obutuufu buwonia omuntu okufa.

Isaia 13:6

Muwowoole amaziga kuba olunaku lwa Musengwa Katonda luli kumpi; olunaku oyo Aghanga Ebintu Byonabyona lw'alireeteraku okuzikirira.

Isaia 17:4

Musengwa Katonda era akoba ati: Olunaku olwo bwe lulituuka, ebitiibwa by'ensi Isiraeli birikendeera, era mu kifo ky'okukombaghala, eryavughala bwavughale.

Isaia 20:6

Olunaku olwo bwe lulituuka, abantu ababa ku mbali kw'enhandha balikoba bati, ‘Oboine ekituuse ku be twesigulirangaku tuti balituwonia kyabazinga w'e Assiria? Kale obwo ife tuliwona tutya?’ ”

Isaia 26:14

Abo buti bafu era tibaliiramu kabiri kuba balamu; abo buti mizimu buzimu egitaja kwiramu bulamu naire. Kuba wababonereza waabazikiriza, era tighalibaagho abaidhukira kabiri.

Isaia 26:21

Musengwa Katonda wuuyo ali kuva mu igulu y'aba, ng'aidha okubonereza abantu ku nsi olw'ebibi byaibwe. Abantu abaatemulwa mu ngiso balimanhibwa mu lwatu. Eitaka liriba tirikaasobola kugisa abo abaitibwa.

Isaia 28:20

Muliba ng'oti n'omuntu asula ku buliri obumpi bw'atasobola kwegololeraku, era nga n'omwebwiko gwona mumpi, ogutasobola kumubunia.

Isaia 29:6

nze Musengwa Katonda Afuga Amagye ndibalwanirira, nga nkozesa okutyabuka kw'olukuba okw'amaani, era nga ntengeesa ensi ni musisi. Era ndikozesa n'empewo eyeezungulula n'amaani, naakozesa n'enimi edh'omuliro oguzikiriza kiisi kiri mu ngira yaagwo.

Isaia 30:16

Mwakoba muti: “Busa naire! Titwidha kukola ekyo, twidha kuvuga embalaasi dhaife tulumuke ku bazigu baife.” Aye waire mwesigulira ku mbalaasi dhaimwe muti dhirumuka inho, embalaasi edh'abazigu abababingirira n'edhisinga kuba na mbiro.

Isaia 30:5

ensoni dhirigema abantu b'e Buyudaaya, era beidhusa n'ekyabeesiza abantu abatasobola kubayamba waire okubaaku engeri ye babagasaamu, okutoolaku okubaswaza n'okubaleetera okunhoomebwa.”

Isaia 30:7

Obuyambi ensi Misiri bw'ebagha buzira kye bubaganhula waire okubagasa. Kyenviire ntuuma Misiri eyo eriina, ‘Ogusota Rahabu ogutamoodha.’ ” Agho Katonda yankoba ati:

Isaia 33:14

Aboonooni abali mu Sioni bali mu kutya kwereere; abantu abo abatatya Katonda bali kudhugumira, nga bakoba bati: “Musengwa Katonda ali ng'oti muliro oguzikiriza buli ekiri mu ngira yaagwo. Kale naani ku ife asobola okusigala ng'akaali mulamu mu kwokerera okwo okutalekera ebyanda n'ebyanda?”

Isaia 39:3

Agho Isaia omulanzi yaidha eri kyabazinga Hezekia, yaamubuuza ati: “Abasaadha bano baviiriire gha okwidha y'oli era bakobye ki?” Hezekia yairamu ati: “Baviire mu nsi ya ghala, Babilonia.”

Isaia 5:14

Amagombe kye gava ni gabeeguguna, ni gaasamya omunwa okumira abakungu b'omu Yerusalemu aghalala n'eikuukuubira ery'abantu baamu, abaakiwowoiganirangamu nga basagamba.

Isaia 5:26

Musengwa Katonda alikola akamanhiso okweta abamaghanga agali eghala. Alibafuuyira endeka baava ensi y'ekoma, baidha amangu geene ago nga balumuka embiro.

Yeremia 22:7

Nja kusindika abantu baidhe bakizikirize. Baliidha n'empasa dhaibwe, baatematema empango dhaakyo edh'emivule edhiboneka obulungi einho, baadhisuula mu muliro.

Yeremia 4:30

Iwe Yerusalemu ye balekuliire obwagho, obwo bwene okuvaala ebivaalo eby'ebitiibwa ebya kasaayisaayi oba otegeeza ki, era n'okuvaala amadholobera aga zaabu oba otegeeza ki? Lwaki osiiga amaiso go langi okugalungiya? Weewoomeza bwereere! Abo be weegonzanga nabo buti bakunhooma bunhoome, era benda na kukwita.

Yeremia 5:31

Abalanzi balanga bya buguya, ni bakabona bafuga nga bajiira ku balanzi bye balagira, n'imwe abantu bange mwena mwaloba kukitakaniaku naire. Aye mulikola ki ng'enkomerero etuuse?”

Yeremia 9:9

Nze Musengwa Katonda nkoba nti, nsobola ntya obutabonereza bantu abo olw'okukola ebintu ebyo? Era nsobola ntya obuteesasuuliza ku ighanga eryo?”

Hosea 5:13

Isiraeli bwe yabona obulwaire bwayo, ni Buyudaaya n'ebona ebibwa byayo, Isiraeli eyo yaatumisa kyabazinga omukologho ow'e Assiria aidhe agiyambe. Aye nga tasobola kuwonia bulwaire obwo waire ebibwa ebyo.

Hosea 9:5

Mulikola mutya ku nnaku edh'ebibinuko ebyalagirwa, enaku edh'okukuza embaga ya Musengwa Katonda?

Hosea 9:7

Ekiseera eky'okubonerezebwa kituuse, ekiseera ekya buli muntu okufuna ekimusaana. Mulikoba muti: “Omulanzi ono musiru,” era muti: “Omuntu ono aliku omwoyo gwa Katonda, mulalu.” Mukoba mutyo, kuba ebibi byaimwe bingi inho, n'obukyayi bwe muli nabwo bubitirivu.

Amosi 5:19

Kiriba ng'oti n'omuntu ali kulumuka ku mpologoma, kabiri n'ayagaanana n'ekisolo ekikambwe. Oba ng'oti n'omuntu angira mu ndhu ni yeesiira ku kimante, omusota ni gumumoodha omukono.

Mika 7:4

N'omuntu oyo atwalibwa okuba nga n'abasingamu obulungi n'obwesigwa, yeena muzira makulu ng'oti n'eisubi erizira muganhulo. Aye ekiseera kituuse Katonda ababonereze, nga bwe yabalabula ng'abita mu balanzi, abantu baibwe, ababalengeza ku bija okubaagho. Buti basobeirwa!

Zefania 1:18

Ku lunaku olwo Musengwa Katonda lw'aliragiraku obusungu bwe ezira kirisobola kubawonia, waire feeza ni zaabu waibwe yeenayeena. Obusungu bwe obuli ng'oti muliro, obuva ku nkikidi y'ali nayo ku lw'abantu be, buja kuzikiriza ensi yoonayoona. Aja kutuusa abantu boonaboona ababa ku nsi, ku nkomerero yaibwe eriba ya mangu inho ng'oti kutemya na kuzibula.

Luka 19:44

Balikusaaniagho iwe n'abantu bo abakulimu era tibalireka ibaale ku liinaalyo kuba tiwamanha lunaku lwa kukukyalira.”

Amateeka Agokubiri 28:49

Musengwa Katonda alibasindikira abantu ab'eighanga erindi, aboogera olulimi lwe mutategeera. Abantu abo alibatoola ku nkomerero y'ensi, baabalumba nga baziinhuuka ng'oti n'enkookooma bw'eziinhuuka.

1 Petero 2:12

Mwebisenga bukalamu nga muli mu bamaghanga agandi. Olwo balobe kuboogeraku bati muli bakozi ba bibi, aye babone nga bye mukola bikalamu era basaake Katonda ku lunaku lw'aliidha.